უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
სულ ცოტა ხანში აშშ-სთან კიდევ ახალი პერსპექტივები გაიხსნება - გიორგი კვირიკაშვილი
ამერიკელი კონგრესმენების საქართველოსადმი მხარდამჭერი წერილი არის ძალიან მნიშვნელოვანი ჩვენი დიპლომატიური ურთიერთობების 25 წლის თავზე, - განუცხადა ჟურნალისტებს საქართველოს პრემიერ-მინისტრმა, გიორგი კვირიკაშვილმა.
მისი თქმით, კონგრესმენებმა პრეზიდენტისთვის მიწერილ წერილში კიდევ ერთხელ გაუსვეს ხაზი საქართველოს მხარდაჭერას.
"ჩვენ გვაქვს ორპარტიული მხარდაჭერა. აშშ არის საქართველოს ყველაზე მნიშვნელოვანი სტრატეგიული პარტნიორია, გვაქვს თანამშრომლობა მრავალი მიმართულებით, გვაქვს სტრატეგიული თანამშრომლობის ფორმატი, სტრატეგიული თანამშრომლობის ქარტია და ვფიქრობთ, რომ ეს ძალიან მნიშვნელოვანი ხაზგასმაა კიდევ ერთხელ ამ ურთიერთობის მნიშვნელობის. ვფიქრობ, სულ ცოტა ხანში აშშ-სთან კიდევ ახალი პერსპექტივები გაიხსნება. დარწმუნებული ვარ, აშშ მნიშვნელოვან როლს ითამაშებს საქართველოს მომავალი 25 წლის განვითარების პერსპექტივაშიც“, - განაცხადა გიორგი კვირიკაშვილმა.
ცნობისათვის, აშშ-ის წარმომადგენელთა პალატის 30-მა კონგრესმენმა აშშ-სა და საქართველოს შორის დიპლომატიური ურთიერთობების 25 წლისთავისა და ორ ქვეყანას შორის მტკიცე სტრატეგიული პარტნიორობის აღსანიშნავად, 2017 წლის 2 მაისს საქართველოს მხარდამჭერი წერილით პრეზიდენტ დონალდ ტრამპს მიმართა.
წერილში, რომლის ქართულ თარგმანს საგარეო საქმეთა სამინისტრო ავრცელებს, აღნიშნულია, რომ 25 წლის მანძილზე საქართველომ განაგრძო დემოკრატიული ინსტიტუტების გაძლიერება.
„საქართველოს მიღწევები კიდევ უფრო დასაფასებელია რუსეთის მხრიდან მიმდინარე სამხედრო აგრესიის ფონზე. რუსეთის ჯარი 2008 წელს საქართველოში შეიჭრა და საქართველოს ტერიტორიის 20 პროცენტის ოკუპირება მოახდინა. რუსეთის ჯარი განაგრძობს საქართველოს ტერიტორიის მცოცავ ანექსიას, და ოკუპირებულ რეგიონებსა და მის მომიჯნავე ტერიტორიებზე ხშირად არღვევს ადამიანის უფლებებს, ასევე ახორციელებს ადამიანთა გატაცებას,“- აღნიშნულია წერილში.
ნინო ექვთიმიშვილი