პოლიტიკა

სუს-ის უფროსი ისრაელის სახელმწიფოს ელჩს შეხვდა

სახელმწიფო უსაფრთხოების სამსახურის უფროსმა გრიგოლ ლილუაშვილმა საქართველოში ისრაელის სახელმწიფოს ახალდანიშნულ ელჩთან, რან გიდორთან შეხვედრა გამართა.

როგორც „მედიანიუსს“ სახელმწიფო უსაფრთხოების სამსახურიდან აცნობეს, მხარეებმა მსოფლიოსა და რეგიონში უსაფრთხოების კუთხით არსებული ვითარება მიმოიხილეს.

„შეხვედრაზე ხაზი გაესვა საქართველოსა და ისრაელის სახელმწიფოს შორის მეგობრულ ურთიერთობებს და შესაბამის უწყებებს შორის უსაფრთხოების სფეროში არსებული თანამშრომლობის მნიშვნელობას.

გრიგოლ ლილუაშვილმა და რან გიდორმა ორი ქვეყნის წინაშე არსებული გამოწვევების შესახებ ისაუბრეს და სამომავლო თანამშრომლობის გაღრმავების პერსპექტივები დასახეს.

სახელმწიფო უსაფრთხოების სამსახურის უფროსმა რან გიდორს ელჩად დანიშნვა მიულოცა და წარმატებები უსურვა”, - აღნიშნულია ინფორმაციაში.