პოლიტიკა

სუს-მა „თავისუფალი ზონის“ ყოფილი წევრები გამოკითხვაზე დაიბარა

სახელმწიფო უსაფრთხოების სამსახურის კონტრდაზვერვის დეპარტამენტმა „თავისუფალი ზონის“ ყოფილი წევრები, რომლებმაც ორგანიზაცია დღეს დატოვეს, გამოკითხვაზე დაიბარა. ბესო კალაძე და კიდევ ცხრა პირი, რომლებმაც მოსალოდნელ დესტაბილიზაციასთან დაკავშირებით განცხადება გააკეთეს, უწყებაში დღესვე უნდა გამოცხადდნენ.

შეგახსენებთ, თავისუფალი ზონის გლდანის ორგანიზაციის ყოფილმა თავმჯდომარემ ბესო კალაძემ უკრაინაში, მისი და მიხეილ სააკაშვილის შეხვედრის დეტალებზე ისაუბრა და აღნიშნა, რომ მიხეილ სააკაშვილიგან პირადად მიიღი მითითება, რომ არჩევნების შემდეგ სპეციალური ორგანიზაცია ,,საქართველოს ერთგულების სახელით“, ქვეყანაში დესტაბილიზაცია უნდა მოეწყოთ.

,,ჩვენი მიზანი იქნებოდა, არჩევნების შემდეგ, ვითომ არჩევნების გაყალბების სახელით დაგვეწყო საპროტესტო აქციები და ხელისუფლება იძულებული გაგვეხადა, ჩვენი აქციებით და ქმედებებით მომხდარიყო აქციის დაშლა, შემდეგ, ,,რუსთავი2“-ის მეშევობით მოუწოდებდნენ ხალხს გამოსულიყვნენ ქუჩაში. ამის შემდეგ უნდა მომხდარიყო სახელმწიფო უწყებების ბლოკირება და ჩვენი მთავარი მიზანი იყო პროვოკაციების მოწყობა და ამ ყველაფერს შეიძლება მოჰყოლოდა მსხვერპლიც“, - განაცხადა ბესო კალაძემ.

მარი ნამგალაძე