უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
კონფლიქტის ზონა
სუსი საოკუპაციო ძალების მიერ უკანონოდ დაკავებული ხვიჩა მღებრიშვილის გათავისუფლების შესახებ განცხადებას ავრცელებს
სახელმწიფო უსაფრთხოების სამსახური ოკუპირებული ცხინვალიდან უკანონოდ დაკავებული ხვიჩა მღებრიშვილის გათავისუფლების შესახებ ოფიციალურ ინფორმაციას ავრცელებს.
„საოკუპაციო ძალების მიერ, მიმდინარე წლის სამ ივლისს უკანონოდ დაკავებული საქართველოს მოქალაქე ხვიჩა მღებრიშვილი თავისუფალია და ამჟამად, ცენტრალური ხელისუფლების მიერ კონტროლირებად ტერიტორიაზე იმყოფება.
ხვიჩა მღებრიშვილის უკანონო დაკავების პირველივე დღიდან, სახელმწიფო უსაფრთხოების სამსახური, ყველა შესაბამის უწყებასთან და საერთაშორისო პარტნიორებთან ერთად, აქტიურად იყო ჩართული მიმდინარე პროცესებში.
ასევე, ყოველდღიურ რეჟიმში წარმოებდა აქტიური კომუნიკაცია უკანონო პატიმრის ჯანმრთელობის მდგომარეობის და სხვა რელევანტურ საკითხებთან დაკავშირებით.
აღნიშნული საკითხი, აქტიური განხილვის საგანს წარმოადგენდა ინციდენტების პრევენციისა და მათზე რეაგირების ფორმატში გამართულ შეხვედრებზე.
ასევე, აღსანიშნავია ჩვენი საერთაშორისო პარტნიორების როლი და ჩართულობა როგორც ხვიჩა მღებრიშვილის გათავისუფლების საკითხში, ისე ზოგადად, აღნიშნული მიმართულებით კონსტრუქციული დიალოგისა და სტაბილურობის მხარდაჭერაში“, – აღნიშნულია სუს-ის ინფორმაციაში.
საოკუპაციო ძალების მიერ დაკავებული ხვიჩა მღებრიშვილი დღეს გათავისუფლდა. 47 წლის ხვიჩა მღებრიშვილი რუსმა სამხედროებმა სამ ივლისს დააკავეს.