კომენტარი

თადუმაძის საკითხი ძალიან სერიოზულია - ანა დოლიძე

შეიძლება თუ არა, ადამიანს, რომელსაც შესაძლოა, არ ჰქონდეს იურიდიული განათლება, ეკავოს გენერალური პროკურორის თანამდებობა?! - განაცხადა იუსტიციის უმაღლესი საბჭოს არამოსამართლე წევრმა, ანა დოლიძემ,

„თადუმაძის საკითხი ძალიან სერიოზულია, რადგან მას უკვე უკავია უმნიშვნელოვანესი სახელმწიფო თანამდებობა. ის არის გენერალური პროკურორი. სანამ წინ წავა ის საკითხი, გახდება თუ არა ის მოსამართლე, სერიოზულად უნდა შემოწმდეს მისი დიპლომის ნამდვილობა. არაერთი კითხვა დაისვა მის დიპლომთან დაკავშირებით, სულ მცირე, ყალბია თუ არა ის, რეალურად გაცემულია თუ არა, რა დაწესებულების მიერ არის გაცემული. ამ კითხვებს კვალიფიციურმა ექსპერტიზამ უნდა გასცეს პასუხი. შეიძლება თუ არა, ადამიანს, რომელსაც შესაძლოა, არ ჰქონდეს იურიდიული განათლება, ეკავოს გენერალური პროკურორის თანამდებობა?! სანამ გადაწყდება მისი გადასვლის თემა, დღევანდელ ვითარებაშიც მნიშვნელოვანია, დამოუკიდებელმა ექსპერტებმა შეაფასონ თადუმაძის დიპლომის ნამდვილობა“, - ამბობს ანა დოლიძე.