მსოფლიო
ტაიფუნამდე ცა იასამნისფრად შეიღება - იაპონიაში დაღუპულთა რიცხვი 39-მდე გაიზარდა
მსოფლიო. იაპონია, ტაიფუნი
იაპონიაში ტაიფუნ „ჰაგიბისის“ შედეგად დაღუპულთა რიცხვი 39-მდე გაიზარდა. ინფორმაციას ადგილობრივი მედია ავრცელებს. ამ დრომდე დაკარგულად ითვლება 15 ადამიანი, 189 კი დაშავებულია.
სტიქიის ზონაში 136 000 ადამიანი სასმელი წყლის გარეშეა დარჩენილი, 5 000 მაცხოვრებელი კი ელექტროენერგიის გარეშე.
ქვეყნის 11 პრეფექტურაში მაშველები საგანგებო რეჟიმში მუშაობენ. სტიქიის გამო შეჩერებულია აეროპორტ ნარიტას მუშაობა. სტიქიის ზონიდან ევაკუირებული ათასობით ადამიანი ამ დრომდე დროებით საცხოვრებელ ცენტრებში რჩება.
მსგავსი სიძლიერის სტიქია იაპონიაში ბოლო 60 წელია არ ყოფილა. ტოკიოს სიახლოვეს ჯერ მიწისძვრა მოხდა, ამის შემდეგ იაპონიის სანაპიროებთან ბოლო ათწლეულებში ყველაზე დიდი ტალღები დაფიქსირდა. მიწისძვრას ტაიფუნი “ჰაგიბისი” მოჰყვა. ტაიფუნამდე ცა იასამნისფრად შეიღება.