უკან

უახლესი ამბები

დღის კალენდარი

ანონსები

არქივი

პოლიტიკა

25 თებერვალი, 2017 17:40
font-size

თამარ ჩუგოშვილმა ამერიკელი კონგრესმენების მეუღლეებს უმასპინძლა

თამარ ჩუგოშვილმა, პარლამენტის თავმჯდომარის პირველმა მოადგილემ, საქართველოში ვიზიტით მყოფ ამერიკის შეერთებული შტატების კონგრესმენების მეუღლეებს უმასპინძლა.

კულტურული პროგრამის ფარგლებში, თამარ ჩუგოშვილი და კონგრესმენების მეუღლეები „ვინოტელ“-ს ეწვივნენ, სადაც სტუმრები საქართველოში მეღვინეობის განვითარების ისტორიას გაეცნენ.

კონგრესმენების მეუღლეები, ისტორიული თაღოვანი აგურის ღვინის მარანში, საუკეთესო ქართული ღვინოების ექსკლუზიურ არჩევანს გაეცნენ და ქართული ღვინოები დააგემოვნეს.

თამარ ჩუგოშვილის განცხადებით, საქართველოს პარლამენტის თავმჯდომარესა და კონგრესის დელეგაციას შორის დღეს გამართულ შეხვედრებზე, კიდევ ერთხელ დაფიქსირდა ამერიკის შეერთებული შტატების მხრიდან საქართველოს მნიშვნელოვანი მხარდაჭერა.

„ჩვენ ამ დღეებში ვმასპინძლობთ კონგრესის დელეგაციას საქართველოში. დღეს დილით უკვე გვქონდა შესაძლებლობა, რომ შევხვედროდით კონგრესმენებს. ძალიან საინტერესო შეხვედრა გაიმართა. კონგრესმენებმა, კიდევ ერთხელ დააფიქსირეს მნიშვნელოვანი მხარდაჭერა ამერიკის მხრიდან საქართველოს მიმართ, რაც ჩვენი ქვეყნისთვის, რა თქმა უნდა, ძალიან მნიშვნელოვანია“,-აღნიშნა პარლამენტის თავმჯდომარის პირველმა მოადგილემ.

მისივე თქმით, საქართველოს პარლამენტსა და ამერიკის შეერთებული შტატების კონგრესს შორის თანამშრომლობა შეიძლება გადაიზარდოს ძალიან საინტერესო პროექტებში, რომელიც საქართველოს პარლამენტს ინსტიტუციურად გაძლიერებაში დაეხმარება.

„ჩვენთვის, პარლამენტისთვის კონგრესის მხრიდან ასეთი მხარდაჭერა ძალიან მნიშვნელონია და ჩვენ ვგეგმავთ, რომ ეს კეთილგანწყობა და კარგი თანამშრომლობა გადაიზარდოს კონკრეტულ, ძალიან საინტერესო პროექტებში, რომელიც მიეხმარება საქართველოს პარლამენტს, რომ გაძლიერდეს ინსტიტუციურად, გააძლიეროს თავისი ადამიანური რესურსი და დახვეწოს საკანონმდებლო საქმიანობა.

ჩვენ დარწმუნებული ვართ, რომ საქართველოს პარლამენტი და ამერიკის კონგრესი კონკრეტული მიმართულებებით ძალიან ეფექტურად იმუშავებენ და ითანამშრომლებენ მომავალი ოთხი წლის განმავლობაში. ეს შეხვედრაც, ამ დიდი გეგმის ერთი ნაწილია“,-აღნიშნა თამარ ჩუგოშვილმა.

პარლამენტის თავმჯდომარის პირველი მოადგილის განცხადებით, ქართული ღვინის დეგუსტაციის შემდეგ, კონგრესმენების მეუღლეები ვიზიტის პროგრამით გათვალისწინებულ შეხვედრებს გააგრძელებენ.

„ძალიან მოხარული ვარ, რომ საქართველოში ვიმყოფები. ეს ჩემი პირველი ვიზიტია. ჩვენ შევხვდით არაჩვეულებრივ ახალგაზრდებს, მეწარმეებს. გვქონდა ტური ულამაზეს ძველ თბილისში. აღტაცებული ვარ აქ ყოფნით და ვფიქრობ, რომ საქართველო მანათობელი ვარსკვლავია. მადლობა მასპინძლობისთვის“,-აღნიშნა კონგრესმენ ჯერი კონოლის მეუღლემ, ქალბატონმა ქეთრინ სმიტმა.

კონგრესმენ დევიდ პრაისის მეუღლის, ქალბატონ ლიზა პრაისის განცხადებით, იგი მოხარულია, რომ საქართველოს კიდევ ერთხელ ესტუმრა: „თბილისს მესამედ ვესტუმრე და ძალიან მიხარია აქ დაბრუნება. ეს ლამაზი ქალაქია. ჩვენ უკვე შევხვდით სტუდენტებს და მეწარმეებს. ვისურვებდი, რომ უფრო დიდხანს შეგვეძლოს აქ დარჩენა“.

ამერიკის შეერთებული შტატების კონგრესის დელეგაცია კონგრესმენ პიტერ როსკამის ხელმძღვანელობით საქართველოში გუშინ ჩამოვიდა. დელეგაციის შემადგენლობაში კონგრესმენები: დევიდ პრაისი (ჩრდილოეთ კაროლინა), ჯერი კონოლი(ვირჯინია) და ადრიან სმიტი (ნებრასკა) შედიან.

საკვანძო სიტყვები:

პრემიერ-მინისტრმა ეუთოს სპეციალურ წარმომადგენელთან ოკუპირებულ რეგიონებში ბოლო პერიოდში განვითარებული მოვლენები განიხილა

21 სექტემბერი, 2019 , 14:15

საქართველოს ოკუპირებულ ტერიტორიებზე ბოლო პერიოდში განვითარებული მოვლენები აუარესებს რეგიონში უსაფრთხოების გარემოს და მნიშვნელოვანია საერთაშორისო თანამეგობრობის მხრიდან ამ საკითხის მაღალ დონეზე დაყენება როგორც საერთაშორის

დავით ბაქრაძე ვაშინგტონში სახელმწიფო დეპარტამენტში შეხვედრებს მართავს

21 სექტემბერი, 2019 , 12:55

„ევროპული საქართველოს’’ ლიდერი დავით ბაქრაძე ვაშინგტონში სახელმწიფო დეპარტამენტში შეხვედრებს მართავს. „ევროპული საქართველოდან“ ინფორმაციით, დავით ბაქრაძე სახელმწიფო მდივნის თანაშემწეს, ჯორჯ

პარლამენტმა „სახელმწიფო ინსპექტორის სამსახურის შესახებ“ საქართველოს კანონში ცვლილებები მესამე მოსმენით მიიღო

20 სექტემბერი, 2019 , 13:10

„სახელმწიფო ინსპექტორის სამსახურის შესახებ“ საქართველოს კანონში ცვლილების შეტანის თაობაზე“ კანონპროექტი პარლამენტმა დაამტკიცა. კანონი სახელმწიფო ინსპექტორის სამსახურს გამოძიების ჩატარებისა და ოპერატიულ-

პარლამენტში ქეთევან ციხელაშვილს მოუსმენენ

20 სექტემბერი, 2019 , 10:20

საქართველოს პარლამენტში მინისტრის საათის ფორმატში დღეს შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს მოუსმენენ. სახელმწიფო მინისტრი საქართველოს ოკუპირებულ ტერიტორიებთან დაკავში

„ევროპულმა საქართველო“ შეწყალებების საქმეზე გამოძიებას ითხოვს და პროკურატურას მიმართავს

19 სექტემბერი, 2019 , 16:25

„ევროპულმა საქართველომ“ შეწყალებების საქმეზე გამოძიების დაწყების მოთხოვნით პროკურატურას მიმართა. გენერალური პროკურატურისთვის გაგზავნილ წერილში, პარლამენტის დეპუტატი 28 აგვისტოს პრეზიდენტის მიერ გამოცემულ შეწყ

ნათია მეზვრიშვილი პრემიერ-მინისტრის აპარატის უფროსად დაინიშნა

19 სექტემბერი, 2019 , 12:25

შინაგან საქმეთა მინისტრის ყოფილი მოადგილე ნათია მეზვრიშვილი საქართველოს პრემიერ-მინისტრის აპარატის უფროსად დაინიშნა. ნათია მეზვრიშვილმა აღნიშნულ თანამდებობაზე გიორგი ჭოლაძე შეცვალა. ნათია მეზვრიშვილი შს მინისტრის მოადგილ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს