უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
თამარ ჟვანია არის ფავორიტი და ჩვენ არ ვართ მასთან სამართლიან გარემოში - ცესკო-ს თავმჯდომარეობის კანდიდატი ვლადიმერ ბოჟაძე
„თამარ ჟვანია არის ფავორიტი და ჩვენ არ ვართ მასთან სამართლიან გარემოში“,- ამის შესახებ ცენტრალური საარჩევნო კომისიის თავმჯდომარეობის კანდიდატმა ვლადიმერ ბოჟაძემ ცესკო-ს თავმჯდომარის არჩევის საკითხზე საუბრისას განაცხადა.
მისი განმარტებით, ეს გამოწვეულია იმით, რომ თამარ ჟვანია მოქმედი თავმჯდომარეა.
ბოჟაძის თქმით, ის დღეს ცესკო-ში გასაუბრებაზე ისაუბრებს იმ გამოწვევებსა და გეგმებზე, რაც ცესკო-ს წინაშე დგას.
„შანსების თანაბრობაზე ვერ ვისაუბრებთ. შეხვედრები გვაქვს ცესკო-ს წევრებთან, რომლებსაც გავაცნობთ ჩვენს გეგმებს. უფრო რთულია, გახდე ცესკო-ს წევრი, ვიდრე ცესკო-ს თავმჯდომარე. არანაირი სამართლებრივი პროცედურები არ არსებობს.
რაც შეეხება გეგმებს, ასიათასობით მოქალაქეს არ აქვს საშუალება, მონაწილეობა მიიღოს. მათ უნდა მიეცეთ საშუალება, ელექტრონულად მისცენ ხმა. ასევე პრობლემაა საუბნო საარჩევნო კომისიის წევრების კვალიფიკაცია. ჩვენ შეგვიძლია მათი გადამზადება მოვახდინოთ", - განაცხადა ბოჟაძემ.
ცესკო დღევანდელ სხდომაზე, რომელიც 14:00 საათზე გაიმართება, ახალ თავმჯდომარეს აირჩევს.
ცენტრალურმა საარჩევნო კომისიამ ცესკოს თავმჯდომარის არჩევის შესახებ გადაწყვეტილება სრული შემადგენლობის ორი მესამედით უნდა მიიღოს. ცესკოს თავმჯდომარის არჩევასთან დაკავშირებით კენჭისყრა ფარულია. სამივე კანდიდატს ერთდროულად ეყრება კენჭი.
პრეზიდენტმა სალომე ზურაბიშვილმა ცესკოს თავმჯდომარის თანამდებობაზე ასარჩევად მარიამ შელეგიას, თამარ ჟვანიასა და ვლადიმერ ბოჟაძის კანდიდატურები წარადგინა.