საზოგადოება
თამარაშვილის ქუჩაზე მოჭრილი ხის გამო კომპანია „დომუსს“, სავარაუდოდ, ჯარიმა დაეკისრება
თამარაშვილის ქუჩაზე მოჭრილი ხის გამო კომპანია „დომუსს“, სავარაუდოდ, ჯარიმა დაეკისრება.
თბილისის მერიის ინფორმაციით, თამარაშვილის ქუჩაზე ვერხვის ხე კომპანია „დომუსმა“ უნებართვოდ მოჭრა, რაც ჯარიმას ითვალისწინებს.
მერიაში აცხადებენ, რომ უახლოეს პერიოდში მოხდება ფაქტის შესწავლა, თუ რა მიზეზით მოიჭრა ხე და ასევე, დაზუსტდება, რა ოდენობის ჯარიმა დაეკისრება კომპანიას აღნიშნული ფაქტის გამო.
თამარაშვილის ქუჩაზე ვერხვის ხის მოჭრის გამო წუხელ ღამით ადგილზე ხმაური იყო. ადგილობრივების მტკიცებით, ტერიტორიზე კიდევ 20-ზე მეტი ჯანსაღი ხის მოჭრა იგეგმება. მათივე ინფორმაციით, ხეებს მერიის ნებართვის გარეშე ჭრიდნენ, რადგან მოსახლეობის გამოჩენისთანავე ხის მჭრელებმა ადგილი დატოვეს. ტერიტორია კომპანია ,,დომუსს“ ეკუთვნის. გავრცელებული ინფორმაციით, აღნიშნულ ტერიტორიაზე მაღალსართულიანი კორპუსის მშენებლობა იგეგმება.
ნინო ექვთიმიშვილი