უკან

უახლესი ამბები

დღის კალენდარი

ანონსები

არქივი

სამართალი

8 ოქტომბერი, 2018 16:45
font-size

თანამდებობების პირები, რომლებსაც წლების წინ ვალები და კრედიტები ჰქონდათ, დღეს მრავალმილიონიან ქონებას ფლობენ - ნინო ბურჯანაძე

„დემოკრატიული მოძრაობის“ ლიდერი ნინო ბურჯანაძე პარლამენტის ვიცე-სპიკერს თამარ ჩუგოშვილს და ფრაქცია "ქართული ოცნების" ახალგაზრდა წევრებს მიმართავს, დაინტერესდნენ „ელიტური კორუფციით“, წინააღმდეგ შემთხვევაში, მათი პოლიტიკაში ყოფნა ივანიშვილის ხელისუფლებიდან წასვლასთან ერთად დასრულება.

როგორც ბურჯანაძემ დღეს გამართულ პრესკონფერენციაზე განაცხადა, იმ ფონზე, როდესაც ივანიშვილი ქვეყნის მოსახლეობას სოციალური მდგომარეობის გაუმჯობესებას ჰპირდებოდა, მოსახლეობა კიდევ უფრო გაღარიბდა და ეკონომიკური ფონი უფრო გაუარესდა, ვიდრე ეს "ქართული ოცნების" ხელისუფლებაში მოსვლამდე იყო.

ბურჯანაძე მედიაში გავრცელებულ აუდიო ჩანაწერებს შეეხო და განაცხადა, რომ ამაზე ხელისუფლებას რეაგირება არ აქვს.

„გავრცელებული აუდიომასალების საწინააღმდეგოდ დოკუმენტები არავის გამოუქვეყნებია. ვხედავთ მასალებს, რომელიც გვაჩვენებს, რომ მოქმედი ან ყოფილი თანამდებობების პირები, რომლებსაც წლების წინ ვალები და კრედიტები ჰქონდათ, დღეს მრავალმილიონიან ქონებას ფლობენ", - აღნიშნა ბურჯანაძემ.

„დემოკრატიული მოძრაობის“ ლიდერმა მიმართა პარლამენტში წარმოდგენილ ახალგაზრდებს, რომლებიც პარლამენტში მოხვედრამდე აქტიურად ებრძოდნენ კორუფციას და უკანონობას, იყო თუ არა ეს ბრძოლა რეალური, თუ იყო მხოლოდ და მხოლოდ, ხელისუფლებაში მოსვლის მცდელობა.

„ვეკითხები იმ ახალგაზრდებს, რომლებიც არასამთავრობოებიდან მივიდნენ, აქტიურად მუშაობდნენ საელჩოებში საზღვარგარეთ, რატომ არ იღებთ ხმას?! პირველ რიგში თამარ ჩუგოშვილს მინდა ვკითხო, რადგან პარლამენტის პირველი ვიცე-სპიკერია, ქალბატონ თამარ, ახლა რომ მოიკითხეთ წელიწადნახევრის წინ მომხდარი ფაქტი, როდესაც ყოფილ გენერალურ აუდიტორს სცემეს და ფაქტი დღემდე არ არის გამოძიებული, აქამდე რატომ არ დაინტერესდით ამ გამოძიებით? იქნებ, ახლა მაინც დააყენოთ საკითხი ელიტური კორუფციის თაობაზე და დანარჩენმა ახალგაზრდებმა, რომლებიც პარლამენტში არიან და აქვთ სურვილი, მომავალში გააგრძელონ პოლიტიკური საქმიანობა. წინააღმდეგ შემთხვევაში, მოხდება ისე, როგორც ხდებოდა ყოველთვის: წავა ბიძინა ივანიშვილი და წაყვება მთელი გუნდი. მოიკითხეთ, ადამიანები, რომლებსაც წლების წინ ვალები და კრედიტები ჰქონდათ. ამოიღეთ ხმა ამ უსამართლობის წინააღმდეგ. ამის გარეშე, გარწმუნებთ, გაცილებით ადრე დასრულდება თქვენი ხელისუფლება, ვიდრე თქვენ წარმოგიდგენიათ და თქვენც ჩაყვებით ამ ხელისუფლებას", - განაცხადა ბურჯანაძემ.

შინაგან საქმეთა სამინისტრო განცხადებას ავრცელებს

18 ნოემბერი, 2019 , 18:55

შინაგან საქმეთა სამინისტროს საპოლიციო ძალების მიერ ჩატარებული ღონისძიებების შედეგად, საკანონმდებლო ორგანოს შესასვლელები ხელოვნურად შექმნილი ბარიერებისგან გაწმენდილია, პარლამენტის ყველა შესასვლელი გათავისუფლებულია და საკა

პარლამენტის მუშაობისთვის ხელშეშლა კანონით იკრძალება - შსს

18 ნოემბერი, 2019 , 14:20

შინაგან საქმეთა სამინისტრო რუსთაველის გამზირზე შეკრებილ პოლიტიკური პარტიების ლიდერებს და აქციის ორგანიზატორებს მოუწოდებს, პარლამენტის შენობის შესასვლელების ბლოკირება შეწყვიტონ. უწყება განცხადებას ავრცელებს, რომელშიც განმ

განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ორი ფაქტი გამოვლინდა

14 ნოემბერი, 2019 , 11:10

საქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ - სამძებრო და საგამოძიებო მოქმედებების შედეგად, საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესი

თბილისის ზღვაზე ნაპოვნი მამაკაცის მკვლელობის საქმეზე ბექა კვიციანი დააკავეს

14 ნოემბერი, 2019 , 10:35

შინაგან საქმეთა სამინისტრო თბილისის ზღვაზე მომხდარი მკვლელობის საქმის გახსნასთან დაკავშირებით განცხადებას ავრცელებს. უწყების განმარტებით, გამოძიების ამ ეტაპზე დადგენილია, რომ ბრალდებულმა ბექა კვიციანმა თბილისის ზღვის შემ

შსს-მ სანდრო ბრეგაძის მიერ სახალხო დამცველის ოფისში განხორციელებულ ქმედებებთან დაკავშირებით გამოძიება დაიწყო

13 ნოემბერი, 2019 , 11:50

შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველომ, 12 ნოემბერს მოძრაობა „ქართული მარშის" ლიდერის - ალექსანდრე (სანდრო) ბრეგაძის მიერ სახალხო დამცველის ოფისში განხორციელებულ ქმედებ

თბილისის პროკურატურამ სამსახურებრივი უფლებამოსილების გადამეტების და განზრახ უკანონო დაკავების ფაქტზე კუდ-ის თანამშრომლები დააკავა

12 ნოემბერი, 2019 , 14:50

თბილისის პროკურატურამ სასამართლოს მიერ გაცემული განჩინების საფუძველზე სამსახურებრივი უფლებამოსილების გადამეტების და განზრახ უკანონო დაკავების ფაქტზე კონსტიტუციური უსაფრთხოების დეპარტამენტის თანამშრომლები დ.ქ. და ი.გ. ბრა