პოლიტიკა

თანამდებობებზე არიან კრიმინალები და ინაწილებენ მილიონობით ლარს - ლევან ხაბეიშვილი (ვიდეო)

,,ნაციონალური მოძრაობის“ წევრი და თბილისის საკრებულოს დეპუტატი ლევან ხაბეიშვილი ანზორ ჩუბინიძესთან შეხვედრის მოთხოვნით, სახელმწიფო დაცვის სპეციალურ სამსახურში მივიდა, თუმცა მასთან შესვლა ვერ შეძლო.

როგორც შენობის დაცვამ ხაბეიშვილს განუმარტა, მონაცემების გადაცემის მიუხედავად, მასზე საშვი არ იყო დაშვებული.

ხაბეიშვილი ამბობს, რომ დღეს ტელეკომპანია “იბერიასა“ და „ომეგა ჯგუფის“ საქმესთან დაკავშირებით გავრცელებული ფარული ჩანაწერების შემდეგ, ჩუბინიძემ თანამდებობა უნდა დატოვოს.

მისივე თქმით, ამ მოთხოვნით მალე პეტიციაც მომზადდება.

"მნიშვნელოვანია პროკურატურამ დროულად დაიწყოს გამოძიება. სახელმწიფო ინსტიტუტები ჩამოშლის პირასაა, თანამდებობებზე არიან კრიმინალები და ინაწილებენ მილიონობით ლარს"- განაცხადა ხაბეიშვილმა.