მოზაიკა
თანამედროვე ორთოპედიული საშუალებები
თანამედროვე ორთოპედიულ საშუალებებს აქტიურად გამოიყენებენ სხვადასხვა პრობლემისა თუ დაავადების მკურნალობისა და რეაბილიტაციის პროცესში. აღნიშნული პროდუქცია, ძირითადად, ინიშნება მოტეხილობის, ღრძობის, დაჭიმულობის, საყრდენ-მამოძრავებელი აპარატის დეფორმაციის და სხვა დაავადებების მკურნალობისა და პროფილაქტიკის დროს. სამედიცინო კომპანია „ახალი ხედვა“ ქართულ ბაზარზე 2012 წლიდან ოპერირებს და მომხმარებლებს ორთოპედიული საშუალებების მრავალფეროვან არჩევანს სთავაზობს. ამ მიმართულებით კომპანია ლიდერობას უკვე 11 წელია არ კარგავს საქართველოში და წარმატებით ახორციელებს პროდუქციის იმპორტს, დისტრიბუციასა და ასევე მუშაობს ინდივიდუალური, სპეციალიზირებული შეკვეთების მიმართულებით. კომპანიის ფილიალებში, რომლებიც, დედაქალაქის გარდა, საქართველოს სამ რეგიონში მდებარეობს, Sigvaris-ის, Morsa Cyberg-ის , Bauerfeind-ის, Berger-ის და სხვა საერთაშორისო მწარმოებლების პროდუქციას შეხვდებით. განვიხილოთ რამდენიმე მათგანი:
● ორთოპედიული ფიქსატორები - არსებობს სხეულის ნებისმიერი ნაწილისთვის. აღნიშნული პროდუქცია უდრეკი ან რბილი მასალისგან მზადდება და სახსრის მოძრაობას ნაწილობრივ ან სრულად ზღუდავს. ეს პროდუქტი განკუთვნილია სხვადასხვა ხარისხის დაზიანებისთვის და ტრავმის შემდგომ პერიოდში გართულების თავიდან ასაცილებლად.
● ორთოპედიული ბალიშები - ადამიანის სხეულის თითქმის ყველა
ორთოპედიული პრობლემისთვის არსებობს. ეს პროდუქტი ხელს უწყობს სხეულის სწორ პოზიციონირებას, ასევე ეხმარება ადამიანებს კომფორტული სამუშაო გარემოს შესაქმნელად.
● სუპინატორები - არსებობს მყარი და სილიკონის სუპინატორები. ამ პროდუქტებს, ბრტყელტერფიანების გარდა, გამოიყენებენ ის ადამიანებიც, რომლებსაც ხშირად ეღლებათ ფეხები ან აქტიური ფიზიკური დატვირთვა უწევთ ყოველდღიურად. სამედიცინო ჯგუფის მაღაზიებში ხელმისაწვდომია საბავშვო სუპინატორებიც. აღსანიშნავია, რომ "ახალი ხედვა" მომხმარებელს ინდივიდუალური ღაბაშის (სუპინატორის) დამზადების სერვისსაც სთავაზობს. ტერფის კომპიუტერული კვლევის შედეგად ინდივიდუალურად თქვენთვის შექმნილი სუპინატორი განსაკუთრებულად ეფექტურია ძვალ-სახსროვანი პათოლოგიების კორექციისა და პროფილაქტიკისთვის.
ორთოპედიული პროდუქტების ყიდვა შესაძლებელია კომპანიის 13 საფირმო სამედიცინო მაღაზიაში - თბილისში, გორში, ბათუმსა და ქუთაისში. გარდა ამისა, სამედიცინო ნივთების შერჩევა კომპანიის ოფიციალურ ვებ-გვერდზე, ონლაინ მეთოდითაც ხელმისაწვდომია. ამისთვის მხოლოდ დარეგისტრირება და სასურველი სამედიცინო ნივთის კალათაში დამატება დაგჭირდებათ. პროდუქტს კი ნებისმიერ რეგიონში უმოკლეს დროში მიიღებთ.