უახლესი ამბები
არქივი
პოლიტიკა
ტარიელ ხეჩიკაშვილი - სოსო ჯაჭვლიანზე: საკადრო თემებზე არ ვიცი, უფრო უპრიანია ზამთრის სპორტის სახეობების განვითარებაზე ვისაუბრო
სპორტისა და ახალგაზრდობის მინისტრი ტარიელ ხეჩიკაშვილი მთავრობის სხდომის შემდეგ, მთის კურორტების განვითარების კომპანიაში მენეჯმენტის გაძლიერების მიზნით სახელმწიფო შპს-ს შექმნას გამოეხმაურა.
მისი თქმით, კარგია, როცა ეკონომიკის სამინისტრო მსგავსი პროექტებით და ინიციატივებით გამოდის. რაც შეეხება აღნიშნული შპს-ს ხელმძღვანელად სოსო ჯაჭვლიანის დანიშვნას, ჟურნალისტების კითხვაზე, როგორი მენეჯერი იქნება სოსო ჯაჭვლიანი, მინისტრმა აღნიშნა, რომ საკადრო თემებზე საუბარს სჯობს, ზამთრის სპორტის სახეობების განვითარებაზე ისაუბროს.
,,საკადრო თემებზე არ ვიცი, დღეს სხვა თემაზე ვსაუბრობთ და უფრო უპრიანია ზამთრის სპორტის სახეობების განვითარებაზე ვისაუბრო. ზამთრის სპორტის სახეობების განვითარებას ჩვენს ქვეყანაში ძალიან დიდი რესურსი აქვს და კარგია, როცა ეკონომიკის სამინისტრო მსგავსი პროექტებით და ინიციატივებით გამოდის. ეს ხელს შეუწყობს როგორც ტურიზმის, ისე სპორტის განვითარებას. ჩვენ კონკრეტული პროექტი გვაქვს და იმედია, რომ ზამთრის სახეობებშიც მომავალში წარმატებულად გამოვალთ. იმედია, რომ სახელმწიფო პროგრამა, რომელსაც უახლოეს მომავალში წარვადგენთ, ხელს შეუწყობს ზამთრის სახეობების განვითარებას“, - განაცხადა ხეჩიკაშვილმა.
შეგახსენებთ, მთავრობის დღევანდელ სხდომაზე პრემიერ-მინისტრმა განაცხადა, რომ მთის კურორტების განვითარების კომპანიაში მენეჯმენტის გაძლიერების მიზნით, არჩევნების შემდეგ სახელმწიფო შპს-ს შეიქმნება, რომელსაც სოსო ჯაჭვლიანი უხელმძღვანელებს.
მარი ნამგალაძე