კომენტარი

ტარიფების მატება გარდაუვალია - აკაკი ცომაია

ექსპერტი ეკონომიკის საკითხებში, აკაკი ცომაია ფიქრობს, რომ ლარის გაუფასურების მორიგი ტალღის ფონზე ელექტროენერგიასა და ბუნებრივ აირზე ტარიფების მატება გარდაუვალია.

,,დეკემბრის პერიოდში, მთელი თვის განმავლობაში ლარი განიცდიდა გაუფასურებას და ეს ძირითადად გამოწვეული არის იქიდან, რომ ჩვენთან ეკონომიკა ფაქტობრივად არ იზრდება. შესაბამისად, დოლარის მიწოდება ვერ იზრდება იმ რაოდენობით, რომ უზრუნველყოს დოლარზე მოთხოვნის დაკმაყოფილება.

უკვე სტატისტიკაც ადასტურებს, რომ არცთუ ისე დიდი რაოდენობის ინვესტიციები შემოდის საქართველოში. ვერ ბალანსდება დოლარზე მოთხოვნა ინვესტიციების საჭირო რაოდენობით. აქ ინვესტიციებში ის კი არ არის მთავარი რაც სტატისტიკურად ფიქსირდება, არამედ თავად უცხოური ვალუტის რაოდენობაა მნიშვნელოვანია. ამას არ დაგვავიწყდეს, ემატება ისიც, რომ ნავთოპროდუქტებზე ფასები გაიზარდა, არ დაგვავიწყდეს ისიც, რომ მართალია, ამ წუთას მარეგულირებელმა კომისიამ თავი შეიკავა ელექტროენერგიასა და ბუნებრივ აირზე ტარიფის მომატებისაგან, მაგრამ ეს პროცესი გარდაუვალია. მაინც მოხდება ტარიფების გაზრდა, “ - აცხადებს აკაკი ცომაია.

ნინო ექვთიმიშვილი