უკან

საზოგადოება

24 იანვარი, 2018 17:25
font-size

თავიდანვე ვიძახდი, რომ პრემიერ-მინისტრი ნაადრევ განცხადებებს აკეთებდა, როდესაც ხეჩიკაშვილს იცავდა - გიორგი გაჩეჩილაძე

„სიტროენ ჯორჯიას“ დამფუძნებლის, გიორგი შარაშიძის სიმამრი, გიორგი გაჩეჩილაძე („უცნობი“) გამოეხმაურა კონკურენციის სააგენტოს გადაწყვეტილებას კომპანიის საჩივარზე. სააგენტომ შპს „სიტროენ ჯორჯიის“ მოთხოვნა ნაწილობრივ დააკმაყოფილა და 6 კომპანიის, მათ შორის ტარიელ ხეჩიკაშვილის კომპანიების მოკვლევა დაიწყო. მიუხედავად ამისა, უწყებამ დაუშვებლად ცნო საჩივრის ის ნაწილი, რომელიც ეხებოდა ხელისუფლების ორგანოების მიერ კონკურენციის დარღვევას.

გაჩეჩილაძის თქმით, პრემიერ-მინისტრი გიორგი კვირიკაშვილი არ ფლობდა სათანადო ინფორმაციას არსებულ სიტუაციაზე, როცა სპორტისა და ახალგაზრდოსბის ყოფილ მინისტრ ტარიელ ხეჩიკაშვილს იცავდა.

„თურმე აბსურდი და ბოდვა არ ყოფილა ის, რასაც ვიძახდი. მე-7 მუხლთან დაკავშირებით კი კონკურენციის სააგენტომ, მიუხედავად ამხელა წნეხისა, მოკვლევა დაიწყო, რაც ძალიან მახარებს. სხვანაირი გადაწყვეტილება არც შეიძლება დამდგარიყო, იმდენად ნათელი ფაქტებით ვიყავით გამართული. შესაძლოა, თვითონ მთავრობას სურს, წარმოაჩინოს, რომ არც არაფერი ისეთი არ მომხდარა და მერე რა, რომ მოკვლევა დაიწყო. რასაც იძახდნენ, რომ ჩემი განცხადებები იყო აბსურდის თეატრი და ბოდვა, არ აღმოჩნდა მართალი. პირველი ნაბიჯი გადაიდგა იმისკენ, რომ საქართველოში აღარ მოხდეს ქვეყნის ბიუჯეტის უპრაგონოდ ფლანგვა. შიგნით ვერ გარკვეულან, რასთან გვაქვს საქმე. შიგნით, მთავრობაში არიან ჯგუფები, რომელთაგან ნაწილს უნდა სიმართლის დადგენა, ნაწილს არ უნდა. დღეს რაც გამოაქვეყნა კონკურენციის სააგენტომ, სწორედ ამას ასახავს. თავიდანვე ვიძახდი, რომ პრემიერ-მინისტრი ნაადრევ განცხადებებს აკეთებდა, როდესაც ხეჩიკაშვილს იცავდა და ის არ იყო ბოლომდე ინფორმირებული იმის შესახებ, რაც ხდებოდა. ჩემთვის რომ მოესმინა, ინფორმაციას მივაწვდიდი“, - განაცხადა გაჩეჩილაძემ.

წინა წლის ბოლოს გიორგი გაჩეჩილაძემ ისაუბრა ტენდერებში კომპანიების მონაწილეობასთან დაკავშირებულ ხარვეზებზე. მისი თქმით, ტენდერებში სულ რამდენიმე კომპანია მონაწილეობს, რომლებიც კარტელს წარმოადგენენ, ხოლო ამ კომპანიებთანაა დაკავშირებული ტარიელ ხეჩიკაშვილი. გარდა ამისა, გაჩეჩილაძემ განაცხადა, რომ „სიტროენ ჯორჯიამ“ უსაფუძვლოდ წააგო ჯანდაცვის სამინისტროს მიერ ჩატარებული სასწრაფო სამედიცინო დახმარების ავტომობილების ტენდერი.

ბრალდებებს პრემიერი გიორგი კვირიკაშვილი გამოეხმაურა. მან ბიზნესმენ სასამართლოში ჩივილისკენ მოუწოდა და აღნიშნა, რომ მათი დადასტურების შემთხვევაში თანამდებობიდან გადადგება.

12 დეკემბერს შპს „სიტროენ ჯორჯიამ“ კონკურენციის სააგენტოში წარადგინა საჩივარი, რომლის თანახმადაც, ყურადღება გამახვილებულია 6 ეკონომიკური აგენტის - შპს „სტრადა მოტორსის“, შპს „იბერია ავტოს“, სს „ჰიუნდაი ავტო საქართველოს“, შპს „კია მოტორს ჯორჯიას“, შპს „ჯი-თი მოტორსის“ და სს „ფრანს ავტოს“ მიერ შეთანხმებულ მოქმედებაზე, რაც კონკურენციას მნიშვნელოვანად ზღუდავს (“კონკურენციის შესახებ“ საქართველოს კანონის მე-7 მუხლის სავარაუდო დარღვევა). მომჩივანი ასევე მიუთითებდა კონკურენციის მნიშვნელოვან შეზღუდვაზე (კანონის მე-10 მუხლის სავარაუდო დარღვევა). მისი პოზიციით, მოპასუხე 3 შემსყიდველი ორგანიზაცია - სსიპ სასწრაფო სამედიცინო დახმარების ცენტრი, შპს „გარდაბნის თბოსადგური“ და საქართველოს შრომის, ჯანმრთელობისა და სოციალური დაცვის სამინისტრო კონკრეტულ სახელმწიფო შესყიდვებში ზემოხსენებულ ეკონომიკურ აგენტებს უპირატესობას ანიჭებდნენ და მომჩივანი კომპანიის საქმიანობას აფერხებდნენ.

1 აშშ დოლარის ოფიციალური ღირებულება 2.8944 ლარი გახდა

27 იანვარი, 2020 , 17:50

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8944 ლარი შეადგინა. კურსი, რომელიც დღეს მოქმედებდა, 2.8870 ლარი იყო. შესაბამისად, დოლარის ცვლილებამ ეროვნულ

აშშ ამაყობს, რომ საქართველო ჩვენი მნიშვნელოვანი პარტნიორია - ელიზაბეთ რუდი

27 იანვარი, 2020 , 16:20

„აშშ ამაყობს, რომ საქართველო ჩვენი მნიშვნელოვანი პარტნიორია. ჩვენი ერთგულება საქართველოს მიმართ მომავალშიც გაგრძელდება“, - ამის შესახებ აშშ-ის ელჩის მოვალეობის შემსრულებელმა ელიზაბეთ რუდმა წეროვანში, სამხედრო

7-მილიონიანი დოლარის მასშტაბური საგანმანათლებლო პროგრამა განათლების რეფორმის მხარდამჭერი იქნება - ირინა აბულაძე

27 იანვარი, 2020 , 16:20

საქართველოსა და აშშ-ს შორის სტრატეგიული პარტნიორობის დადასტურებაა ის ფაქტი, რომ 2020 წლიდან ახალი საგანმანათლებლო პროექტის განხორციელება დაიწყება. USAID-ის ახალი, 7-მილიონიანი დოლარის მასშტაბური საგანმანათლებლო პროგრამა

„თუ არ დაიცავენ კანონს, პოლიტიკურ სანაგვეზე მოხვდებიან“ - საკრებულოს შესასვლელთან ცარიელი ნაგვის ურნა დადგეს

27 იანვარი, 2020 , 14:15

საკრებულოსთან „ნაციონალური მოძრაობისა" და მოძრაობა „შეცვალეს" აქცია დასრულდა. ისინი საკრებულოში შესვლასა და თავმჯდომარესთან შეხვედრას ითხოვდნენ, თუმცა ეს ვერ შეძლეს. მათი მოთხოვნაა, „ქართულმა ოცნებამ" ლ

ახალგაზრდა მამაკაცის ცხედარი იპოვეს - პალიასტომის ტბაზე საძიებო-სამაშველო ოპერაცია დასრულდა

27 იანვარი, 2020 , 14:01

შინაგან საქმეთა სამინისტროს საგანგებო სიტუაციების მართვის სამსახურის მაშველებმა ქალაქ ფოთში, პალიასტომის ტბაში, გაუჩინარებული ახალგაზრდა მამაკაცის ცხედარი იპოვეს. მამაკაცის გაუჩინარების შესახებ ინფორმაცია ამა წლის 4 იანვ

ავარიას მამა-შვილი ემსხვერპლა

27 იანვარი, 2020 , 12:55

გვიან ღამით ველისციხე-ყვარლის დამაკავშირებელ გზაზე მსუბუქი მანქანა გადაბრუნდა, რის შედეგადაც ადგილზე დაიღუპა 24 წლის მამაკაცი და მისი 2 წლის შვილი. მანქანაში მყოფმა ერთმა მგზავრმა კი სხეულის სხვადასხვა დაზიანებები მიიღო.

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`