უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
თავისუფალი მედია და თავისუფალი ბიზნესი დაცული უნდა იყოს - გიორგი მარგველაშვილი
საქართველოს პრეზიდენტი გიორგი მარგველაშვილი დღეს ტელეკომპანიის „იბერია" დამფუძნებლებსა და ჟურნალისტებს შეხვდა.
პრეზიდენტმა ტელეკომპანიის წარმომადგენლებისაგან დეტალური ინფორმაცია მოისმინა ბოლო პერიოდში "იბერიას" გარშემო განვითარებულ მოვლენებთან დაკავშირებით და განაცხადა, რომ ქვეყანაში დაცული უნდა იყოს, როგორც თავისუფალი მედია, ასევე თავისუფალი ბიზნესი.
როგორც შეხვედრის შემდეგ პრეზიდენტის საპარლამენტო მდივანმა ანა ნაცვლიშვილმა განაცხადა, ნათელია, რომ ორი ძალიან მნიშვნელოვანი სიკეთე, რომელზეც დგას თავისუფალი საზოგადოება, დემოკრატიული სახელმწიფო - სიტყვის თავისუფლება და ბიზნესის დაცულობა და ხელშეუხებლობა, იყოს დაცული და ყოველგვარი მანიპულაციები ამასთან მიმართებაში იყოს გამორიცხული.
"არავისთვის სადაო აღარ არის რამდენად მნიშვნელოვანია მედიის თავისუფლება, მაგრამ ასევე ძალიან მნიშვნელოვანია, როდესაც ამ საკითხზე მსჯელობენ, საუბრობენ და პოზიციებს აფიქსირებენ, იქნება ეს სახელმწიფო ინსტიტუტები თუ სხვა.
ასევე მნიშვნელოვანია ბიზნესი. მომუშავე ბიზნესის უკან კი, დგას რამდენიმე ასეულობით ადამიანი და მათი ოჯახები და დღეს არსებულ სოციალურ-ეკონომიკურ ვითარებაში ამდენი ადამიანის უმუშევრად, შემოსავლის გარეშე დატოვება ასევე ძალიან სერიოზული ტვირთია სახელმწიფოსთვის.
ამიტომ, რა თქმა უნდა, მოქმედებების და ნაბიჯების დაგეგმვის დროს უნდა იყოს გათვალისწინებული, როგორც მედიის თავისუფლება, ასევე უნდა იყოს გათვალისწინებული კონკრეტული ადამიანების ფინანსური უსაფრთხოების საკითხი, რომელებიც ამ ქვეყნის მოქალაქეები არიან და მათი ინტერესები აქ ძალიან მნიშვნელოვანია", - განაცხადა ანა ნაცვლიშვილმა.