უკან
საზოგადოება
9 იანვარი, 2019 17:35
თბილისი მოლიდან ხალხის ევაკუაცია განხორციელდა
თბილისი მოლიდან ხალხის ევაკუაცია განხორციელდა. არსებული ინფორმაციით, რამდენიმე წუთის წინ მოლში სახანძრო განგაში გამოცხადდა, რის შემდეგაც სავაჭრო ცენტრი ყველა ადამიანს დაატოვებინეს, მათ შორის დაცვასაც.
საგანგებო სიტუაციების სამსახურის ცნობით, ცეცხლი სავაჭრო ცენტრის პარკინგზე მდგარ ავტომანქანას გაუჩნდა. ადგილზე მობილიზებულია 2 სახანძრო-სამაშველო ბრიგადა.
ამ დროისთვის ცეცხლი ლოკალიზებულია. როგორც საგანგებო სიტუაციების სამსახურში აცხადებენ, მისი გავრცელების საშიშროება აღარ არსებობს.
ხანძრის შედეგად არავინ დაშავებულა.