უკან

უახლესი ამბები

დღის კალენდარი

ანონსები

არქივი

საზოგადოება

19 ოქტომბერი, 2017 12:15
font-size

თბილისის 67-ე საჯაროს სკოლის მოსწავლეები საპროტესტო აქციას მართავენ

თბილისის 67-ე სკოლის მოსწავლეები, ამავე სკოლის ქიმიის მასწავლებლის, დოდო კეზუას მხარდასაჭერად საპროტესტო აქციას მართავენ.

სკოლის მოსწავლების განცხადებით, დოდო კეზუა, რომელიც ჯანმრთელობის მდგომარეობის გამო ბიულეტენზე იმყოფება, შესაძლოა სკოლაში აღარ დააბრუნონ. მოსწავლეები ამის მიზეზად ქიმიის მასწავლებელსა და სკოლის დირექტორს შორის დაპირისპირებას ასახელებენ.

მოსწავლეების თქმით, სკოლის დირექტორმა მარიამ თავართქილაძემ მათ დღეს შეუთვალა, რომ თუ აქციას არ შეწყვეტენ ყველა იმ კლასის დამრიგებელს გაათავისუფლებს, რომლის მოსწავლეებიც დოდო კეზუას მხარდსაჭერ აქციას მართავს.

მოსწავლეების თქმით, ისინი საპროტესტო აქციის შეწყვეტას არ აპირებენ.

„ჩვენი პროტესტის შემდეგ დირექტორმა გამოგვიგზავნა მე-11 კლასის ერთ-ერთი მოსწავლე, რომელმაც გადმოგვცა მარიამ თავართქილაძის დანაბარები, რომ თუ არ შევწყვეტთ საპროტესტო აქციას, ყველა იმ კლასის დამრიგებელს გაათავისუფლებს, რომლის მოსწავლეებიც დოდო კეზუას მხარდსაჭერად აქციას ვმართავთ. ჩვენ, რა თქმა უნდა, ამის არ გვჯერა და არც პროტესტის შეწყვეტას არ ვაპირებთ, ვიდრე ეს პედაგოგი სკოლაში არ დაბრუნდება“,-აცხადებენ სკოლის მოსწავლეები.

განსხვავებულ პოზიციას აფიქსირებს 67-ე სკოლის სამეურვეო საბჭოს წევრი, ერთ-ერთი მოსწავლის მშობელი ნათია მახარაშვილი. მისი თქმით, ქიმიის მასწავლებლის, დოდო კეზუას მიმართ მოსწავლეების მშობლებს საფუძვლიანი პრეტენზიები აქვთ.

„ის სცემს ბავშვებს და ამის ასე დატოვება არ შეიძლება. ბოლო ფაქტი დაახლოებით ათი დღის წინ მოხდა. მერვე კლასის მოსწავლე არის ნაცემი, რომელსაც მკლავზე დალურჯებები აღენიშნება. ის ექიმმაც შეამოწმა და საჩივრის წერილს ექიმის სამედიცინო ბარათიც ახლავს. რაც შეეხება აზერბაიჯანელი ეროვნების მოსწავლეს, ამ გოგონას დოდო კეზუამ „თათარი“ უწოდა, ასევე უთხრა „აზერბაიჯანულ ქორწილში არ ვყოფილვარ, უნდა გაგათხოვო“. მოგვიანებით ამავე პედაგოგმა ამ ბავშვს ძვირადღირებული ჩანთა დაუხია, რასაც მშობლის პროტესტი მოყვა. მშობელი აცხადებდა, რომ თუ რეაგირება არ მოყვებოდა მის საჩივარს, რომელიც სკოლის დირექტორის სახელზე დაიწერა, მაშინ წავიდოდა და აზერბაიჯანის საელჩოში იჩივლებდა“, -განაცხადა ნათია მახარაშვილმა.

67-ე სკოლის დირექტორი მარიამ თავართქილაძე განცხადებას სასწავლო პრცესის დასრულების შემდეგ 15:00-ზე გააკეთებს.

მონიკა დავლიანიძე

საკვანძო სიტყვები:

მოვითხოვთ პარლამენტმა დაუყონებლივ აკრძალოს გვამებით ვაჭრობა და დაჩქარებული წესით მიიღოს ჩვენი კანონპროექტი - ლაშა ჩხარტიშვილი

20 აპრილი, 2019 , 16:45

დღეს, „ლეიბორისტული პარტიის“ ერთ–ერთმა ლიდერმა ლაშა ჩხარტიშვილმა, პარლამენტში „შრომის უსაფრთხოების შესახებ“ კანონში ცვლილებების შეტანის შესახებ, მის მიერ მომზადებული კანონპროექტი გამაფრთხილე

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს

20 აპრილი, 2019 , 14:50

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს. უწყებაში აცხადებენ, რომ ქვეყნის ტერიტორიაზე ბზის ხმობა ბოლო რამოდენიმე წელიწადია განსაკუთრებულ პრობლემას წარმოადგენ

მთაწმინდელებში ცალსხად ერთი განწყობაა, ხელისუფლება უნდა შეიცვალოს - შალვა შავგულიძე

20 აპრილი, 2019 , 12:15

ბლოკ „ევროპული საქართველო – თავისუფალი დემოკრატების“ მაჟორიტარი დეპუტატობის კანდიდატი შალვა შავგულიძე ამომრჩევლებს ხვდება. შალვა შავგულიძე პეტრიაშვილის ქუჩის მცხოვრებლებს შეხვდა. როგორც „ევროპული

მართლმადიდებელი ეკლესია დღეს ლაზარეს შაბათს აღნიშნავს

20 აპრილი, 2019 , 11:12

მართლმადიდებელი ეკლესია დღეს ლაზარეს შაბათს აღნიშნავს. ამასთან დაკავშირებით ტაძრებში წირვა-ლოცვა შესრულდება. წმინდა სახარების მიხედვით, უფალმა მისი მეგობარი, ოთხი დღის მკვდარი ლაზარე მკვდრეთით აღადგინა. ლაზარეს შაბათს სრ

ნინო ანანიაშვილი ევროპა ნოსტრას პრეზიდენტი გახდა

20 აპრილი, 2019 , 10:20

თბილისის ოპერისა და ბალეტის თეატრის ბალეტის სამხატვრო ხელმძღვანელი ნინო ანანიაშვილი ევროპა ნოსტრას საპატიო პრეზიდენტად აირჩიეს. „ჩემთვის დიდი პატივია ვიყო ევროპა ნოსტრას პრეზიდენტი საქართველოში. ევროპა ნოსტრას პრეზ

საქართველოს მთავრობამ ოკუპირებულ ტერიტორიებზე მცხოვრები ახალგაზრდებისთვის საგანმანათლებლო პროგრამა დაიწყო

19 აპრილი, 2019 , 15:40

საქართველოს მთავრობამ დაიწყო საგანმანათლებლო პროგრამა ოკუპირებულ ტერიტორიებზე მცხოვრები ახალგაზრდებისთვის. საკითხი დღეს მთავრობის სხდომაზე განიხილება. საქართველოს პრემიერ-მინისტრის, მამუკა ბახტაძის განცხადებით, მიმდინარე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019