უკან

უახლესი ამბები

დღის კალენდარი

ანონსები

არქივი

საზოგადოება

28 სექტემბერი, 2020 15:55
font-size

თბილისის მერია ხელს უშლის თავისუფალი და სამართლიანი არჩევნების ჩატარებას და აგრძელებს პოლიტიკური მოძრაობის უკანონო დაჯარიმებას - თეონა აქუბარდია

„სტრატეგია აღმაშენებლის" სპიკერის, თეონა აქუბარდიას განცხადებით, დედაქალაქის მერია კვლავინდებურად აგრძელებს პოლიტიკური მოძრაობის მიმართ ჯარიმების გამოწერას და კვლავინდებურად ზღუდავს მათ საარჩევნო კამპანიას.

აქუბარდიას თქმით, ჯარიმების მოცულობა 70 ათას ლარს მიაღწია, რაც საკმაოდ არაბუნებრივია და ორგანიზაცია "საერთაშორისო გამჭვირვალობამაც" საქმის შესწავლის შემდეგ, მუნიციპალური სამსახურების ქმედებების არასამართლიანობა დაადასტურა.

„სამწუხაროდ, თბილისის მერია აგრძელებს „სტრატეგია აღმაშენებლის „ წინააღმდეგ წინასაარჩევნო კამპანიის ხელშეშლას. ივლისიდან მოყოლებული სექტემბრის ბოლომდე პარტიას აქვს მერიის მუნიციპალური სამსახურის მხრიდან 70 000 ლარზე მეტი ჯარიმა გამოწერილი.

წინასაარჩვენო კამპანიის ხელშეშლა მერიის მხრიდან გრძელდება და ამასთან დაკავშირებით თბილისის მერიის სამსახურის მხრიდან ხდება კანონის ინტერპრეტაცია.

„სტრატეგია აღმაშენებელი“ ამ პერიოდის მანძილზე თბილისის მეტროსადგურებზე აგროვებდა წინასაარჩევნო აქციისა და კამპანიის მიმდინარეობისას ხელმოწერებს.

როგორც ცნობილია, „სტრატეგია აღმაშენებლის“ პარტიას გვაქვს წინასაარჩევნოდ გაცხადებული საბანკო სესხების განახევრების შესახებ დაპირება და სწორედ, აი, ამ კამპანიის პერიოდში თბილისის მერიის სამსახურები ყოველდღიურად გვიგზავნიან საკმაოდ დიდი რაოდენობის ჯარიმებს.

ამასთან, დაკავშირებით ჩვენ მივმართეთ, როგორც საერთაშორისო ორგანიზაციებს, ასევე ადგილობრივ არასამთავრობო სექტორს და დიდი მადლობა მინდა გადავუხადო „საერთაშორისო გამჭვირვალობა -საქართველო“-ს, რომელმაც აღნიშნული საქმე შეისწავლა და თავისი დასკვნის შესაბამისად მათ მიიჩნიეს, რომ პარტიის მიმართ გატარებული სანქციებით ირღვევა შეკრებებისა და მანიფესტაციების უფლება და შესაბამისად, მერიის სამსახური ხელს უშლის წინასაარჩევნო კამპანიის ჩატარებაში.

აღსანიშნავია ისიც, რომ პირველი სექტემბრიდან, როდესაც ოფიციალურად დაიწყო წინასაარჩევნო კამპანია პარტიის წინააღმდეგ არის 5 000 ლარის ჯარიმა გამოწერილი და ისევ და ისევ საუბარია საბანკო სესხების მოთხოვნაზე, რომელიც ჩვენი წინასაარჩვენო პროგრამის მნიშვნელოვანი ნაწილია.

ნაცვლად იმისა, რომ წინასაარჩევნო პერიოდში მერიამ შეკრებისა და მანიფესტაციის უფლება არ შეგვიზღუდოს, ისინი გვეუბნებიან, რომ ის კარვები, რომლებსაც დროებით ვათავსებთ მეტრო სადგურებთან ხელმოწერების შეგროვების მიზნით, არის თბილისის იერსახის დამახინჯება და თურმე ჩვენ, როგორც კომერციულმა ორგანიზაციამ ისე უნდა შევისყიდოთ ფართი წინასაარჩევნო კამპანიის საწარმოებლად.

„საერთაშორისო გამჭვირვალობა- საქართველოს“ ანალიზში და დასკვნაში აღნიშნულია, რომ რა თქმა უნდა, პარტიას წინასაარჩევნო პერიოდის ფარგლებში ჰქონდა და აქვს მსგავსი კამპანიის ჩატარების უფლება. მიუხედავად იმისა, რომ ჩვენ ადმინისტრაციული წესით გავასაჩივრეთ ეს საქმეები, მერია პასუხს გვიგვიანებს და ამასთან ერთად აგრძელებს ყოველდღიურად პარტიისთვის ჯარიმების გამოგზავნას. ცალსახაა, რომ ეს არის „სტრატეგია აღმაშენებლისთვის“ წინასაარჩევნო კამპანიაში ხელის შეშლა.

კიდევ ერთხელ მოვუწოდებთ ყველა ადგილობრივ და საერთაშორისო ორგანიზაცია, რომელსაც ჩვენ წერილობით უკვე მივმართეთ და მერიას, რომ დაიცვან კანონი შეკრებებისა და მანიფესტაციის შესახებ და შეწყვიტონ პარტიისთვის წინასაარჩევნო კამპანიის ჩატარებისთვის ხელის შეშლა, რადგან ეს ეწინააღმდეგება როგორც კანონს, ასევე ხელს უშლის თავისუფალ და სამართლიანი არჩევნების ჩატარებას, რომლის პირობასაც მთავრობა დებს, მიუხედავად იმისა, რომ არაერთგზის ვხედავთ სხვადასხვა სახით ამ პირობის დარღვევას“, - განაცხადა თეონა აქუბარდიამ.

წინასაარჩევნოდ ყველაზე მეტი შემოწირულობა “ქართულმა ოცნებამ” მიიღო

24 ოქტომბერი, 2020 , 16:15

სახელმწიფო აუდიტის სამსახურის 2020 წლის 31 ოქტომბრის არჩევნების ფინანსური მონიტორინგის შუალედური ანგარიშის მიხედვით, ყველა საარჩევნო პარტიამ ერთად შემოსავლის სახით 23 846 652 ლარი მიიღო. აქედან 22 602 245 ლარი

სისტემური შეზღუდვები არ იგეგმება, იქნება წერტილოვანი ღონისძიებები, ამის ფასი მარტივია - პირბადე უნდა ვატაროთ და ელემენტარული წესები დავიცვათ - გიორგი გახარია

24 ოქტომბერი, 2020 , 15:45

სახელმწიფოს რესურსი, ბიზნესის, ისევე როგორც ცალკე აღებული მოქალაქეების მხარდაჭერის ნაწილში არის საკმაოდ შეზღუდული, ეს ყველას კარგად გვესმის; შესაბამისად, მიზნობრიობას ექნება უკიდურესად დიდი მნიშვნელობა მეორე ტალღის პერიო

ოთო კახიძეს და მის ცოლს კორონავირუსი დაუდასტურდათ

24 ოქტომბერი, 2020 , 15:20

"ევროპული საქართველოს" დეპუტატს, ოთო კახიძეს და მის ცოლს კორონავირუსი დაუდასტურდათ. ამის შესახებ ინფორმაცია პოლიტიკოსმა საკუთარ Facebook გვერდზე გაავრცელა. "მოკლედ, კოვიდინფიცირებულებს მე და ნანუკაც შევუერთდით. თავს ვირუ

“არა ეპიდემიურ ბიუროკრატიას” - ჯანდაცვის სამინისტროსთან აქცია მიმდინარეობს

24 ოქტომბერი, 2020 , 15:20

არა ეპიდემიურ ბიუროკრატიას, - ამ სლოგანით ჯანდაცვის სამინისტროსთან "ლეიბოროსტული პარტიის" ერთ-ერთი ლიდერი ლაშა ჩხარტიშვილი მხარდამჭერებთან ერთად აქცია მართავს. ისინი ისინი ითხოვენ, პანდემიის დროს მოქალაქეებს პირბადეები დ

რას მალავს ივანიშვილი - ნიკა გვარამიას ინტერვიუ `ქართუ ჯგუფის` ყოფილ ვიცე-პრეიზდენტთან

24 ოქტომბერი, 2020 , 15:20

"მთავარი არხის" გენერალურმა დირექტორმა, არჩევნებამდე ერთი კვირით ადრე, "ქართუ ჯგუფის" ყოფილ ვიცე-პრეიზდენტთან და ივანიშვილის უსაფრთხოების სამსახურის უფროსთან, ელდარ გოგოლაძესთან, სკანდალური ინტერვიუ ჩაწერა. ეს ელდარ გოგო

მთავრობის მხრიდან მკაცრად რეკომენდებულია პირბადის ტარება გარე სივრცეებშიც - ნათია მეზვრიშვილი

24 ოქტომბერი, 2020 , 14:45

გარე სივრცეში, იქ, სადაც თავშეყრას აქვს ადგილი, სადაც დისტანციის დაცვა შეუძლებელია, მაგალითად რიგებში, გაჩერებებზე და ა.შ, პირბადის ტარება და დისტანციის დაცვა არის მკაცრად რეკომენდირებული მთავრობის მხრიდან, - ამის შესახე