კომენტარი
თბილისის მერიამ დაარღვია კომპენსაციის გაცემის წესი - ირაკლი აბესაძე
პარლამენტის ფრაქცია ,,ევროპული საქართველოსთვის’’ წევრის ირაკლი აბესაძის განმარტებით, თბილისის მერიამ კომპენსაციის გაცემის წესი დაარღვია და მოსამართლის ოჯახს მილიონიანი კომპენსაცია გადასცა.
როგორც აბესაძემ ჟურნალისტებთან განუცხადა, უნდა გაირკვეს ყველა იმ დამნაშავის ვინაობა, რომელიც აღნიშნულ კანონდარღევაში მონაწილეობდა.
,,ფაქტობრივი გარემოებებიდან გამომდინარე, რომელიც დოკუმენტურად დასტურდება, ნათელია, რომ თბილისის მერიამ დაარღვია კომპენსაციის გაცემის წესი. დაარღვია საქართველოს კანონმდებლობა და უხეში დარღვევებით გადასცა მილიონიანი კომპენსაცია მოსამართლის ოჯახს. აუცილებელია ამ შედეგების გაუქმება, ასევე იმ გამოძიების დროულად წარმართვა, რაზეც განცხადება შევიტანეთ პროკურატურაში. უნდა გაირკვეს თუ რომელი ჩინოვნიკები მონაწილეობდნენ მერიის მხრიდან, ვისი დავალებით მოქმედებდნენ ისინი, რისთვისაც მოსამართლის ოჯახს ამხელა უპირატესობა მიანიჭეს“, - განაცხადა ირაკლი აბესაძემ.
ცნობისათვის: ტელეკომპანია ”რუსთავი 2”-ის ინფორმაციით, მეორე ინსტანციის სასამართლოში ”რუსთავი 2”-ის საქმის განმხილველი კოლეგიის თავმჯდომარის, მოსამართლე ნატა ნაზღაიძის ძმას, ზვიად ნაზღაიძეს თბილისის მერიამ სახელმწიფოს კუთვნილი 1 მილიონი ლარის ქონება გადასცა.
ნინო ექვთიმიშვილი