უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
თბილისის საკრებულოს ოპოზიცია ნაზღაიძის საქმის გამოძიებას ითხოვს
მთავარ პროკურატურაში მოსამართლე ნატა ნაზღაიძის ოჯახისთვის შესაძლო ქრთამის გადაცემის საქმესთან დაკავშირებით გამოძიების დაწყების მოთხოვნით თბილისის საკრებულოს უმცირესობას განცხადება აქვს შეტანილი.
როგორც ფრაქცია თბილისის წევრი, თამაზ შოშიაშვილი აცხადებს, საქმის გამოძიების მიზნით ოპოზიცია ყველა ინსტანციას მიმართავს.
„წარმოადგენს დედაქალაქის მერიის აუდიტის სამსახური დასკვნას და ჩვენ ამ დასკვნის საფუძველზე მივმართავთ უკვე სახელმწიფო აუდიტის სამსახურს და ვაპირებთ, ყველა სახელმწიფო ინსტანციაში, ყველა სამსახურს მივმართოთ, რომ აღნიშნული ფაქტი არ დარჩეს გამოუკვლეველი და დაუსჯელი. ცინიკურია, როდესაც ბატონი სამუშია საიას წარმომადგენლების კვლევას აფასებს, როგორც არასრულს. ჩვენ აბსოლუტურად ვენდობით ამ დასკვნას და ვფიქრობთ, რომ უკვე შემდეგი ნაბიჯი უნდა გადადგას პროკურატურამ,“ - განაცხადა ფრაქცია ,,თბილისის’’ წევრმა თამაზ შოშიაშვილმა.
საიას კვლევას ობიექტურად მიიჩნევს ,,ნაციონალური მოძრაობაც.’’
„მათ ჰქონდათ ერთადერთი არგუმენტი საპირისპიროდ, რომ თითქოს და მისი მფლობელი რეალურად იყო ბატონი ნაზღაიძე, თუმცა ეს არის ტყუილი და მეორე, თითქოს არსებობდა რაღაც მემორანდუმი, რომლის მიხედვითაც აღნიშნული ქონება ძვირდებოდა. ესეც არის დიდი სიცრუე,“ - აცხადებს ფრაქცია ენმ-ის თავმჯდომარე ირაკლი ნადირაძე.
ცნობისათვის: ახალგაზრდა იურისტების მიერ მომზადებულ კვლევაში აღნიშნულია, რომ მიწის ნაკვეთი, რომელიც მოსამართლე ნაზღაიძეს კომპენსაციისთვის გადაეცა 28-ჯერ აღემატება იმ ტერიტორიას, რომელიც სტიქიის ზონაში მდებარეობს და პროკურატურას საქმის დაინტერესებისკენ მოუწოდა.
ნინო ექვთიმიშვილი