საზოგადოება

თბილისის საკრებულოს უმრავლესობის წევრები „ბავშთა სამყაროს“ მოვაჭრეებს შეხვდებიან

თბილისის საკრებულოს უმრავლესობის წევრები, „ბავშთა სამყაროში“ გაჩენილი ხანძრის შედეგად დაზარალებულებს შეხვდებიან.

როგორც მედიას საკრებულოს ფრაქცია „ნაციონალური მოძრაობის“ წევრებმა განუცხადეს, შეხვედრა 13.30 საათზე შედგება და ერთი საათის განმავლობაში გაგრძელდება.

როგორც დეპუტატმა მარიკა დათუკიშვილმა ჟურნალისტებს განუცხადა, ის და ირაკლი ნადირაძე საკრებულოს თავმჯდომარეს და უმრავლესობის დეპუტატებს შეხვდნენ, რომლებმაც მზაობა გამოთქვეს, რომ შეხვდნენ აქციაზე შეკრებილ ადამიანებს.

საკრებულოსთან “ბავშვთა სამყაროს” ხანძრისგან დაზარალებულების აქცია მიმდინარეობს. აქციის მონაწილეები ხელისუფლებისგან დახმარებას ითხოვენ.

დილით კი, მოვაჭრეებსა და სამართალდამცველებს შორის დაპირისპირება მოხდა. აქციის მონაწილეები საკრებულოს შენობის წინ კარვების გაშლას ცდილობდნენ, რადგან მათი თქმით, ამ ხნის განმავლობაში მათთან სასაუბროდ არც მერი, არც პრემიერი, არც საკრებულოს წევრები გამოსულან.

სამართალდამცველებმა კი, დაზარალებულებს კარვეის გაშლის საშუალება არ მისცეს.

მონიკა დავლიანიძე