უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
ეკონომიკა
თბილისის საკრებულოში საბურთალოს რაიონის გამგეობის პილოტ-პროექტის “მართე შენი ქალაქის“ შემაჯამებელი პრეზენტაცია გაიმართა
„ჩემი ქალაქი ჩემით იწყება“ - ამ სლოგანით დაიწყო საბურთალოს რაიონის გამგეობის პილოტ-პროექტის, „მართე შენი ქალაქის“ წლის შემაჯამებელი პრეზენტაცია, რომელსაც თბილისის საკრებულომ უმასპინძლა. პროექტი თბილისის მერიის გადაწყვეტილებით, 2016 წელს საპილოტე რეჟიმში მხოლოდ საბურთალოს რაიონში განხორციელდა და მისი მიზანი იყო ბინათმესაკუთრეთა ამხანაგობების განვითარება, დამოუკიდებელ და თვითკმარ სუბიექტებად ჩამოყალიბება.
ღონისძიება საბურთალოს რაიონის გამგებელმა ბექა მიქაუტაძემ გახსნა და პროექტის მიზნებზე, მოლოდინებსა და მიღებულ შედეგებზე ილაპარაკა. პროექტის ფარგლებში, რაიონში მოქმედ ამხანაგობებთან მუშაობდა 30 ტრენერ-კონსულტანტი, რომელთა რეკომენდაციებითა და დახმარებით, 80 ამხანაგობაში მოხდა პასიური თავმჯდომარეების გადარჩევა, შეიქმნა ვებგვერდი www.martekalaki.ge, რომელიც სამომავლოდ, ამხანაგობებს ინდივიდუალური ვებსაიტების შექმნის საშუალებას მისცემს, დაარსდა ბინათმესაკუთრეთა ამხანაგობების ასოციაცია, შედგა 800-ზე მეტი კორპუსის ტექნიკური პასპორტი და განხორციელდა სამი კომერციული პროექტი - ამხანაგობების კუთვნილ ტერიტორიაზე, ვეფხისტყაოსნის N16-თან აშენდა სპორტული მოედანი პარკირების სივრცითა და ადმინისტრაციული შენობით, აღმაშენებლის ხეივნის მე-12 კმ -ის მე-2 კორპუსის სახურავზე დამონტაჟდა სარეკლამო ბანერი და პეკინის N24-ის ფასადზე განთავსდა სარეკლამო მონიტორი. ობიექტების გაქირავებიდან შემოსულ თანხას ამხანაგობები თავად განკარგავენ და მათსავე განვითარებას მოახმარენ.
ბექა მიქაუტაძემ განაცხადა, რომ პროექტი 2017 წლიდან არა-საპილოტე რეჟიმში გაგრძელდება და მთელ ქალაქს მოიცავს. მან ასევე იმედი გამოთქვა, რომ ის მოლოდინები, რომელიც ამხანაგობების განვითარების შედეგად უნდა იქნეს მიღწეული, გამართლდება და თბილისში იმუშავებს რეალურად და ინსტიტუციურად გამართული ბინათმესაკუთრეთა ამხანაგობები.