საზოგადოება

თბილისის ზღვაზე მომხდარ ავარიას ერთი მოზარდი ემსხვერპლა

გვიან ღამით თბილისის ზღვაზე მომხდარ ავტოავარიას არასრულწლოვანი ემსხვერპლა. მოპედს, რომელზეც ორი არასრულწლოვანი ისხდა, ავტომობილი შეეჯახა.

ერთ-ერთი მოზარდი მძიმე ტრავმებით საავადმყოფოში გადაიყვანეს. მას აღენიშნებოდა მუცლის მთლიანობის დარღვევა და გულ-მკერდის ტრავმა, ასევე ესაჭიროებოდა ქვედა მარცხენა კიდურის სრული ამპუტაცია. გადაუდებელი ქირურგიული ჩარევის მიუხედავად მოზარდის გადარჩენა ვერ მოხერხდა.

შსს-მ მომხდარზე გამოძიება დაიწყო სისხლის სამართლის კოდექსის 276-ე მუხლის მეხუთე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.