საზოგადოება

თბილისს წელს 143 ახალი ავტობუსი მოემსახურება

თბილისის მერის, დავით ნარმანიიას განცხადებით, წელს მერია იწყებს პროექტ „ახალი ტფილისის“ მეორე ეტაპს, რომელიც ორბელიანის მოედნისა და მისი მიმდებარე ტერიტორიის რეაბილიტაციას მოიცავს“.

დღეს სასტუმრო „რადისონში“ 2016 წლის ანგარიშის პრეზენტაციაზე თბილისის მერმა ისაუბრა მუნიციპალური ტრანსპორტის განვითარების მიმართულებით განხორციელებულ პროექტებზეც. როგორც მან აღნიშნა, 2017 წლის მარტის ბოლომდე თბილისს “Man Truck and Bus AG”-ის 143 ახალი ავტობუსი ეყოლება. გარდა ამისა, 2017 წელს თბილისს ექნება ახალი მუნიციპალური ავტობაზა, რომლის მშენებლობაც 2016 წელს დაიწყო.

ტრანსპორტის ნაწილში თბილისის მერმა ხაზი გაუსვა საბაგირო გზების განვითარების მნიშვნელობას და აღნიშნა, რომ ამ მიმართულებით მნიშვნელოვანია წლების განმავლობაში უფუნქციო კუს ტბის საბაგიროს აღდგენა. ამასთან, დავით ნარმანიას განცხადებით, 2017 წელს დაიწყება მთაწმინდის საბაგირო გზის აღდგენა-რეაბილიტაცია.