უკან
სამართალი
18 აპრილი, 2018 12:10
თბილისში 33 520 ღერი უაქციზო სიგარეტის ტრანსპორტირების ფაქტი გამოვლინდა
17 აპრილს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს აღმოსავლეთის განყოფილების თანამშრომლებმა, თბილისში განხორციელებული სასაქონლო ზედნადების მონიტორინგის მიზნით გატარებული ღონისძიებების შედეგად, აქციზური მარკის სავალდებულო ნიშანდებას ქვემდებარე, უაქციზო სიგარეტის „HEETS” (ჯამში 33,520 ღერი) ტრანსპორტირების ფაქტი გამოავლინეს.
ექსპერტიზის დასკვნით, საქონლის საორიენტაციო-საბაზრო ღირებულებამ 14,246 ლარი შეადგინა.
საქართველოს საგადასახადო კოდექსის 271-ე მუხლის მე-7 ნაწილის შესაბამისად, აღნიშნული საქმის მასალები და ჩამორთმეული საქონელი საქართველოს ფინანსთა სამინისტროს საგამოძიებო სამსახურს გადაეცა.