უკან

უახლესი ამბები

დღის კალენდარი

ანონსები

არქივი

საზოგადოება

8 მაისი, 2018 14:25
font-size

თბილისში აფგან მუხთარლის მხარდამჭერი აქცია გაიმართება

29 მაისს, თბილისში, პარლამენტის წინ აფგან მუხთარლის მხარდამჭერი აქცია გაიმართება. როგორც აქციის ორგანიზატორები აცხადებენ, მთავარი მოთხოვნა ეფექტური გამოძიების წარმოება, პარლამენტში დროებითი საგამოძიებო კომიტეტის შექმნა იქნება.

,,2018 წლის 29 მაისს ერთი წელი სრულდება თბილისში მცხოვრები აზერბაიჯანელი ჟურნალისტის და აქტივისტის, აფგან მუხთარლის, სავარაუდო გატაცებიდან.

სავარაუდო გატაცების ფაქტზე გამოძიების დაწყებიდან ერთი წლის შემდეგ, მაღალი საჯარო ინტერესის მიუხედავად, გამოძიების პროგრესის შესახებ ინფორმაცია საქართველოს საგამოძიებო ორგანოებს არ გაუსაჯაროებიათ. არ გაქარწყლებულა ეჭვები ორგანიზებულ დანაშაულში საქართველოს სამართალდამცავი ორგანოების წარმომადგენელთა მონაწილეობაზე. ეს ყველაფერი კიდევ უფრო ამყარებს ეჭვს გამოძიებაზე არსებული პოლიტიკური ზეგავლენის შესახებ.

საქართველოში მომხდარი ასეთი ფაქტი საფრთხეს უქმნის საქართველოს იმიჯს ქვეყანაში ადამიანის უფლებების დაცვის სტანდარტისა და კანონის უზენაესობის პატივისცემის მხრივ, რაც საქართველოს საერთაშორისო პარტნიორებს არაერთხელ აღუნიშნავთ.

საქართველოში სამოქალაქო საზოგადოების ერთობლივმა პროტესტმა აფგან მუხთარლის გატაცების პერიოდში და არაეფექტიანი გამოძიების მიმდინარეობისას ეს პრობლემა აქტუალური გახადა და საერთაშორისო საზოგადოების ყურადღება მიიქცია. სწორედ სამოქალაქო აქტივიზმია ის მნიშვნელოვანი საკითხი, რაც ქვეყნის განვითარებას უწყობს ხელს. მეტიც, ის გადამწყვეტ როლს თამაშობს ქვეყანაში დემოკრატიისა და სამართლის უზენაესობის შესანარჩუნებლად, ასევე ადამიანის უფლებების დაცვის უზრუნველსაყოფად.

2018 წლის 29 მაისს კიდევ ერთხელ გვსურს შევიკრიბოთ და ვაჩვენოთ, რომ საქართველოში ძლიერი სამოქალაქო საზოგადოება არსებობს, რომელიც ზრუნავს ადამიანების უფლებებზე და მათ დასაცავად ერთიანდება. აუცილებელია ყველამ ერთად მოვითხოვოთ საქმის ეფექტიანი გამოძიება და პარლამენტში საგამოძიებო კომიტეტის შექმნა, რაც დაეხმარება აფგან მუხთარლის დაამტკიცოს სიმართლე აზერბაიჯანში მიმდინარე სასამართლო პროცესებზე. მსგავსი ფაქტი საქართველოში აღარ უნდა განმეორდეს.

მშვიდობიან, მდუმარე აქციაზე დარიგდება მაისურები და სხვადასხვა საინფორმაციო მასალა.

აფგან მუხთარლი 2017 წლის 29 მაისს თბილისის ცენტრალური უბნიდან გაუჩინარდა. ის თავის ჩვენებაში აღნიშნავს, რომ თბილისში, თავის სახლთან ახლოს, ნიაღვრის ქუჩაზე, 4-მა ადამიანმა გაიტაცა - ის იძულებით ჩასვეს მანქანაში პირებმა, რომლებსაც საქართველოს პოლიციის ფორმები ეცვათ და ქართულად საუბრობდნენ. მომდევნო დღეს აფგან მუხთარლი აზერბაიჯანში აღმოჩნდა დაპატიმრებული.

აზერბაიჯანში აფგან მუხთარლის ბრალად ედება საქართველო-აზერბაიჯანის საზღვრის უკანონოდ გადაკვეთა, მესაზღვრისთვის წინააღმდეგობის გაწევა და საზღვარზე თანხის არადეკლარირებულად გადატანა, რისთვისაც მას 6 წლით თავისუფლების აღკვეთა აქვს მისჯილი. 2018 წლის 12 იანვარს, აზერბაიჯანის ბელაქანის რაიონულმა სასამართლომ მას 6 წლით თავისუფლების აღკვეთა მიუსაჯა. სასჯელი აფგან მუხთარლის დაცვის მხარემ სააპელაციო სასამართლოში გაასაჩივრა, თუმცა გადაწყვეტილება ამ ინსტანციაშიც არ შეცვლილა“, - ნათქვამია აქციის ორგანიზატორების მიერ გავრცელებულ ინფორმაციაში.

საკვანძო სიტყვები:

მთავრობის ადმინისტრაციასთან მოქალაქეები ხელისუფლებისგან ეკოლოგიურ საკითხებზე გამკაცრებულ რეგულაციებს ითხოვენ

22 სექტემბერი, 2018 , 17:40

საქართველოს მთავრობის ადმინისტრაციასთან აქცია „SoS მოწამლული ჰაერი“ იმართება. აქციის მონაწილეები მთავრობისგან ითხოვენ გამკაცრებული ტექდათვალიერების აღსრულებას, საზოგადოებრივი ტრანსპორტის მოწესრიგებას, საწვავშ

ლაშა ტალახაძემ მსოფლიო რეკორდი გააუმჯობესა

22 სექტემბერი, 2018 , 17:40

საქართველოს ჩემპიონატი ძალოსნობაში ოლიმპიური ჩემპიონის ლაშა ტალახაძის ტრიუმფით დასრულდა. სპორტულ კომპლექს „ახალ თბილისში“ მდებარე ფრენბურთის არენაში გამართულ შეჯიბრებას განათლების, მეცნიერების, კულტურისა და ს

მეცნიერებისა და ინოვაციების ფესტივალი საზეიმოდ გაიხსნა

22 სექტემბერი, 2018 , 17:40

ივანე ჯავახიშვილის სახელობის თბილისის სახელმწიფო უნივერსიტეტში მეცნიერებისა და ინოვაციების ფესტივალი საზეიმოდ გაიხსნა. უნივერსიტეტის პირველი კორპუსის ეზოში უმაღლესი სასწავლებლები და სამეცნიერო კვლევითი დაწესებულებები სხვ

ინფორმაცია საზღვარგარეთ მყოფი საქართველოს მოქალაქეებისთვის 2018 წლის 28 ოქტომბრის საქართველოს პრეზიდენტის არჩევნებში მონაწილეობასთან დაკავშირებით

22 სექტემბერი, 2018 , 17:15

საზღვარგარეთ მყოფი საქართველოს მოქალაქეების არჩევნებში მონაწილეობის წესი გააცნო დღეს მედიას საარჩევნო ადმინისტრაციამ. როგორც ცენტრალურ საარჩევნო კომისიაში გამართულ საინფორმაციო ბრიფინგზე ცესკოს პრეს-სპიკერმა, ანა მიქელაძ

მოსამართლეთა სამუშაო შეხვედრა საარჩევნო საკითხებზე

22 სექტემბერი, 2018 , 16:35

საერთო სასამართლოების ადმინისტრაციული საქმეების განმხილველი მოსამართლეებისთვის საარჩევნო საკითხებზე სამუშაო შეხვედრა მიმდინარეობს ბორჯომში. ღონისძიება დღეს ცენტრალური საარჩევნო კომისიის (ცესკო) თავმჯდომარე თამარ ჟვანიამ,

თემირლანის საფლავთან ამომივიდნენ, აქ უნდოდათ დოლ-გარმონის გამართვა - თემირლან მაჩალიკაშვილის დედა

22 სექტემბერი, 2018 , 15:55

დღეს „პანკისობა 2018“-ის დღესასწაული ჩაიშალა. ამის მიზეზი თემირლან მაჩალიკაშვილის მამის და ადგილობრივების მწვავე პროტეტსტი გახდა. თემირლან მაჩალიკაშვილის დედა, მედიკო მარგოშვილი, აცხადებს, რომ მისი შვილის საფ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`