საზოგადოება
თბილისში ავტობუსების მარშრუტებს 7 სრულიად ახალი ხაზი დაემატა
დედაქალაქის მერის მოადგილის, მაია ბითაძის განცხადებით, თბილისში ავტობუსების მარშრუტებს 7 სრულიად ახალი ხაზი დაემატა.
მისივე ინფორმაციით, გამოიყო 25 ახალი დამატებითი ავტობუსი, რაც ასევე კრიტიკულად გადატვირთულ ხაზებს დაემატება.
"გამოიყო 25 დამატებითი ავტობუსი, რაც თავისთავად იქნება დამატებითი რესურსი იმისთვის, რომ ჩვენმა მოქალაქეებმა ერთიდან მეორე წერტილამდე გადაადგილებისას მეტად კომფორტულად იგრძნონ თავი. ამ ერთობლივი ოთხთვიანი მუშაობის შედეგად და იმ მოთხოვნების შესაბამისად, რაც ჩვენს მოქალაქეებს ჰქონდათ, გაიხსნა 7 სრულიად ახალი მარშუტი, რომელიც თბილისს აქამდე არ ჰქონდა. მათ შორის გაიხსნა ახალი ხაზი ნუცუბიძეზე, ხოლო ცინცაძეზე, გლდანსა და ორთაჭალაში დაემატა ტრანსპორტი. ამასთან, რეორგანიზაცია მოხდა სხვადასხვა მარშრუტის და დაგრძელდა სამარშრუტო ხაზები კრწანისის, ზემო ფონიჭალის, თბილისის ზღვის და აფრიკის მიმართულებით. ასევე მარშრუტებზე, სადაც ნაკლები იყო ავტობუსები, რაც მოცდის ხანგრძლივობას ზრდიდა, დაემატა თითო ან ორ-ორი ავტობუსი. ეს იყო ის ყველაზე კრიკიტული წერტილები, სადაც 7 ახალი ხაზი გაიხსნა და 13-ის რეორგანიზაცია მოხდა. ეს ყველაფერი წლების განმავლობაში აწუხებდა მოსახლეობას. პრაქტიკულად იყო უბნები, რომლებიც მოწყვეტილი იყო ერთმანეთს და გადაადგილება ძალიან ჭირდა", - განაცხადა მაია ბითაძემ.
საკვანძო სიტყვები:
თურქეთის თანამშრომლობისა და კოორდინაციის სააგენტოს წარმომადგენლებთან შეხვედრა გაიმართა
21 იანვარი, 2020 , 16:25
სასოფლო-სამეურნეო კოოპერატივებისათვის ტექნიკური დახმარების პროგრამა შემუშავდება
21 იანვარი, 2020 , 15:35
რუსთავში მამა-შვილის გარდაცვალების მიზეზი სავარაუდოდ წყლის გამაცხელებელი გახდა
21 იანვარი, 2020 , 15:15
2019 წელს ციხეებში 16 პატიმარი გარდაიცვალა - თეა წულუკიანი
21 იანვარი, 2020 , 13:50
ციხეებში არსებული წესრიგი ძალადობრივ მეთოდებს ეფუძნება, რამაც პატიმართა სიცოცხლე და ჯანმრთელობა შესაძლოა საფრთხის ქვეშ - ნინო ლომჯარია
21 იანვარი, 2020 , 13:50
თბილისს კიდევ 40 ახალი ავტობუსი შეემატა
21 იანვარი, 2020 , 13:20
