უკან

უახლესი ამბები

დღის კალენდარი

ანონსები

არქივი

საზოგადოება

10 მარტი, 2021 14:45
font-size

თბილისში ებრაული კულტურული მემკვიდრეობის ამსახველი საერთაშორისო გამოფენა გაიხსნება

ხვალ, 11 მარტს თბილისში ებრაული კულტურისა და მემკვიდრეობის დაცვისა და ხელშეწყობის ევროპული ასოციაციის AEPJ-ის ახალი პროექტის - Parallel Traces გამოფენა გაიხსნება, რომელიც ევროკავშირთან თანამშრომლობით, Creative Europe - პროგრამის ფარგლებში შეიქმნა.

AEPJ არის ევროპაში ებრაული კულტურული მემკვიდრეობის მარშრუტის ოფიციალური წარმდგენი და ის სერტიფიცირებულია ევროსაბჭოს მიერ.

გამოფენის ორგანიზატორია „ისრაელის სახლი“, რომელიც საქართველოში ებრაული კულტურული მემკვიდრეობის მარშრუტის ოფიციალური წარმდგენია.

ორგანიზაცია აქტიურად თანამშრომლობს საქართველოს განათლების, მეცნიერების, კულტურისა და სპორტის სამინისტროსა და AEPJ-სთან, რომელთა ეგიდითაც ხორციელდება აღნიშნული მარშრუტი.

გამოფენა Parallel Traces-ის პროექტის ავტორები მიიჩნევენ, რომ ევროპის ისტორიის განუყოფელი ნაწილის - ევროპული ებრაული მემკვიდრეობის შესახებ ცნობიერების ამაღლება სხვადასხვა მექანიზმის საშუალებით შეიძლება. კერძოდ, ლაპარაკია ფოტოგრაფიული და აუდიოვიზუალური ნამუშევრების შექმნასა და ახალი აპლიკაციის განვითარებაზე. ებრაული მემკვიდრეობის ამსახველი ორიგინალური ციფრული ნამუშევრები, აგრეთვე, მნიშვნელოვანი მხატვრული მასალებია, რომლებიც წარმოდგენილი იქნება გამოფენებზე.

ეს იქნება ტრანსნაციონალური კულტურული და შემოქმედებითი სამუშაოების შედეგი.

პროექტის მონაწილე ქვეყნებია: ბელგია, ლუქსემბურგი, ესპანეთი, სერბია, რუმინეთი, პოლონეთი და საქართველო.

სპეციალურად ამ ღონისძიებისთვის თბილისს ეწვია ებრაული კულტურისა და მემკვიდრეობის დაცვისა და ხელშეწყობის ევროპული ასოციაციის AEPJ-ის ხელმძღვანელობა და სტუმრები ევროპის ხუთი ქვეყნიდან. ღონისძიებას დაესწრებიან, აგრეთვე, საქართველოს პარლამენტის წევრები, განათლების, მეცნიერების, კულტურისა და სპორტის სამინისტროს წარმომადგენლები. გამოფენის გახსნას პირდაპირი ჩართვით ისრაელიდან მიესალმება ქნესეთის წევრი, იმიგრაციის, აბსორბციისა და დიასპორის საქმეთა კომიტეტის თავმჯდომარე დავიდ ბიტანი.

გამოფენა გაიხსნება - 11 მარტს, 17:30 საათზე, თანამედროვე ხელოვნების მუზეუმში, მის: რუსთაველის გამზირი #27 და გაგრძელდება 11 აპრილამდე.
„ისრაელის სახლის“ ხელმძღვანელისა და საქართველო-ისრაელის ბიზნესპალატის თავმჯდომარის იციკ მოშეს შეფასებით, მნიშვნელოვანია კულტურულ მემკვიდრეობაზე ზრუნვა და ამ საქმეში განსაკუთრებულ როლს უნდა ასრულებდნენ საზოგადოებრივი ორგანიზაციები.

„საქართველოში ჩვენი ორგანიზაციების საქმიანობის ერთ-ერთი ძირითადი მიმართულებაა კულტურულ-ისტორიულ ღირებულებათა პოპულარიზაცია, რაც გამოიხატება არა მხოლოდ ასეთი ღონისძიებების ორგანიზებაში, არამედ კულტურულ მემკვიდრეობის შენარჩუნების საქმეში უშუალო მონაწილეობაში. ეს განსაკუთრებით აქტუალურია ისეთი დიდი ისტორიის მქონე ქვეყანასა და ქალაქში, როგორიც საქართველო და თბილისია, რომლებიც გამორჩეულია მულტიკულტურით, მათ შორის ებრაული კულტურული მემკვიდრეობის ნიმუშებით. ესაა კულტურული კოდი, რომელიც კონკრეტული კულტურის ერთგვარი გასაღებია. საქართველო-ისრაელის ბიზნესპალატამ შექმნა კონცეფცია, რომელიც ტრადიციული კულტურული ელემენტების შენარჩუნებით ასეთი ძველი უბნების განვითარებას ითვალისწინებს. ბიზნესპალატის წევრი კომპანიების მიერ ქალაქში შექმნილი ელიტარული ობიექტები, სპეციალისტთა სამართლიანი შეფასებით, ორგანულად ერწყმის ისტორიული ქალაქის ტრადიციას. ამიტომ ასეთი აქტივობებით ჩვენ ვაგრძელებთ აქტიურ მუშაობას ევროსაბჭოსთან, კულტურის სამინისტროსთან და ყველა იმ უწყებასთან, რომლებიც მუშაობენ უნიკალური კულტურული განსაკუთრებულობის შენახვა/განვითარებაზე“, - აცხადებს იციკ მოშე.
იციკ მოშე არის ისრაელის პრეისტორიის მუზეუმის მეგობართა ჯგუფის ხელმძღვანელი და აქტიურად მუშაობს კულტურული მემკვიდრეობის დაცვის საკითხებზე.

თავდაცვის სამინისტრო საკონტრაქტო სამხედრო სამსახურში იწვევს 18-დან 35 წლის ჩათვლით საქართველოს მოქალაქეებს

31 იანვარი, 2023 , 13:53

საქართველოს თავდაცვის სამინისტრო საკონტრაქტო სამხედრო სამსახურში იწვევს 18-დან 35 წლის ჩათვლით საქართველოს მოქალაქეებს. უწყების ინფორმაციით, საკონტრაქტო სამსახურის გავლის მსურველმა მოქალაქემ უნდა გაიაროს რეგისტრაცია, სამ

კორუფციასთან ბრძოლის მხრივ საქართველო ბოლო 10 წელი სტაგნაციას განიცდის - „საერთაშორისო გამჭვირვალობა“

31 იანვარი, 2023 , 13:15

„საერთაშორისო გამჭვირვალობის“ მიერ გამოქვეყნებული 2022 წლის „კორუფციის აღქმის ინდექსის“ (CPI) მიხედვით, საქართველოს 56 ქულა აქვს, რაც წინა წელთან შედარებით ერთი ქულით მეტია. წარსულში 56 ქულა ქვეყა

42 000 კილოგრამი კარტოფილი ექსპორტიორ ქვეყანაში გაბრუნებას დაექვემდებარა - შემოსავლების სამსახური

31 იანვარი, 2023 , 13:08

საბაჟო გამშვებ პუნქტში „ყაზბეგი“ ფინანსთა სამინისტროს შემოსავლების სამსახურის საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ სხვადასხვა ქვეყნიდან

საქართველოს საკონსტიტუციო სასამართლოს თავმჯდომარე მერაბ ტურავამ მონაწილეობა მიიღო ადამიანის უფლებათა ევროპული სასამართლოს სამუშაო წლის გახსნის ცერემონიაში

30 იანვარი, 2023 , 19:34

საქართველოს საკონსტიტუციო სასამართლოს თავმჯდომარე მერაბ ტურავამ, სასამართლოს სამდივნოს უფროს გიორგი ლომთაძესთან ერთად, ქ. სტრასბურგში მონაწილეობა მიიღო ადამიანის უფლებათა ევროპული სასამართლოს სამუშაო წლის გახსნის ცერემონ

ვტოვებ „ნაციონალური მოძრაობის“ პოლიტსაბჭოს თავმჯდომარის პოსტს და ვტოვებ პოლიტსაბჭოს. ვრჩები - კობა ნაყოფია

30 იანვარი, 2023 , 19:15

ვტოვებ „ნაციონალური მოძრაობის“ პოლიტსაბჭოს თავმჯდომარის პოსტს და ვტოვებ პოლიტსაბჭოს. ვრჩები რიგით წევრად, ვიდრე მიხეილ სააკაშვილი იქნება პუტინის პირადი პატიმარი, ვიდრე მიხეილ სააკაშვილს არ გადაიყვანენ საზღვარ

ეროვნული ბანკი ციფრული ლარის პროექტის შემდეგ ეტაპზე გადადის და ტექნიკური პარტნიორი კომპანიების მოწვევას ასრულებს

30 იანვარი, 2023 , 18:28

ეროვნული ბანკი ციფრული ლარის პროექტის შემდეგ ეტაპზე გადადის და ტექნიკური პარტნიორი კომპანიების მოწვევას ასრულებს, - ამის შესახებ ინფორმაციას ეროვნული ბანკი ავრცელებს. მათი ცნობით, ახალი ფინანსური ტექნოლოგიების გამოყ

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი