უკან

საზოგადოება

30 მაისი, 2017 18:10
font-size

თბილისში გაუჩინარებული აზერბაიჯანელი ჟურნალისტის ახლობლების თქმით, აფგან მუხტარლის აზერბაიჯანული სპეცსამსახურები უთვალთვალებდნენ

თბილისში გაუჩინარებული აზერბაიჯანელი ჟურნალისტის აფგან მუხტარლის ცოლმა ლეილა მუსტაფაევამ და მისმა ახლობლებმა ადამიანის უფლებათა ცენტრის წარმომადგენლებთან ერთად დღეს პრესკონფერენცია გამართეს. ისინი ვარაუდობენ, რომ მუხტარლი აზერბაიჯანულმა სპეცსამსახურებმა გაიტაცეს.

ჟურნალისტის ერთ-ერთი მეგობრის, დაშგინ აღალარლის განცხადებით, მუხტარლი საგამოძიებო მასალაზე მუშაობდა, რომელიც ეხებოდა აზერბაიჯანის პრეზიდენტის, ილჰამ ალიევის ქონებას როგორც საქართველოში, ასევე ოფშორულ ზონაში. მისი თქმით, სავარაუდოდ, ამის გამო გაიტაცეს.

„ის ძალიან აქტიური ჟურნალისტი იყო და, სავარაუდოდ, აზერბაიჯანის ხელისუფლებამ მასში საფრთხე დაინახა“,- განაცხადა აღალარლიმ.

ის არ გამორიცხავს, რომ ამ საქმეში საქართველოს სპეცსამსახურები იყოს ჩართული, რადგან „საეჭვოა“, რომ მათ ვერაფერი ვერ შეემჩნიათ.

ჟურნალისტის ცოლის, ლეილა მუსტაფაევას განცხადებით, მუხტარლის უთვალთვალებდნენ. ახლობლებმა ისიც აღნიშნეს, რომ მას კომპანია „სოკარის“ ადამიანები უთვალთვალებდნენ.

ახლობლები ამ ფაქტზე პასუხისმგებლობას საქართველოს ხელისუფლებას აკისრებენ.

„მას რომ რაიმე დაემართოს, ეს იქნება საერთაშორისო სკანდალი და ამაში დამნაშავე იქნება საქართველოს მთავრობაც“,- აღნიშნეს ჟურნალისტის მეგობრებმა.

„თბილისის ადამიანის უფლებათა სახლის“ ინფორმაციით, აზერბაიჯანელი აქტივისტი და ჟურნალისტი აფგან მუხთარლი ბოლოს, 29 მაისს, დაახლოებით 19:00 საათზე თბილისში ნახეს. ის დაემშვიდობა თავის მეგობარს, რომელსაც ბარათაშვილის ქუჩაზე მდებარე კაფეში შეხვდა, დაურეკა მეუღლეს და უთხრა, რომ მალე მივიდოდა სახლში, თუმცა ამის შემდეგ, აღარავის უნახავს და მობილური გამორთული აქვს.

„აფგან მუხტარლი აზერბაიჯანიდან დევნილი საგამოძიებო ჟურნალისტი და აქტივისტია, რომელიც ღიად გამოხატავდა აზერბაიჯანის მთავრობის წინააღმდეგ მოსაზრებებს. 2015 წლის იანვრიდან ის საქართველოში მეუღლესთან და ქალიშვილთან ერთად ცხოვრობს“,- ნათქვამია განცხადებაში.

ანა მებურიშვილი


თამაშზე დამოკიდებულთა ფსიქოთერაპიის სეანსები დისტანციურად წარმატებით გრძელდება

29 მარტი, 2020 , 17:04

COVID-19-ის გავრცელების პრევენციისთვის ფსიქოსოციალური რეაბილიტაციის ცენტრი "კამარა" ლუდომანებისთვის განკუთვნილ ფსიქოთერაპიის სეანსებს დისტანციურად აგრძელებს. მიმდინარე წლის თებერვალში "კამარამ", რომელიც უკ

18 პაციენტი გამოჯანმრთელდა

29 მარტი, 2020 , 12:56

ბოლო მონაცემებით, კორონავირუსისგან კიდევ 2 ადამიანი გამოჯანმრთელდა. ჯამში ვირუსისგან გამოჯანმრთელებული პაციენტების რაოდენობა უკვე 18-ია, მათ შორის, ორი ბავშვია. ინფექციური საავადმყოფოს სამედიცინო დირექტორმა მარინე ეზუგბა

ძალიან მაღალი ალბათობით გვაქვს შიდა გავრცელების პრეცედენტი - ამირან გამყრელიძე

28 მარტი, 2020 , 18:50

ძალიან მაღალი ალბათობით გვაქვს შიდა გავრცელების პრეცედენტი, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საქართველოს პირველ არხს განუცხადა. როგორც ამირან გამყრელიძემ აღნიშ

ევროპის მიმართულებით დადგენილ ფრენებს 3 აპრილს ბერლინის მიმართულება დაემატა

28 მარტი, 2020 , 16:05

ევროპის სხვადასხვა ქალაქიდან თბილისის მიმართულებით დადგენილ ფრენებს ბერლინის მიმართულება დაემატა. ამის შესახებ „მედიანიუსს“ საგარეო საქმეთა სამინისტროდან აცნობეს. მათივე ინფორმაციით, ბერლინი-თბილისის რეისი 3

აშშ საქართველოს ჯანდაცვის სფეროს დასახმარებლად 1.1 მილიონ დოლარს გადასცემს

28 მარტი, 2020 , 16:05

ამერიკის შეერთებული შტატები ჯანდაცვის სფეროს დასახმარებლად საქართველოს 1.1 მილიონ დოლარს გადასცემს. ინფორმაციას ამის შესახებ საქართველოში აშშ-ს საელჩო ავრცელებს. მათი ცნობით, დაფინანსდება ლაბორატორიული სისტემების მომზადე

გიორგი გახარია სწრაფ ტესტებზე ოპოზიციის შეთავაზებაზე - თუ ვინმეს რაიმეს თავი აქვს და შეუძლია, ჩვენს ქვეყანას და მოქალაქეებს მიეხმაროს, მივიდნენ, იქ სადაც მოქალაქეებს დახმარება სჭირდებათ, ტელევიზორიდან პოლიტიკური კეკლუცობის ნაცვლად

28 მარტი, 2020 , 15:25

თუ ვინმეს რაიმეს თავი აქვს და შეუძლია, ჩვენს ქვეყანას და მოქალაქეებს მიეხმაროს, მივიდეს იქ, სადაც მოქალაქეებს დახმარება სჭირდებათ, განსაკუთრებით 60 წელს გადაცილებულ და ქრონიკული დაავადებების მქონე პირებს და იქ დაგვეხმარო