არქივი
ეკონომიკა
თბილისში Google-ის დეველოპერებისა და ბიზნეს ჯგუფის ღონისძიება - Devfest Tbilisi 2017 გაიმართება
26 ნოემბერს საქართველოში Google-ის დეველოპერებისა და ბიზნეს ჯგუფის ღონისძიება - Devfest Tbilisi 2017 გაიმართება. Devfest თბილისი ყოველწლიურად ტარდება და საქართველოში უკვე მეხუთედ გაიმართება. ერთ-ერთი ყველაზე მასშტაბური IT ღონისძიება მსოფლიოს 100-ზე მეტ ქალაქში მოეწყობა და იგი საერთო ჯამში 30 000-ზე მეტ დეველოპერს უმასპინძლებს.
წელს ამ ღონისძიების ორგანიზატორები არიან GDG (Google Developers Group), GBG (Google Business Group) თბილისი და ჯეოლაბი. ღონისძიების მასპინძელი საქართველოში ფაბრიკა იქნება.
ჯეოლაბის ინფორმაციით. ფაბრიკის ტერიტორიაზე, 12:00-დან 19:00 საათამდე, ერთმანეთის პარალელურად ჩატარდება თოქები და პანელ დისკუსიები, რომელზეც ახალ ტექნოლოგიებსა და სტარტაპების სფეროში მიმდინარე ახალ ამბებზე იქნება საუბარი.
Devfest Tbilisi 2017-ის ოფიციალური სპონსორი და მხარდამჭერია კომპანია Google. ღონისძიების სპონსორები და მხარდამჭერები არიან: ევროპაბეთი, ლივინგსტონი, გიფერი, მემოგრამი, ოულ გრუფი და სხვა.
Devfest Tbilisi 2017-ზე შეუძლია შემოგვიერთდეს ყველა დაინტერესებული პირი, ვინც ელექტორნული ფორმის საშუალებით წინასწარ დარეგისტრირდება: https://goo.gl/Fd5zNg
დამატებითი ინფორმაციისთვის, გთხოვთ დაუკავშირდეთ GDG / GBG მედიისა და კომუნიკაციის მენეჯერს, ლიკა მოშიაშვილს, l.moshiashvili@geolab.edu.ge, +995 577520952.
ინფორმაცია Google Developers Group-ის თბილისის შესახებ
GDG თბილისი, 2012 წლის იანვარში დაარსდა. მისი ვირტუალი ჯგუფი 1000-ზე მეტ ქართველ დეველოპერს აერთიანებს. ღონისძიებებზე დამსწრეთა საშუალო აქტივობა კი 50–70 ადამიანია. 2 წლის განმავლობაში ჩატარებული ღონისძიებებისა და აქტიურობის შედეგად, თბილისის ჯგუფი მსოფლიოს 300–ზე მეტ ჯგუფს შორის, ათეულში და ხუთეულშიც კი მოხვდა. GDG თბილისის ფარგლებში ხდება ცოდნისა და გამოცდილების გაცვლა, Google-ის თანამშრომლებთან პირდაპირი კავშირების დამყარება, უახლესი ტენდენციებისა და ტექნოლოგიების განხილვა, ახალგაზრდა პროგრამისტების მიერ აპლიკიებზე მუშაობის წახალისება და სხვა.
ინფორმაცია Google Business Group-ის შესახებ
ბიზნესის სფეროში ერთ-ერთი ყველაზე პოპულარული საზოგადოება - Google Business Group (GBG) მთელს მსოფლიოში ათასობით წარმატებულ და პროფესიონალ ადამიანს აერთიანებს. Google-ის ვებ-ტექნოლოგიების შესახებ ცოდნის გაზიარება, ბიზნესში ახალგაზრდების წახალისება და მათ პროფესიულ ზრდაში დახმარება GBG Tbilisi-ის მთავარ მიზანს წარმოადგენს.
ინფორმაცია „ჯეოლაბის“ შესახებ
ჯეოლაბი წარმოადგენს მობილური და ვებ აპლიკაციების ლაბორატორიას. ეს არის სივრცე, რომელიც 24 საათის განმავლობაში ღიაა სხვადასხვა საინტერესო და ინოვაციური პროექტების განხორციელებისათვის. ჯეოლაბი აღჭურვილია უახლესი ტექნოლოგიებით და ყოველთვის მზადაა დაგეხმაროთ თქვენი კრეატიული აზროვნებისა და ტექნიკური უნარ–ჩვევების რეალიზებაში.