საზოგადოება

თბილისში, მამაკაცმა არასრულწლოვანზე ფიზიკურად იძალადა - ვინ ფიგურირებს ძალადობის კადრებში (ვიდეო)

კადრში ჩანს, როგორ იჭერს ერთ-ერთი მამაკაცი მოზარდს ხელით, მეორე კი მას ფეხს რამდენჯერმე ურტყამს.

თბილისში, მამაკაცმა არასრულწლოვანზე ფიზიკურად იძალადა. მოზარდს სავარაუდოდ, თავი აქვს გატეხილი.

კადრში ჩანს, როგორ იჭერს ერთ-ერთი მამაკაცი მოზარდს ხელით, მეორე კი მას ფეხს რამდენჯერმე ურტყამს.

კადრები 15 დეკემბერს, სასტუმრო "რედისონთან" არის გადაღებული. სავარაუდოდ, მოძალადე "რედისონის" უსაფრთხოების სამსახურის თანამშრომელია.

ასევე, კადრში ჩანს მერიის უსაფრთხოების სამსახურის რამდენიმე თანამშრომელი, რომელთაგან ერთ-ერთის იდენტიფიცირება "კურიერმა" შეძლო.

"კურიერი" ერთ-ერთ მათგანს გაესაუბრა, თუმცა დამატებითი ინფორმაციის მიღება ვერ შეძლო. მერიის თანამშრომელი ირწმუნება, რომ ინციდენტთან კავშირი არ აქვს და კითხვაზე პასუხი "რედისონის" დაცვამ უნდა გასცეს.

სასტუმრო "რედისონის" უსაფრთხოების სამსახურის უფროსი ილია მეტრეველი დარწმუნებულია, რომ ვიდეოკადრებში მოხვედრილი პირები "რედისონის" დაცვის წევრები არ არიან.

გამოძიება არასრულწლოვანზე ჯგუფური თავდასხმის მუხლით არის დაწყებული.

ინფორმაციას და კადრებს სამაუწყებლო კომპანია "რუსთავი 2" ავრცელებს.