უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
საზოგადოება
თბილისში ქართველი შინდლერების პარკის პროექტის პრეზენტაცია გაიმართება
ხვალ „ისრაელის სახლში“ ქართველი შინდლერების პარკის პროექტის პრეზენტაცია გაიმართება. ღონისძიება ჰოლოკოსტის მსხვერპლთა ხსოვნის დღეს მიეძღვნება, რომელიც წელს 24-25 აპრილს აღინიშნება.
პარკი თბილისში, „ისრაელის სახლის“ ხელმძღვანელის იციკ მოშეს ინიციატივითა და დედაქალაქის მერიისა და საქართველოსა კულტურისა და ძეგლთა დაცვის სამინისტროს მხარდაჭერით, სავარაუდოდ, გმირთა მოედნის მიმდებარედ მოეწყობა.
პროექტის მიხედვით, დაიდგმება იერუსალიმის ორი ქვა, რომელთაგან ერთზე ამოტვიფრული იქნება ისრაელის იად ვა-შემის მემორიალური მუზეუმის მიერ ოფიციალურად აღიარებული სერგი მეტრეველის სახელი და გვარი, ხოლო მეორეზე სხვა ქართველი შინდლერების - გრიგოლ ფერაძის, მიხეილ კედიასა და საბა კლდიაშვილის სახელები და გვარები.
ქართველი შინდლერების პარკი შევა ებრაული კულტურული მემკვიდრეობის მარშრუტში, რომელსაც წელს ზაფხულიდან, ევროსაბჭოს ეგიდით, „ისრაელის სახლი“ განახორციელებს.
პრეზენტაციას დაესწრებიან საერთაშორისო ორგანიზაცია „ევროპული ალიანსი ისრაელისთვის“ ხელმძღვანელობა, საქართველოს კულტურისა და ძეგლთა დაცვის სამინისტროს, თბილისის მერიისა და ორგანიზაცია „ჯოინთის“ წარმომადგენლები.
ღონისძიებაზე გაიმართება იერუსალიმის ჰოლოკოსტის მუზეუმის მიერ მართალად შერაცხული სერგი მეტრეველის შესახებ ისრაელის სახლის ინიციატივითა და ქნესეთის მხარდაჭერით მომზადებული დოკუმენტური ფილმის ჩვენება.
დაგეგმილია, აგრეთვე, „ისრაელის სახლის“ მიერ მომზადებული, მთავრობებისთვის ისრაელ-საქართველოს 2017 წლის თანამშრომლობის გეგმა/შეთავაზების პრეზენტაცია.
ღონისძიება 25 აპრილს, 11.00 საათზე, „ისრაელის სახლში“ (თავისუფლების მოედანი #4) გაიმართება.