უკან

უახლესი ამბები

დღის კალენდარი

ანონსები

არქივი

პოლიტიკა

19 ივნისი, 2019 14:00
font-size

თბილისში საქართველო-ევროკავშირის ასოცირების კომიტეტის მეხუთე სხდომა გაიმართა

თბილისში საქართველო-ევროკავშირის ასოცირების კომიტეტის მეხუთე სხდომა გაიმართა. რომელშიც მონაწილეობა მიიღეს საქართველოსა და ევროკავშირის ოფიციალური სტრუქტურების უფროსი რანგის წარმომადგენლებმა. დადგენილი წესის მიხედვით, მიმდინარე წლის ასოცირების კომიტეტის შეხვედრას თავმჯდომარეობდა ქართული მხარე, კერძოდ, საგარეო საქმეთა მინისტრის მოადგილე ვახტანგ მახარობლიშვილი. ევროკავშირის დელეგაციას ხელმძღვანელობდა ევროპული საგარეო ქმედებათა სამსახურის, რუსეთის, აღმოსავლეთ პარტნიორობის, ცენტრალური აზიის, რეგიონული თანამშრომლობის და ეუთო-ს დირექტორატის ხელმძღვანელი ლუკ დევინი.

შეხვედრა წარიმართა მხარეთა შორის შეთანხმებული დღის წესრიგის მიხედვით, რომელიც მოიცავდა საქართველო-ევროკავშირის თანამშრომლობის, მათ შორის ასოცირების შეთანხმებითა და „ასოცირების დღის წესრიგით“ გათვალისწინებულ პრიორიტეტებს. შეხვედრისას განხილულ იქნა საქართველოში ევროკავშირის მიმდინარე, ასევე დაგეგმილი დახმარების პროგრამები.

სხდომაზე მხარეებმა მიმოიხილეს ქვეყანაში მიმდინარე რეფორმები, რომლებიც მიმართულია დემოკრატიის კონსოლიდაციის, თავისუფალი და სამართლიანი არჩევნების ჩატარების, კარგი მმართველობის, სასამართლოს თავისუფლების, კანონის უზენაესობისა და ადამიანის უფლებათა დაცვის შემდგომი გაძლიერებისაკენ. ევროკავშირმა დადებითად შეაფასა რეფორმების კუთხით ქართული მხარის მიერ განხორციელებული ძალისხმევა და ხაზი გაუსვა, რომ საქართველო-ევროკავშირის ურთიერთობები სხვადასხვა სფეროში თანამშრომლობის ბევრი წარმატებული მაგალითით არის დატვირთული.

ევროკავშირი მიესალმა სასამართლო რეფორმის მეოთხე ტალღის ფარგლებში მომზადებულ საკანონმდებლო პაკეტს და ხაზი გაუსვა საარჩევნო კანონმდებლობის შემდგომი დახვეწის მნიშვნელობას ეუთო-ს რეკომენდაციების შესაბამისად. შეხვედრაზე ხაზი გაესვა უვიზო რეჟიმის პოლიტიკურ და პრაქტიკულ მნიშვნელობას. ამასთან დაკავშირებით, ევროკავშირმა დადებითად შეაფასა საქართველოს მზაობა, გადადგას შესაბამისი ნაბიჯები უვიზო მიმოსვლის სათანადო ფუნქციონირების უზრუნველსაყოფად.

ასოცირების კომიტეტის სხდომის დღის წესრიგის ერთ-ერთ მნიშვნელოვან საკითხს წარმოადგენდა კონფლიქტის მშვიდობიანი გადაწყვეტა. ევროკავშირმა კიდევ ერთხელ ცალსახად დააფიქსირა მტკიცე მხარდაჭერა, საქართველოს ტერიტორიული მთლიანობისადმი საერთაშორისოდ აღიარებულ საზღვრებში. ევროკავშირის მხრიდან განმეორებით აღნიშნა, რომ ის არ აღიარებს არალეგიტიმურ არჩევნებს საქართველოს ცხინვალისა და აფხაზეთის რეგიონებში. სხდომაზე შეშფოთება გამოითქვა ოკუპირებულ ტერიტორიებზე უსაფრთხოებისა და ჰუმანიტარული თვალსაზრისით ვითარების შემდგომ გაუარესებასთან დაკავშირებით, მათ შორის საუბარი შეეხო ეთნიკური ქართველების სიცოცხლის ხელყოფის შემთხვევებს; ქართულმა მხარემ ხაზი გაუსვა ოთხოზორია-ტატუნაშვილის სიის მხარდაჭერის მნიშვნელობას ევროკავშირის მხრიდან. ევროკავშირი მიესალმა საქართველოს სამშვიდობო ინიციატივას „ნაბიჯი უკეთესი მომავლისკენ“ და გამოთქვა მზაობა ინიციატივის განხორციელების კუთხით თანამშრომლობისთვის. მხარეებმა ხაზი გაუსვეს ჟენევის საერთაშორისო დისკუსიების ეფექტიანობის უზრუნველყოფის აუცილებლობას და ევროკავშირის მონიტორინგის მისიის გადამწყვეტ როლს ადგილზე სტაბილურობის შენარჩუნების თვალსაზრისით.

შეხვედრაზე აქცენტი გაკეთდა ასევე უსაფრთხოებისა და თავდაცვის სფეროში თანამშრომლობისა და დიალოგის გაძლიერების მნიშვნელობაზე. ევროკავშირი მიესალმა საქართველოს მზაობას გააგრძელოს ევროკავშირის მისიებში ჩართულობა. მხარეებმა გამოთქვეს მზაობა, რომ გააგრძელებდნენ მუშაობას თანამშრომლობის გაღრმავების კუთხით ისეთი მიმართულებებით, როგორიცაა კიბერუსაფრთხოება, ჰიბრიდული საფრთხეების იდენტიფიცირება და ა.შ. ხაზი გაესვა საქართველო-ევროკავშირის მაღალი დონის სტრატეგიული დიალოგის მომდევნო შეხვედრას, რომელიც ა.წ. შემოდგომაზე თბილისში გაიმართება.

სხდომაზე მხარეებმა მიმოიხილეს ეკონომიკური და სექტორული თანამშრომლობის საკითხები.

ევროკავშირმა დადებითად შეაფასა საქართველოს მიერ ასოცირების შეთანხმებით გათვალისწინებული ვალდებულებების შესრულების მიმდინარეობა, განსაკუთრებით ევროკავშირის კანონმდებლობასთან დაახლოების კუთხით. სხდომაზე განსაკუთრებული ყურადღება გამახვილდა ევროკავშირის დახმარების პროგრამებზე, რომელთა მიზანი ევროკავშირთან დაახლოების კუთხით საქართველოში მიმდინარე რეფორმების მხარდაჭერაა. განხილულ იქნა ისეთი მიმართულებები, როგორიცაა ეკონომიკური თანამშრომლობა, სტატისტიკა, მცირე და საშუალო საწარმოთა მხარდაჭერა, რეგიონული განვითარება, თანამშრომლობა ენერგეტიკის, ტრანსპორტისა და გარემოს დაცვის, ჯანმრთელობის, განათლების, მეცნიერებისა და კულტურის სფეროებში. ევროკავშირი განსაკუთრებით მიესალმა შრომის უსაფრთხოების დაცვის კუთხით საქართველოს მიერ გადადგმულ ნაბიჯებს, ქვეყნის მიერ განათლების სფეროში დაგეგმილ რეფორმებს; ხაზი გაესვა საქართველოს, როგორც მნიშვნელოვანი პარტნიორის, როლს ენერგეტიკული უსაფრთხოების კონტექსტში და ქვეყნის ჩართვას ტრანს-ევროპულ სატრანსპორტო ქსელში. შეხვედრაზე განსაკუთრებით აღინიშნა საქართველოს მიერ ერასმუს+-ში წარმატებული მონაწილეობა, რამაც განაპირობა ქართველი ახალგაზრდების ევროკავშირში გაცვლით პროგრამებში მონაწილეობის ზრდა. მხარეები მიესალმნენ თბილისში გახსნილი „აღმოსავლეთ პარტნიორობის“ ევროპული სკოლის მეორე ფაზას და ხაზი გაუსვეს პროექტის შთამბეჭდავ წარმატებას. საქართველოს მხრიდან ხაზი გაესვა ასევე კულტურის სფეროში ევროკავშირთან თანამშრომლობის გაძლიერების მნიშვნელობას, რომლის მიზანია მეტი ქართული კულტურა ევროკავშირში და პირიქით.

მხარეებმა ისაუბრეს 2018 წლის 21 ნოემბერს საქართველოს მთავრობასა და ევროკომისიას შორის მაღალი დონის შეხვედრისას განხილული პრიორიტეტების განხორციელების მიმდინარეობაზე. ორივე მხრიდან აღინიშნა გამართული მაღალი დონის შეხვედრის წარმატება და მნიშვნელობა.

მხარეებმა ხაზი გაუსვეს სტრატეგიული კომუნიკაციების მნიშვნელობას ევროპული ინტეგრაციის სარგებლის საზოგადოებისთვის გაცნობისა და ამავდროულად, დეზინფორმაციისა და ანტი-დასავლური პროპაგანდის წინააღმდეგ ბრძოლის კონტექსტში.

შეხვედრისას მხარეებმა ასევე განიხილეს „აღმოსავლეთ პარტნიორობის“ რეგიონულ ფორმატში თანამშრომლობა და ინიციატივის 10 წლისთავის ფარგლებში დაგეგმილი ღონისძიებები, მათ შორის 11-12 ივლისს ქ. ბათუმში დაგეგმილი მაღალი დონის საერთაშორისო კონფერენცია, რომელშიც მონაწილეობას მიიღებენ მაღალი დონის სტუმრები ევროკავშირიდან და 6 პარტნიორი ქვეყნიდან.

საქართველოს პრემიერ-მინისტრი ბულგარეთის ტრანსპორტისა და კომუნიკაციების მინისტრს შეხვდა

22 ოქტომბერი, 2019 , 16:40

საქართველოს პრემიერ-მინისტრი გიორგი გახარია ბულგარეთის ტრანსპორტისა და კომუნიკაციების მინისტრ როსენ ჟელიაზკოვს შეხვდა. შეხვედრაზე საქართველოსა და ბულგარეთს შორის არსებული ეკონომიკური ურთიერთობები განიხილეს. აღინიშნა, რომ

სალომე ზურაბიშვილი იაპონიის იმპერატორის, ნარუჰიტოს ტახტზე ასვლის ცერემონიას დაესწრო

22 ოქტომბერი, 2019 , 16:40

საქართველოს პრეზიდენტი სალომე ზურაბიშვილი ქალიშვილთან ერთად ტოკიოში იაპონიის იმპერატორის, მისი უმაღლესობა ნარუჰიტოს ტახტზე ასვლის ცერემონიას დაესწრო. იაპონიამ 22 ოქტომბერი ეროვნულ დღესასწაულად გამოაცხადა. ცერემონიას ასევ

სალომე ზურაბიშვილი ავსტრიის პრეზიდენტს შეხვდა

22 ოქტომბერი, 2019 , 16:40

ტოკიოში სამუშაო ვიზიტის ფარგლებში, საქართველოს პრეზიდენტი სალომე ზურაბიშვილი ავსტრიის რესპუბლიკის პრეზიდენტს, ალექსანდერ ვან დერ ბელლენს შეხვდა. საქართველოს პრეზიდენტის პრესსამსახურის ინფორმაციით, სალომე ზურაბიშვილმა ავს

გვჯერა, რომ ჩვენ ქართველებს ეს ფორუმი დაგვეხმარება უფრო კარგად შევასრულოთ ჩვენი მისია - გიორგი გახარია

22 ოქტომბერი, 2019 , 13:00

საქართველოს პრემიერ-მინისტრმა გიორგი გახარიამ, „აბრეშუმის გზის ფორუმი“ სიტყვით გამოსვლით გახსნა. პრემიერ-მინისტრმა ფორუმის მნიშვნელობაზე ისაუბრა და განაცხადა, რომ ეს არის ეფექტიანი პლატფორმა, სადაც აბრეშუმის

თავდაცვის მინისტრმა ლატვიის ელჩს უმასპინძლა

22 ოქტომბერი, 2019 , 13:00

საქართველოს თავდაცვის მინისტრმა ლატვიის რესპუბლიკის ელჩთან გაცნობითი ხასიათის შეხვედრა გამართა. ირაკლი ღარიბაშვილმა ინგრიდა ლევრენესს საქართველოს სუვერენიტეტის, ტერიტორიული მთლიანობისა და ევროატლანტიკურ სტრუქტურებში ინტე

საქართველოსა და რეგიონში არსებული უსაფრთხოების გარემო - სუს-ის უფროსი ნატო-ს სამეკავშირეო ოფისის ხელმძღვანელს შეხვდა

22 ოქტომბერი, 2019 , 10:35

სახელმწიფო უსაფრთხოების სამსახურის უფროსმა, გრიგოლ ლილუაშვილმა საქართველოში ნატო-ს სამეკავშირეო ოფისის ხელმძღვანელთან, როზარია პულისისთან შეხვედრა გამართა. შეხვედრას ესწრებოდა სახელმწიფო უსაფრთხოების სამსახურის უფროსის მ