საზოგადოება
თბილისში ვერ გაგვივლია იმიტომ, რომ თითო ოჯახს სამი და ოთხი მანქანა ჰყავს - გუგული მაღრაძე
მე, ჩემი კეთილსინდიიერი შრომით, 22 წლის შემდეგ, სულ ისეთ ადგილებზე ვმუშაობდი, სადაც ნორმალური ანაზღაურებაა. ჩვენ არ ვეკუთვნდოთ არც მდიდარ ოჯახებს, მაგრამ არც ღარიბ ოჯახებს, - განაცხადა პარლამენტარმა გუგული მაღრაძემ ტელეკომპანია ,,იბერიას“ გადაცემაში ,,თავისუფალი სივრცე.“
,,აღმასრულებელი ხელისუფლება კიდეც უნდა გავაკრიტიკოთ, მაგრამ მას აუცილებლად უნდა გავუგოთ, რადგან საქართველო არ არის მდიდარი ქვეყანა და მას აქვს შემოსაზღვრული შესაძლებლობები. ასე, რომ ამასაც უნდა ანგარიშის გაწევა. ბევრი რამ შესაძლოა გვინდოდეს როგორც პარლამენტარს და როგორც მოქალაქეს, მაგრამ ამის მიღწევა ერთ და ორ დღეში არ ხდება.
მთავარია, როგორც პრემიერმა თქვა, ჩვენ სწორი მიმართულებით მივდივართ. აქ მხვდებიან ხოლმე ქალები და მეუბნებიან, აგერ ეს პრობლემა თუ გადაიჭრება, ჩვენ აღარ შეგაწუხებთო. მაგრამ მათ ის პრობლემა აქვთ, სხვას სხვა პრობლემა აქვს.იქეთ იპოთეკარები, იქეთ სხვა... ჯადოსნული ჯოხით ვერ გავთავისუფლდებით ამ პრობლემებისგან“, - განაცხადა დეპუტატმა.
გადაცემის წამყვანის რეპლიკაზე, რომ ხალხი უფრო ღარიბდება, პარლამენტარმა განაცხადა: ,,არ ვიცი ახლა, თუ ჩავთვლით იმას, რომ თბილისში ვერ გაგვივლია იმიტომ, რომ თითო ოჯახს სამი და ოთხი მანქანა ჰყავს და ამდენი მანქანა მე არ ვიცი, სადმე ვინმეს ჰყავდეს.
კი, არიან ადამიანები, ვისაც უჭირს, მაგრამ რაღაცა კატეგორიამ ადამიანებისამ და არცისე ცოტამ, მოახერხა უკვე ის, რომ აქვთ საჭმელი, სასმელი და რაღაცა ასეთი. ამიტომ, ჩვენ უნდა ვიზრუნოთ იმაზე, რომ ვისაც შესაძლებლობა აქვს, ის უფრო შეძლებული იყოს და ვინც ღარიბია, ის შეძლებულებში გამოვიდეს. ეს არი ჩვენი პრიორიტეტი,"- განაცხადა გუგული მაღრაძემ.