პოლიტიკა

თბილისს ოფიციალური ვიზიტით ჯანი ბუკიკიო ეწვია

თბილისს, სამუშაო ვიზიტით ვენეციის კომისიის დელეგაცია ეწვია.

დელეგაცია, რომელსაც ვენეციის კომისიის პრეზიდენტი ჯანი ბუკიკიო ხელმძღვანელობს, საქართველოს პარლამენტის თავმჯდომარის, ირაკლი კობახიძის მოწვევით ეწვია.

ისინი შეხვედრებს გამართავენ საქართველოს პარლამენტის თავმჯდომარესთან, აღმასრულებელი და საკანონმდებლო ორგანოების წარმომადგენლებთან და საქართველოს პრეზიდენტთან.

პირველი შეხვედრა დღეს პარლამენტის თავმჯდომარე ირაკლი კობახიძესთან გაიმართება, რის შემდეგაც პრესისთვის ერთობლივი განცხადება გაკეთდება.

დღესვე დაგეგმილია შეხვედრა საპარლამენტო ფრაქციასთან ”საქართველოს პარტიოტები“ და საპარლამენტო უმცირესობაში შემავალი ფრაქციების წარმომადგენლებთან.

ვიზიტის ფარგლებში, ჯანი ბუკიკიო და ტომას მარკერტი პრეზიდენტ გიორგი მარგველაშვილს და იუსტიციის მინისტრს თეა წულუკიანს შეხვდებიან.

,,დაახლოებით 20 წელია ჩვენ ვმუშაობთ კონსტიტუციის გაუმჯობესების საკითხებზე და იმედი მაქვს, ამჯერადაც ნაყოფიერად ვიმუშავებთ. დღეს მე მექნება შეხვედრა პარლამენტის სპიკერთან და სხვა ოფიციალურ პირებთან, მაგალითად იუსტიციის მინისტრთან’’, - განუცხადა ჟურნალისტებს თბილისის საერთაშორისო აეროპორტში ჯანი ბუკიკიომ.

ნინო ექვთიმიშვილი