უკან

უახლესი ამბები

დღის კალენდარი

ანონსები

არქივი

პოლიტიკა

21 სექტემბერი, 2018 15:15
font-size

თეა წულუკიანი ევროპის საბჭოს წამების პრევენციის კომიტეტის დელეგაციასშეხვდა

საქართველოს იუსტიციის მინისტრმა თეა წულუკიანმა ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) დელეგაცია მიიღო. დელეგაციას კომიტეტის პრეზიდენტი მიკოლა გნატოვსკი ხელმძღვანელობს.

შეხვედრას იუსტიციის მინისტრის პირველი მოადგილე მიხეილ სარჯველაძე, მოადგილე და სპეციალური პენიტენციური სამსახურის გენერალური დირექტორი ზვიად მიხანაშვილი, იუსტიციის მინისტრის მოადგილე გიორგი პატარიძე და შესაბამისი დეპარტამენტების ხელმძღვანელები ესწრებოდნენ.

დღეს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის ვიზიტის შემაჯამებელი შეხევდრა გაიმართა, მანამდე კი დელეგაცია სხვადასხვა პენიტენციურ დაწესებულებებს ეწვია. კომიტეტის წევრებს საშუალება ჰქონდათ პენიტენციურ დაწესებულებებში შეუზღუდავად შესულიყვნენ და გადაადგილებულიყვნენ. ისინი პირადად გაესაუბრნენ თავისუფლებააღკვეთილ პირებს.

დღევანდელ შეხვედრაზე კომიტეტის წევრებმა იუსტიციის მინისტრს საკუთარი რეკომენდაციები და წინადადებები გააცნეს, რაც რამდენიმე თვეში მათ საბოლოო ანგარიშშიც აისახება.

მინისტრის მოადგილისა და სპეციალური პენიტენციური სამსახურის გენერალური დირექტორის ზვიად მიხანაშვილის განცხადებით, უწყება მზადაა ევროსაბჭოსთან აქტიური თანამშრომლობისა და რეკომენდაციების გათავლისწინებისთვის და გაგრძელდება მუშაობა იმისათვის, რომ ერთ დღეს საქართველოს პენიტენციური სისტემა სრულად ევროპული სტანდარტის გახდეს.

თეა წულუკიანმა დელეგაციის წევრებს მადლობა გადაუხადა ვიზიტისთვის და აღნიშნა, რომ დელეგაციის მიერ გამოთქმული სამომავლოდ შესასრულებელი რეკომენდაციები, სრულად ემთხვევა სასჯელაღსრულების სისტემასთან გაერთიანების შემდგომ, იუსტიციის სამინისტროს ხედვასა და პრიორიტეტებს. მინისტრის თქმით, ამ პრიორიტეტების შესაბამისი გეგმის განხორციელება სასჯელაღსრულების სისტემას კიდევ უფრო პროგრესულსა და თანამედროვეს გახდის. კერძოდ, თეა წულუკიანმა პრიორიტეტად დაასახელა პატიმართა რესოციალიზაცია-რეაბილიტაცია და გათავისუფლებისათვის მომზადება; დაწესებულებებში სოციალური მუშაკების როლის გაზრდა; ახალი, მცირე ზომის დაწესებულებების მშენებლობა, რამაც სისტემას ციხეების ევროპული ტიპის მენეჯმენტის საშუალება უნდა მისცეს; არა მხოლოდ პატიმრებისათვის, არამედ თანამშრომლებისთვისაც ღირსეული სამუშაო პირობების შექმნა; პატიმრებთან უშუალოდ მომუშავე თანამშრომელთა მიზერული ხელფასების ზრდა და უნიფორმებით აღჭურვა.

წამების საწინააღმდეგო კომიტეტის დელეგაციები ვიზიტებს ახორციელებენ პერიოდულად. საქართველოში კომიტეტის ბოლო ვიზიტი 2014 წლის 1 დეკემბრიდან 11 დეკემბრის ჩათვლით მიმდინარეობდა; ამ ვიზიტის შემაჯამებელი ანგარიში კი, კომიტეტმა 2015 წლის 15 დეკემბერს გამოაქვეყნა საქართველოს მთავრობის ოფიციალურ პასუხთან ერთად.

ცნობისათვის: წამების პრევენციის კომიტეტი დაარსდა ევროპის საბჭოს „წამებისა და არაადამიანური ან ღირსების შემლახველი მოპყრობისა თუ დასჯის პრევენციის ევროპული კონვენციის“ საფუძველზე.

ინაუგურაციის შემდეგ გაცილებით მეტი იქნება შესაბამის საკადრო ცვლილებებზე ინფორმაცია, თუ ეს საჭირო იქნა - გია ვოლსკი

10 დეკემბერი, 2018 , 17:45

„მე ვფიქრობ, რომ ამ ცვლილებებისა და სკანდალური თემების მაძიებლები უფრო ბევრნი არიან, ვიდრე ანალიტიკოსები“, - ასე გამოეხმაურა პარლამენტის ვიცე-სპიკერი გია ვოლსკი გავრცელებულ ინფორმაციას შესაძლო საკადრო ცვლილებ

ლევან გოგიჩაიშვილი პარლამენტს მოუწოდებს იმ ბრალდებებით დაინტერესდეს, რომელიც ეროვნული გვარდიის უფროსის მოადგილის თანამდებობაზე დანიშნული კობა ახვლედიანის მიმართ არსებობს

10 დეკემბერი, 2018 , 17:45

„ქართული ოცნების“ დეპუტატი ლევან გოგიჩაიშვილი პარლამენტს მოუწოდებს იმ ბრალდებების საკითხით დაინტერესდეს, რომელიც ეროვნული გვარდიის უფროსის მოადგილის თანამდებობაზე დანიშნული კობა ახვლედიანის მიმართ არსებობს. რ

საპარლამენტო უმცირესობა ზუგდიდის მე-6 სკოლის დირექტორის გარდაცვალების გამო განათლების მინისტრის პასუხისმგებლობის საკითხს სვამს

10 დეკემბერი, 2018 , 17:30

საპარლამენტო უმცირესობამ ზუგდიდის მე-6 საჯარო სკოლის დირექტორის ია კერზაიას გარდაცვალების ფაქტის გამო განათლებისა და მეცნიერების მინისტრის მიხეილ ბატიაშვილის პოლიტიკური პასუხისმგებლობის საკითხი დააყენა და მისი გადადგომა

პრემიერ-მინისტრმა სწავლება ,,დიდგორი 2018“-ის მონაწილეებს სიტყვით მიმართა

10 დეკემბერი, 2018 , 17:05

საქართველოს თავდაცვის პოლიტიკა შეკავებისა და თავდაცვის პრინციპებს ეფუძნება; ამ პოლიტიკის წარმატებით განხორციელება მნიშვნელოვანწილად დამოკიდებულია ტოტალური თავდაცვის სისტემის შექმნასა და გაძლიერებულ საერთაშორისო თანამშრომ

მომავალი წლიდან საქართველოს ექნება ახალი საბაჟო კოდექსი - მამუკა ბახტაძე

10 დეკემბერი, 2018 , 16:10

მომავალი წლიდან საქართველოს ექნება ახალი საბაჟო კოდექსი, რომელიც საშუალებას მოგვცემს, მოვახდინოთ ჩვენი ქვეყნის უფრო ეფექტურად ინტეგრირება გლობალურ ეკონომიკაში, - ამის შესახებ საქართველოს პრემიერ-მინისტრმა მამუკა ბახტაძემ

პირადად ვიძიებ შურს ყველა ადამიანზე, რომელიც გაბედავს აჭარელი ხალხის ღირსების შეურაცხყოფას - თორნიკე რიჟვაძე

10 დეკემბერი, 2018 , 15:30

აჭარის მთავრობის თავმჯდომარე თორნიკე რიჟვაძე გაერთიანებული ოპოზიციის წევრის, ჯელალ ქიქავას განცხადებებს გამოეხმაურა სოციალურ ქსელში გავრცელებული ვიდეომიმართვით.  რიჟვაძის განცხადებით,  შურს იძიებს ყველაზე,

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`