უკან

უახლესი ამბები

დღის კალენდარი

ანონსები

არქივი

პოლიტიკა

13 ოქტომბერი, 2017 17:10
font-size

თეა წულუკიანის პოზიცია ნარკოპოლიტიკის დეკრიმინალიზაციაზე გაუგებარია - საქართველოს ნარკოპოლიტიკის ეროვნული პლატფორმა

„საქართველოს ნარკოპოლიტიკის ეროვნული პლატფორმა“ გამოეხმაურა იუსტიციის მინისტრის, თეა წულუკიანის განცხადებას, რომ „არამც და არამც არ უნდა მოხდეს ნარკოტიკების დეკრიმინალიზაცია“.

პლატფორმის თქმით, გაუგებარია წულუკიანის პოზიცია იმის ფონზე, რომ 2013 წელს ის თვითონ იღებდა მონაწილეობას ნარკომოხმარების დეკრიმინალიზაციისა და ნარკოპოლიტიკის ლიბერალიზაციის შესახებ კანონპროექტის შემუშავებაში.

სნეპ-ი ასევე ისაუბრა მთავრობისა და პარლამენტის ზოგიერთი წევრის უარყოფით დამოკიდებულებაზე კანონპროექტის მიმართ. პლატფორმის თქმით, სამთავრობო უწყებების ნეგატიური პოზიცია გაუგებარია, რადგან ხელისუფლებისა და უმაღლესი თანამდებობის მქონე პირები აცხადებენ, რომ აქვთ განზრახული ნარკოპოლიტიკის სისტემური რეფორმირება.

სნეპ-მა იმედი გამოთქვა, რომ ნარკოპოლიტიკის რეფორმის კანონპროექტის განხილვები პარლამენტის საშემოდგომო სესიაზე პოზიტიურად დასრულდება და ცვლილებები დროულად ამოქმედდება. პლატფორმა მზადაა, ამ საკითხზე სახელმწიფო უწყებებთან ითანამშრომლოს

აღნიშნულ კანონპროექტის განხილვა უწყებათაშორისი საკოორდინაციო საბჭოში 16 ოქტომბერს გაიმართება.

„მედიანიუსი“ სნეპ-ის განცხადებას სრულად გთავაზობთ:

„საქართველოს ნარკოპოლიტიკის ეროვნული პლატფორმა“ ეხმაურება ნარკომანიასთან ბრძოლის უწყებათაშორისო საკოორდინაციო საბჭოში მიმდინარე წლის 16 ოქტომბერს დაგეგმილ შეხვედრას. აღნიშნულ შეხვედრაზე ძირითადი განხილვის საგანი იქნება პლატფორმის მიერ მომზადებული და პარლამენტის ხუთი დეპუტატის მიერ ინიცირებული კანონპროექტი, რომელიც მიზნად ისახავს არსებული ნარკოპოლიტიკის ფუნდამენტურ რეფორმას, კერძოდ, ყველა ნარკოტიკული საშუალების მოხმარების დეკრიმინალიზაციას, ნარკოტიკული დანაშაულისთვის გათვალისწინებული სისხლისსამართლებრივი სანქციების ლიბერალიზებას, ნარკოტიკული საშუალებების ოდენობების სამართლიანი წესით განსაზღვრასა და ნარკოტიკის მომხმარებელთათვის სამკურნალო-სარეაბილიტაციო პროგრამების გაძლიერებასა და ქვეყანაში პირველადი პრევენციული სისტემის დანერგვას.

როგორც მოგეხსენებათ, მომზადებულ კანონპროექტზე პარლამენტში არ არის ერთგვაროვანი პოზიციები და ამ დრომდე სხვადასხვა ფორმატში მიმდინარეობს მუშაობა, რათა უკეთესად მოხდეს დეპუტატების ინფორმირება კანონპროექტის შინაარსსა და მიზნებზე და პრინციპულ საკითხებზე მიღწეული იყოს კონსესუსი. განსხვავებით საკანონმდებლო ორგანოსგან, ცალსახად უარყოფითია მთავრობის დასკვნები კანონპროექტზე და სამწუხაროა, რომ ეს დასკვნები ძირითადად სამართალდამცავი ორგანოების პოზიციებს ემყარება. ასევე, სამწუხარო და გაუგებარია სამთავრობო უწყებების სრულად ნეგატიური პოზიციები ინიცირებული კანონპროექტის პრინციპებზე, მაშინ, როდესაც ხელისუფლებასა და უმაღლესი პოლიტიკური თანამდებობის მქონე პირების მხრიდან საჯაროდ არის დაფიქსირებული ნარკოპოლიტიკის სისტემური რეფორმის განზრახვა.

განსაკუთრებით ყურადსაღებია იუსტიციის სამინისტროს მიერ ამ დრომდე დაფიქსირებული პოზიციები, რომლითაც უწყება უარყოფითად აფასებს ნარკოტიკის მოხმარების დეკრიმინალიზაციის პერსპექტივას და აგრეთვე არ იზიარებს პლატფორმის მოსაზრებებს ნარკოტიკული საშუალებების ოდენობების განსაზღვრის პრინციპთან დაკავშირებით. იუსტიციის მინისტრი თავის 12 ოქტომბრის განცხადებაში კიდევ ერთხელ ეწინააღმდეგება დეკრიმინალიზაციას და საუბრობს ამ დრომდე უკვე განხორციელებულ „რევოლუციურ ნაბიჯებზე“, რითიც კიდევ ერთხელ იქმნება შთაბეჭდილება, რომ სამინისტრო ვერ ხედავს ნარკოპოლიტიკის მიმართულებით შემდგომი სისტემური ნაბიჯების გადადგმის აუცილებლობას. უწყებათაშორისი საბჭოს შეხვედრამდე რამდენიმე დღით ადრე მინისტრის მხრიდან მსგავსი პოზიციის დაფიქსირება კიდევ უფრო გაუგებარია იმ ფონზე, რომ 2013 წელს იგი უშუალოდ იყო ჩართული მასშტაბური კანონოპროექტის მომზადებისა და ინიცირების პროცესში, რომლითაც ასევე იგეგმებოდა ნარკოტიკის მოხმარების დეკრიმინალიზაცია და ნარკოკანონმდებლობის მნიშვნელოვნად ლიბერალიზაცია.

პლატფორმისთვის, ისევე როგორც ნარკოპოლიტიკის რეფორმის პროცესის მხარდამჭერი ჯგუფებისთვის მნიშვნელოვანია, რომ ინიცირებული კანონპროექტის განხილვები პოზიტიურად დასრულდეს საშემოდგომო სესიაზე და დროულად მოხდეს ცვლილებების ამოქმედება. ამდენად, ნარკოპოლიტიკის ეროვნული პლატფორმა კიდევ ერთხელ გამოხატავს სახელმწიფო უწყებებთან თანამშრომლობისთვის მზაობას, მათ შორის, სხვადასხვა უწყებიდან მიღებულ შენიშვნებზე მუშაობის და მათი კანონპროექტში ასახვის სურვილს, იმ დათქმით, რომ რეფორმის ძირითადი არსი და მიმართულებები არ შეიცლვება. პლატფორმა იმედს იტოვებს, რომ უწყებათაშორისი საკოორდინაციო საბჭოს 16 ოქტომბრის შეხვედრა იქნება შედეგზე ორიენტირებული და მოხერხდება პოზიციების დაახლოება.

როგორც აღინიშნა, ამ დროისთვის სამთავრობო უწყებებს გამოხატული აქვთ უარყოფითი პოზიცია კანონპროექტთან დაკავშირებით. უფრო დეტალურად, სხვადასხვა უწყებიდან კანონპროექტთან დაკავშირებით მიღებული შენიშვნები და მათზე პლატფორმის პოზიციები, იხილეთ თანდართულ დოკუმენტში:

https://drive.google.com/file/d/0B45RlLun478TQW5hMlNlQUh1VTg/view?usp=sharing, - ნათქვამია განცხადებაში.

ანა მებურიშვილი

კიდევ ერთი კრიტიკულ წერილს გახარიას კონგრესმენი, ბრაიან ბაბინი უგზავნის

25 იანვარი, 2020 , 11:53

საქართველოს პრემიერმინისტრს, გიორგი გახარიას, კრიტიკულ წერილს აშშ-ის წარმომადგენელთა პალატის კიდევ ერთი წევრი, რესპუბლიკელი კონგრესმენი ბრაიან ბაბინი უგზავნის. წერილი, რომლითაც კონგრესმენი შეშფოთებას გამოხატავს დემოკრატი

ვახტანგ მახარობლიშვილმა და დავით ბაქრაძემ აშშ-ის სახელმწიფო დეპარტამენტში გამართულ შეხვედრაში მიიღეს მონაწილეობა

25 იანვარი, 2020 , 10:45

აშშ-ის სახელმწიფო დეპარტამენტში, აშშ-საქართველოს სტრატეგიული კომუნიკაციების პარტნიორობის ქარტიის ფარგლებში ადამიანებს შორის კავშირების ჯგუფის შეხვედრა გაიმართა. ამის შესახებ ინფორმაციას აშშ-ში საქართველოს საელჩო „ტ

ყველაფერს გავაკეთებთ, რომ საქართველო ყოველთვის იყოს განხილვის თემა, როდესაც თქვენ - ჩვენი მეგობრები, ევროპის მომავალზე ისაუბრებთ - გიორგი გახარია

23 იანვარი, 2020 , 17:25

აქ ვიმყოფები, როგორც იმ ქვეყნის პრემიერ-მინისტრი, რომელიც აღმოსავლეთ პარტნიორობის წევრია და ეს ჩვენთვის ძალიან მნიშვნელოვანია; მეორე ფაქტორი ის გახლავთ, რომ საქართველოს ევროპული და ევროატლანტიკური მისწრაფება შემდგარი ფაქ

ჩვენი ქვეყნის 20% რუსეთის მიერ არის ოკუპირებული და ეს არის ჩვენი მოქალაქეების წინაშე მდგარი ყოველდღიური გამოწვევა - გიორგი გახარია

23 იანვარი, 2020 , 17:25

ჩვენ გამოწვევებით სავსე რეგიონში ვიმყოფებით და როდესაც რუკაზე ამ სამეზობლოს შეხედავთ, ამაში თავადაც დარწმუნდებით; აქტუალურია ჩვენი ქვეყნის ოკუპაციის საკითხი, - ამის შესახებ საქართველოს პრემიერ-მინისტრმა გიორგი გახარიამ დ

საქართველოს მეგობრების განცხადებების ფონზე, სრულიად სამარცხვინო და არასერიოზულია საქართველოს ხელისუფლების რეაქცია - „თავისუფალი საქართველო“

23 იანვარი, 2020 , 15:35

პარტია „თავისუფალი საქართველო“ ბოლო პერიოდში შეერთებული შტატების კონგრესისა და ევროპარლამენტის წევრების მიერ საქართველოს მთავრობისათვის გამოგზავნილ წერილებსა და რეკომენდაციებს ეხმაურება. როგორც „თავისუფ

ფრაქცია `დამოუკიდებელი დეპუტატები` ივანე მაჭავარიანს პარლამენტში იბარებენ

23 იანვარი, 2020 , 14:50

ფრაქცია „დამოუკიდებელი დეპუტატები“ საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულიას მიმართავს. წერილს, რომელსაც ხელს ფრაქციის თავმჯდომარე მარიამ ჯაშ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`