საზოგადოება

თეა წულუკიანის სახლთან აქცია გაიმართა

იუსტიციის მინისტრის, თეა წულუკიანის სახლთან საპროტესტო აქცია გაიმართა.

აქციის მონაწილეები იუსტიციის მინისტრის თანამდებობიდან გადადგომის მოთხოვნით შეიკრიბნენ.
ახალგაზრდები დავით სარალიძის, მკვლელების დაუსჯელობაზე პასუხისმგებლობას წულუკიანს აკისრებენ.

„დღეს საზოგადოება ამ მინისტრს აღარ ენდობა. ის სისტემური პრობლემები, რომელიც დღეს ქვეყანაშია, რომელმაც ამდენი ბავშვის სიკვდილი გამოიწვია, ის, რომ მკვლელები არ არიან დასჯილები, ამ ადამიანის კისერზეა,“ - განაცხადა აქციის ორგანიზატორმა, გიორგი გზერიშვილმა.

აქციაზე შეკრებილები ზაზა სარალიძეს და პანკისში ჩატარებული სპეცოპერაციის დროს მოკლული თემირლან მაჩალიკაშვილის მამას, მალხაზ მაჩალიკაშვილს, სოლიდარობას უცხადებენ.

ნინო ექვთიმიშვილი