უახლესი ამბები
- 18.03.2024 18:24იენს სტოლტენბერგი სალომე ზურაბიშვილს შეხვდა
- 18.03.2024 18:15საქართველოს ბანკის SME ბიზნეს მიმართულებას ახალი ხელმძღვანელი ჰყავს
- 18.03.2024 17:13პარლამენტი მიმდინარე კვირას პრეზიდენტის მიერ წარდგენილ მოტივირებულ შენიშვნებზე იმსჯელებს
- 18.03.2024 17:04იურიდიულ საკითხთა კომიტეტმა „საარჩევნო კოდექსში“ განხორციელებულ ცვლილებასთან დაკავშირებით პრეზიდენტის მოტივირებულ შენიშვნებს მხარი არ დაუჭირა
არქივი
საზოგადოება
“თეატრალურ უნივერსიტეტში ყალბი დიპლომების გაცემას ირაკლი კობახიძის ოჯახის წევრები მფარველობენ” – რას აცხადებს ყოფილი ლექტორი
“განათლების მინისტრი მიხეილ ჩხენკელი მფარველობს თეატრისა და კინოს საახელმწიფო უნივერსიტეტის კორუმპირებულ მაფიოზურ კლანს, ყალბი დიპლომების გაცემის ფაქტებს, უნივერსიტეტში დანერგილ ტოტალურ კორუფციასა და ნეპოტიზმს. მყარად დგას უნივერიტეტის კლანი.
უკვე რვა წელია, მუხლჩაუხრელად ვიბრძვით თეატრისა და კინოს სახელმწიფო უნივერსიტეტის პროფესორ-მასწავლებელთა საინიციატივო ჯგუფი, რომლის ხელმძღვანელსაც მე წარმოვადგენ, – აცხადებს “ახალ თაობასთან” მარინე მიქაუტაძე, ხელოვნებათმცოდნეობის მეცნიერებათა დოქტორი, სამსახიობო ფაკულტეტის დეკანის ყოფილი მოადგილე, სასწავლო ცენტრის ყოფილი ხელმძღვანელი.
ის ამბობს, რომ მას აქვს ყველა დოკუმენტური მასალა, რამდენჯერმე მიმართა ყოფილ, მოქმედ მინისტრს სიტუაციაში გასარკვევად, მაგრამ შედეგი ნულია, რადგან ყალბი დიპლომების გაცემას უფრო მაღალი რანგის ჩინოვნიკების ოჯახის წევრები “კრიშავენ”.
“ დაუფარავად და საჯაროდ ვაცხადებ, რომ მფარველობს “ქართული ოცნების” დღევანდელი ლიდერის ირაკლი კობახიძის ოჯახის წევრები. ეკა ბაღიშვილი გახლავთ ირაკლი კობახიძის ოჯახის ახლო ნათესავი, რომელიც კონკრეტულ საქმეში დაინტერესებულ მხარეს წარმოადგენს, კობახიძის დედა, თამარ ზაალიშვილი თავის დროზე მუშაობდა განათლების ხარისხის განვითარების ეროვნული ცენტრის დირექტორის მოადგილედ. თამარ ზაალიშვილს ხელი ხელი აქვს მოწერილი დოკუმენტაციის სიყალბეზე, რომელიც თეატრისა და კინოს უნივერსიტეტის ყალბ დიპლომებს ეხება და ა.შ. მოკლედ, მთელი განათლების სისტემაა ამ კორუფციასა და სიბინძურეში ჩართული კულტურის სამინისტროსთან ერთად. ამჟამინდელი განათლების მინისტრი მ. ჩხენკელი აგრძელებს სამსახურებრივ გულგრილობას, ამ ყველაფერზე დუმს და თვალს ხუჭავს.”- აცხადებს ყოფილი ლექტორი.