პოლიტიკა
თელავის პარალელურად ოპოზიციის აქციების იქნება ქუთაისში, ზუგდიდსა და ბათუმში - ზაალ უდუმაშვილი
„ნციონალური მოძრაობის“ წევრის, ზაალ უდუმაშვილის განცხადებით, გაერთიანებული ოპოზიციის მთავარი აქცია ხვალ თელავში გაიმართება, მსვლელობა კი თბილისიდან დაიწყება.
მისივე ინფორმაციით, თელავის აქციის პარალელურად დემონსტრაციები იქნება ქუთაისში, ზუგდიდსა და ბათუმში.
„იქნება მრავალათასიანი მსვლელობა და გავაპროტესტებთ იმას, რომ ხელისუფლებამ ასე წაართვა საქართველოს მოქალაქეებს არჩევნების უფლება. ჩვენ ვიქნებით ძალიან ბევრი და ძალიან ხმამაღლა მივაწვდენთ ხმას იმ ხელისუფლებას, რომელმაც ფეხქვეშ გათელა თითოეული ჩვენი მოქალაქის კონსტიტუციური უფლება აერჩია საქართველოს პრეზიდენტი.
ხვალ თელავში უნდა იზეიმონ ქართული ოჯახების პრეზიდენტის დანიშვნა და არა არჩევა. 800 000 ადამიანმა უთხრა არა „ქართულ ოცნებას“ და რა ფორმით დაიწერეს გამარჯვება, მთელმა საქართველომ ნახა. პარალელურად აქციები იქნება ქუთაისში, ზუგდიდში და ბათუმში“, – განაცხადა ზაალ უდუმაშვილმა.