უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
რეგიონები
თელავში მრავალფუნქციური სპორტული კომპლექსი შენდება
თელავში (ვარდოშვილის 5/ა), სპორტისა და ახალგაზრდობის საქმეთა მინისტრი ტარიელ ხეჩიკაშვილი და მინისტრის მოადგილე შალვა გოგოლაძე მშენებარე მრავანფუნქციურ სპორტულ კომპლექსს ესტუმრნენ, სადაც უკვე დაიწყო მუშაობა ორმა საცურო აუზმა, უახლოეს პერიოდში კი დამატებით ორი აუზის მშენებლობა დასრულდება.
მინისტრს და მინისტრის მოადგილეს თელავის მერმა პლატონ კალმახელიძემ და სახელმწიფო რწმუნებულის - გუბერნატორის მოადგილემ კახეთის მხარეში ირაკლი ქადაგიშვილმა უმასპინძლა. ახალი კომპლექსი დაათვალიერა საწყლოსნო სახეობათა ფედერაციის პრეზიდენტმა დავით რურუამ.
სპორტისა და ახალგაზრდობის საქმეთა სამინისტროს ინფორმაციით, თელავში სპორტული კომპლექსი კერძო ინვესტიციით შენდება. ამ ეტაპზე მუშაობს ორი მცირე ზომის აუზი (სიგრძე16; სიგანე 8 მეტრი), კეთილმოეწყო გასახდელები, საშხაპეები, სპორტ-კაფე და გაიხსნა ორი ფიტნეს დარბაზი - გოგონებისთვის და ვაჟებისთვის. პარალელურად მიმდინარეობს 5 სართულიანი სასტუმროს მშენებლობა, რომელიც როგორც სპორტსმენებს ასევე ტურისტებს უმასპინძლებს. მშენებლობის პროცესშია ერთი ღია და ერთიც დახურული აუზი, რომელიც წყალბურთის სტანდარტებში ჩაჯდება (35X25 მეტრი) და საქართველოს ნაკრების შეკრებებს და მატჩებს უმასპინძლებს. აუზს ექნება ტრიბუნა (400 სკამით) გულშემატკივრების მისაღებად. სპორტული კომპლექსის მენეჯმენტს დაგეგმილი აქვს ბოულინგ ცენტრის მშენებლობაც.
,,დიდი მადლობა შალვა მორბედაძეს, რომელმაც თაობების ოცნება აუსრულა თელავლებს და თანამედროვე სტანდარტების აუზი აუშენა. კერძო ინვესტიცია სპორტული ინფრასტრუქტურის კუთხით სასიხარულოა, ამ მხრივ ნამდვილად არ ვართ განებივრებულები. მიხარია, რომ ნდობა იმ რეფორმების მიმართ, რომელსაც ჩვენ ვანხორციელებთ სულ უფრო იზრდება. ორმაგად სასიხარულოა ასეთი ინვესტიცია რეგიონებში, მითუმეტეს საკმაოდ ძვირად ღირებულ სპორტის სახეობაში. აღსანიშნავია, რომ აქ წყალბურთის გარდა ახალგაზრდები სხვა სპორტის სახეობებითაც დაკავდებიან. თელავი კი საწყლოსნო სახეობებში ერთ-ერთი წარმატებული ცენტრი გახდება. ამასთან, არაერთ საერთაშორისო ტურნირს უმასპინძლებს“, - განაცხადა სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა.