უკან

უახლესი ამბები

დღის კალენდარი

ანონსები

არქივი

სამართალი

13 თებერვალი, 2018 14:20
font-size

ტელეკომპანია ,,იბერია“ იყო ობიექტურად კრიტიკული, რაც ალბათ მაშინ არ მოსწონდა ხელისუფლებას - შალვა შავგულიძე

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის იძულებით დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე, შალვა შავგულიძე დაიკითხა, რომელიც 2004 წელს “ომეგა ჯგუფში” სპეცრაზმის შეჭრის პერიოდში კომპანიის ინტერესებს იცავდა.

შავგულიძემ სასამართლოსთვის ჩვენების მიცემისას ,,ვარდების რევოლუციის“ შემდგომი პერიოდი და ის პროცესები გაიხსენა, რაც წინ უძღვოდა ,,ომეგა ჯგუფში“ შემავალ კომპანიებში შეჭრასა და ტელეკომპანია ,,იბერიას“ სამაუწყებლო ლიცენზიის იძულებით დათმობას.

თემაზე საუბრისას მოწმემ მისი მეუღლის, “იბერია ტვ”-ს საინფორმაციო სამსახურის იმჟამინდელი უფროსის ჟურნალისტური საქმიანობაც და მათი ოჯახის მიმართ მუქარის ფაქტებიც გაიხსენა.

,,ახალი ხელისუფლება ნეგატიურად განეწყო ტელეარხის მიმართ. ჩემი მეუღლე - ლუბა ელიაშვილი ,,იბერიაში“ საინფორმაციო სამსახურს ხელმძღვანელობდა და საავტორო გადაცემაც ჰქონდა.” იბერია ტვ “ იყო ობიექტურად კრიტიკული, რაც ალბათ მაშინ არ მოსწონდა ხელისუფლებას. სახლის ტელეფონზეც, მეუღლის პირად ტელეფონზეც იყო ზარები და მუქარები. იყო სროლაც ჩემი მეუღლის მშობლების სახლის მიმართ, რომელიც პეკინზე მდებარეობს და სადაც იმ დროს, ჩვენი ბავშვი იმყოფებოდა.

შეტევის მიზეზი იყო ალბათ ტელევიზიის ობიექტურად კრიტიკული დამოკიდებულება მოვლენების მიმართ. ამას მოყვა 2004 წლის თებერვალში ომეგაში შეჭრა და პარალიზება ტელევიზიის“, - აღნიშნა შავგულიძემ.

მოწმემ კომპანიაში შეჭრის ძალადობრივ ქმედებებსა და უკანონობასაც გაუსვა ხაზი და ამის ერთ-ერთ მაგალითად დაასახელა ის, რომ მოხდა ტრაილერებით კომპანიის კუთვნილი, დაყადაღებული სიგარეტის გატანა და რეალიზება. ამასთან სად მიდიოდა გაყიდული პროდუქციიდან მიღებული შემოსავალი, ადვოკატისთვის უცნობია.

როგორც შავგულიძემ აღნიშნა, შექმნილი რეალობიდან გამომდინარე, აშკარა გახდა, რომ ამ ყველაფერს მოყვებოდა ,,ომეგა ჯგუფის“ დამფუძნებლის, ზაზა ოქუაშვილის დაკავება.

,,ზაზა ოქუაშვილმა გაზაფხულზე დატოვა საქართველო. წასვლამდე ამბობდა, რომ პროკურატურა გვთხოვს ,,იბერიას“ სამაუწყებლო ლიცენზიის დათმობასო. მას სურდა ამ ლიცენზიის შენარჩუნება და ამიტომ დატოვა საქართველო“, - განაცხადა შალვა შავგულიძემ.

მისივე თქმით, ინფორმაცია იმის შესახებ, რომ პროკურატურისგან მოდიოდა მოთხოვნა ,,ომეგა ჯგუფში“ შემავალ კომპანიებში მუშაობის განახლებისა და დაკისრებული საგადასახადო დავალიანების რესტრუქტურიზაციის სანაცვლოდ მომხდარიყო “იბერია ტვ”-ის ლიცენზიის დათმობა, მისთვის ცნობილი იყო ,,ომეგა ჯგუფის“ ერთ-ერთი კომპანიის დირექტორისგანაც.

საქმეზე ბრალდებულის, ყოფილი გენერალური პროკურორის, ზურაბ ადეიშვილის ადვოკატი შოთა კახიძე სასამართლო სხდომაზე მოწმისგან დაინტერესდა, თუ ვინ იყო გენერალური პროკურორი იმ პერიოდში, როდესაც ის ,,ომეგა ჯგუფის“ ინტერესებს იცავდა.

აღნიშნულის პასუხად შალვა შავგულიძემ განაცხადა, რომ ,,ომეგაში“ სპეცრაზმის შეჭრის პერიოდში გენერალური პროკურორი ირაკლი ოქრუაშვილი იყო, მისი საადვოკატო საქმიანობის ბოლოს კი, ანუ იმ დროისათვის, როცა ტელეკომპანიის ლიცენზიის დათმობაზე მიდიოდა საუბარი, აღნიშნული თანამდებობა უკვე ზურაბ ადეიშვილის ეკავა.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

საქმეზე მომდევნო სხდომა 1 მარტის 13:30 საათისთვის ჩაინიშნა.

ნინო ექვთიმიშვილი

საკვანძო სიტყვები:

სასამართლოს გადაწყვეტილებით ``ანას ბაღში`` მშენებლობა შეჩერდა

27 თებერვალი, 2020 , 14:35

სასამართლომ საქმის განხილვის დასრულებამდე „ანას ბაღთან“ კორპუსის მშენებლობის შეჩერებაზე განაჩენი გამოიტანა. ამის შესახებ სოციალურ ქსელში, საორგანიზაციო ჯგუფი წერს. ''ჩვენი სასარჩრლო მოთხოვნა სასამართლომ დააკმ

დედისა და ბებიის მკვლელობის ბრალდებით დაკავებულ 19 წლის ბიჭს პატიმრობა შეეფარდა

27 თებერვალი, 2020 , 13:10

ბებიისა და დედის მკვლელობაში ბრალდებულ19 წლის მიხეილ ზაუტაშვილს საქალაქო სასამართლომ აღკვეთის ღონისძიებად პატიმრობა შეუფარდა. გადაწყვეტილება მოსამართლე გიორგი კერატიშვილმა გამოაცხადა. დღევანდელ სასამართლო პროცესზე ბრალდე

„ვაჭრობაში ანტიდემპინგური ღონისძიების შემოღების შესახებ“ კანონპროექტზე პირველი მოსმენით მსჯელობა იწყება

27 თებერვალი, 2020 , 11:10

„ვაჭრობაში ანტიდემპინგური ღონისძიების შემოღების შესახებ“ კანონპროექტზე დღეს პირველი მოსმენით დაიწყება მსჯელობა საფინანსო-საბიუჯეტო კომიტეტის სხდომაზე. მთავრობის ინიციატივით წარდგენილი პროექტის მიზანი ადგილობრ

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით პატიმრობა მიესაჯა

26 თებერვალი, 2020 , 12:40

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით თავისუფლების აღკვეთა მიესაჯა. თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებუ

პოლიციამ მოპედის ქურდობის ბრალდებით ერთი პირი დააკავა

26 თებერვალი, 2020 , 11:50

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1991 წელს დაბადებული, წარსულში ნასამართლევი თ

ბიუჯეტისთვის ზიანის მიყენების საქმეზე ორი კომპანიის ხელმძღვანელი პირები დააკავეს

26 თებერვალი, 2020 , 11:25

ფინანსთა სამინისტროს საგამოძიებო სამსახურის თანამშრომლებმა, ყალბი საგადასახადო დოკუმენტების დამზადება - გამოყენებისა და ქონების მესაკუთრის მოტყუებით, დიდი ოდენობით ქონებრივი დაზიანების ფაქტზე, ორი კომპანიის ხელმძღვანელი

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`