უკან

უახლესი ამბები

დღის კალენდარი

ანონსები

არქივი

სამართალი

15 ნოემბერი, 2016 12:40
font-size

ტელეკომპანია ,,იბერიას’’ ლიზენციის დათმობის საქმეზე ბრალდების მხარის მოწმე დაიკითხა

თბილისის საქალაქო სასამართლოში ტელეკომპანია ,,იბერიის’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე დაიკითხა, რომელიც ამჟამად ,,ომეგა ჯგუფში’’ შემავალი კომპანია ,,ოჯთ’’-ის დირექტორია. მოწმე ნიკოლოზ ასანიძე 2004 წლის თებერვალში, როცა ,,ომეგაში’’ სპეცდანიშნულების რაზმი შეიჭრა, ,,ოჯთ’’-ის წარმოების ხელმძღვანელი იყო.

როგორც ნიკოლოზ ასანიძემ დაკითხვისას აღნიშნა, ის ,,იბერიას’’ 4 მეწილიდან, ერთ-ერთის, 25%-ანი წილის მფლობელი „მუვენ ინტერნეიშენალ ლტდ“-ს წარმომადგენელი იყო.

რაც შეეხება უშაულოდ ტელეკომპანია ,,იბერიის’’ ლიცენზიის დათმობის საკითხს, როგორც მოწმემ განაცხადა, ის, რომ მას ხელი უნდა მოეწერა შესაბამის დოკუმენტზე, თავად ,,ომეგა ჯგუფის’’ დამფუძნებლისგან, ზაზა ოქუაშვილისგან შეიტყო. დეტალები კი, მოწმის თქმით, მან ,,ოჯთ’’-ის წარმომადგენელმა, ლევან აღდგომელაშვილმა შეატყობინა.

,,ეს არის აუცილებლად გასაკეთებელი, სხვანაირად არ აღდგება საწარმოების მუშაობაო და მითხრა, რომ ყველაფერს აღდგომელაშვილი ამიხსნიდა’’, - გაიხსენა ასანიძემ ,,ომეგა ჯგუფის’’ დამფუძნებელთან სატელეფონო საუბარი.

მისივე თქმით, ლევან აღდგომელაშვილისგან მან მიიღო ინფორმაცია იმის შესახებ, რომ ეს უკანასკნელი პროკურატურაში იყო დაბარებული გენპროკურორის მოადგილესთან, რომლისგანაც მიიღო მითითება საწარმოებში მუშაობის განახლებისა და თანხების რესტრუქტურიზაციის სანაცვლოდ ,,იბერიას’’ ლიცენზიის დათმობის შესახებ.

ასანიძის ინფორმაციითვე, აღდგომელაშვილმა ამცნო მას ისიც, რომ შესაბამის დოკუმენტზე ხელმოწერა თბილისში, კოსტავას ქუჩაზე მდებარე სანოტარო ბიუროში ნოტარიუს ნუნუ გინტურთან უნდა მომხდარიყო.

როგორც მოწმემ აღნიშნა, სანოტარო ბიუროში წილის გადაფორმების პროცესზე იმჟამინდელი კომუნიკაციების მარეგულირებელი კომისიის თავმჯდომარე დიმიტრი ქიტოშვილიც მივიდა.

რაც შეეხება უშუალოდ გადაფორმებას, ასანიძის თქმით, ,,ომეგას’’ მხრიდან ხელმოწერა მის გარდა ალექსანდრე ლაცაბიძემ და ქეთევან ფანქველაშვილმა დააფიქსირეს. წილის გადაფორმება კი, ვინმე დავით კაკაურიძეზე მოხდა, რომელსაც როგორც მოწმემ აღნიშნა, არც მანამდე იცნობდა და არც მას შემდეგ შეხვედრია.

მოწმის ჩვენებასთან დაკავშირებით საკუთარი პოზიცია გამოხატა დაცვის მხარემ. როგორც სასამართლო სხდომის დასრულების შემდეგ ბრალდებულ, ზურაბ ადეიშვილის ადვოკატმა, გიორგი ჩივიაშვილმა აღნიშნა, ნიკოლოზ ასანიძეს ბრალდების მხარის კითხვებზე პასუხი არ ჰქონდა და ამბობდა, რომ დეტალებს ვერ იხსენებდა.

თავის მხრივ, როგორც საქმის პროკურორმა, ემზარ გაგნიძემ ჟურნალისტებთან საუბრისას აღნიშნა, ბრალდების მხარის მიერ დღეს წარმოდგენილ მოწმეს ყველა კითხვაზე ამომწურავი პასუხი ჰქონდა.

,, მოწმემ სავსებით სრულად ისაუბრა ყველა იმ ფაქტობრივ გარემოებაზე, რასთან დაკავშირებითაც მას შეხება ჰქონდა, კონკრეტულად კი, ტელეკომპანია ,,იბერიას’’ ლიცენზიის დათმობის საკითხებზე’’, - განაცხადა პროკურორმა, ემზარ გაგნიძემ.

საქმეზე მომდევნო სხდომა 1 დეკემბრის 10:00 საათისთვის ჩაინიშნა. პროცესი ბრალდების მხარის მტკიცებულებებით გაგრძელდება.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე მიმდინარე წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

ნინო ექვთიმიშვილი

თბილისის სააპელაციო სასამართლო თსუ მეცნიერების საქმის განხილვას იწყებს - „ახალგაზრდა ადვოკატები“

19 თებერვალი, 2020 , 15:58

2020 წლის 20 თებერვალს, თბილისის სააპელაციო სასამართლოს ადმინისტრაციულ საქმეთა პალატა მოსამართლე მარიამ ცისკაძის თავმჯდომარეობით, ივანე ჯავახიშვილის სახელობის თბილისის სახელმწიფო უნივერსიტეტში ჩატარებული კონკურსების შედე

პოლიციამ სარფში განსაკუთრებით დიდი ოდენობით სხვადასხვა სახის ნარკოტიკი ამოიღო

19 თებერვალი, 2020 , 10:22

შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს და ფინანსთა სამინისტროს შემოსავლების სამსახურის საბაჟო დეპარტამენტის თანამშრო

სამტრედიაში მკვლელობის საქმეზე შსს ოფიციალურ ინფორმაციას ავრცელებს

18 თებერვალი, 2020 , 16:50

შინაგან საქმეთა სამინისტრომ სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით 1992 წელს დაბადებული გ.ა. დააკავა. როგორც შსს-ს ინფორმაციაშია ნათქვამი, სამართალდამცველებმა გ.ა

სამტრედიაში მკვლელობა მოხდა

18 თებერვალი, 2020 , 15:50

სამტრედიაში მკვლელობა მოხდა. ფაქტი სერვისების განვითარების სააგენტოს ტერიტორიულ სამსახურში მოხდა. მოკლულია ქალი. არსებული ინფორმაციით, მას თავს დაესხა ქმარი, რომელთანაც განქორწინება უნდა გაეფორმებინა. როგორც შინაგან საქმ

სოფელ ყარაჯალარში ტაქსის მძღოლის მკვლელობისთვის 23 წლის ახალგაზრდა დააკავეს

18 თებერვალი, 2020 , 11:10

სოფელ ყარაჯალარში ტაქსის მძღოლის მკვლელობისთვის სამართალდამცავებმა 23 წლის ახალგაზრდა დააკავეს. ამის შესახებ „მედიანიუსს“ შინაგან საქმეთა სამინისტროდან აცნობეს. როგორც მათ ინფორმაციაშია აღნიშნული, დაკავებულმა

მოქალაქის კუთვნილი ფულადი თანხის მოტყუებით დაუფლების მცდელობის ფაქტზე ერთი პირი დააკავეს

18 თებერვალი, 2020 , 11:00

საქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, მოქალაქის კუთვნილი ფულადი თანხის მოტყუებით დაუფლების მცდელობის ფ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`