უკან

უახლესი ამბები

დღის კალენდარი

ანონსები

არქივი

სამართალი

22 ივნისი, 2018 17:00
font-size

ტელეკომპანია ,,იბერიას“ სამაუწყებლო ლიცენზიის იძულებით ჩამორთმევის საქმეზე გიორგი არველაძე დაიკითხა

თბილისის საქალაქო სასამართლოში ტელეკომპანია ,,იბერიას“ სამაუწყებლო ლიცენზიის იძულებით ჩამორთმევის საქმეზე პროცესი დაცვის მხარის მტკიცებულებათა გამოკვლევით განახლდა.

სხდომაზე მოწმის სახით დაიკითხა კომუნიკაციების მარეგულირებელი კომისიის ყოფილი თავმჯდომარე, გიორგი არველაძე.

გიორგი არველაძემ პროცესზე დაადასტურა, რომ 2007 წელს შეხება ჰქონდა იოსებ მგელაძესთან, რომელიც ერთ-ერთი რგოლი იყო ტელეკომპანია ,,იბერიას“ ლიცენზიის გადაფორმების პროცესში. კერძოდ, იოსებ მგელაძე იყო ტელეკომპანია ,,იბერიას“ ლიცენზიის ერთ-ერთი ფიქტიური მყიდველი, რომელსაც ბიძინა ნიჟარაძისგან გადაეცა ლიცენზია.

მოწმის განცხადებით, იოსებ მგელაძემ მას მიმართა და დაინტერესდა, რა იყო საჭირო იმისთვის, რომ მუშაობა განეახლებინა ტელეკომპანია ,,აისს“, რომელიც იბერია ტვ-ს ლიცენზიის მფლობელი გახდა და შესაბამისად, ამ უკანასკნელისთვის დაკისრებული გადასახადიც გადაეცა.

როგორც არველაძემ აღნიშნა, მან როგორც კომუნიკაციების მარეგულირების კომისიის თავმჯდომარემ, მგელაძეს განუმარტა, რომ საჭირო იყო სახელმწიფო ბიუჯეტის წინაშე არსებული დავალიანების დაფარვა და ტელეკომპანია საქმიანობის გაგრძელებას შეძლებდა.

მოწმის თქმით, მისი ინფორმაციით, მგელაძემ 19 700 ლარის ოდენობით განსაზღვრული სალიცენზიო მოსაკრებელი სრულად დაფარა.

ამასთან, არველაძის განცხადებით, იოსებ მგელაძე მეგობრის მეგობარი იყო. ადვოკატმა ამ საერთო მეგობრის ვინაობის დასახელება ითხოვა, რაზეც არველაძემ უპასუხა. რომ ეს პიროვნება არის იმჟამინდელი თავდაცვის მინისტრი, დავით კეზერაშვილი, რომელთანაც მგელაძე მუშაობდა კიდეც.

რაც შეეხება კონკრეტულად, ტელეკომპანია ,,იბერიას“ სამაუწყებლო ლიცენზიის იძულებით ჩამორთმევის პროცესს, როგორც არველაძემ განაცხადა, აღნიშნულთან მას შეხება არ ჰქონია და არც ინფორმაცია გააჩნია.

მოწმემ აქვე აღნიშნა ისიც, რომ მას საქმეზე ბრალდებულ ზურაბ ადეიშვილთან მხოლოდ სამსახურებრივი ურთიერთობა აკავშირებდა.

როგორც სასამართლო სხდომის დასრულების შემდეგ საქმის პროკურორმა, ემზარ გაგნიძემ განაცხადა, დაცვის მხარის მიერ წარმოდგენილი მოწმის ჩვენება არ იყო საქმისთვის მნიშვნელოვანი ინფორმაციის შემცველი.

,,მოწმემ დაადასტურა ტელეკომპანია ,,აისისთან“ მიმართებაში, რომ აღნიშნულ ტელეკომპანიას ერიცხებოდა დავალიანება 19 700 ლარის ოდენობით და იმისათვის, რომ ლიცენზია შეჩერებულ ტელეკომპანიას მაუწყებლობა განეახლებინა, საჭირო იყო თანხის გადახდა. მოწმემ დაადასტურა, რომ ამ თანხის გადახდა მოხდა ტელეკომპანიის მხრიდან, თუმცა შემდგომში ტელეკომპანიამ განაგრძო თუ არა მუშაობა და თუ არ განაგრძო, რა მიზეზების გამო არ განაგრძო, ამაზე ინფორმაცია აღნიშნულ მოწმეს არ გააჩნდა.

შესაბამისად, აღნიშნული მოწმე ვერ ადასტურებს ზოგადად რა ვითარებაში მოხდა ტელეკომპანია ,,იბერიას“ კუთვნილი ლიცენზიის გადაფორმება. ის არანაირ შეხებაში არ ყოფილა ამ საკითხთან. ამ მოწმის ჩვენებას არანაირი ინფორმაციული ხასიათი არ ჰქონდა. ერთადერთი რაც მოწმემ დაადასტურა, რომ ტელეკომპანია ,,აისი“ ნამდვილად არსებობდა. ამას კი, ბრალდების მხარეც ადასტურებს აღნიშნულ საქმეში“, - განაცხადა პროკურორმა ემზარ გაგნიძემ.

საქმეზე მომდენო სხდომა 10 ივლისს 13:00 საათისთვის ჩაინიშნა. პროცესი დაცვის მხარის მტკიცებულებათა გამოკვლევით განახლდება.

შეგახსენებთ, რომ პროკურატურამ ტელეკომპანია ,,იბერიას’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცნენ.

საკვანძო სიტყვები:

ოჯახში ძალადობისა და ცივი იარაღის ტარებისთვის ბრალდებულს 2 წლით თავისუფლების აღკვეთა მიესაჯა

23 იანვარი, 2019 , 16:38

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ოჯახში ძალადობისა და ცივი იარაღის ტარებისთვის ბრალდებული პ. თ. დამნაშავედ ცნო. გენერალური პროკურატურის ინფორმაციით, სასამარ

4 წლის გარდაცვლილი გოგონას დედა თავს დამნაშავედ არ მიიჩნევს - ადვოკატი

23 იანვარი, 2019 , 16:31

თბილისში, სანზონაში გარდაცვლილი 4 წლის გოგონას დედა, ლელა ქსოვრელი თავს დამნაშავედ არ მიიჩნევს, - ამბობს ადვოკატი ნინო ტაბატაძე. „მან კანონით მინიჭებული დუმილის უფლება აირჩია, ის თავს დამნაშავედ არ ცნობს და არ აღია

ნაზი ჯანეზაშვილი და ანა დოლიძე 278 მოსამართლეს სათითაოდ უგზავნიან პერსონალურ წერილს

23 იანვარი, 2019 , 13:33

საქართველოს იუსტიციის უმაღლესი საბჭოს არამოსამართლე წევრები, ნაზი ჯანეზაშვილი და ანა დოლიძე 278 მოსამართლეს სათითაოდ უგზავნიან პერსონალურ წერილს: პატივცემულო მოსამართლეებო, გადავწყვიტეთ დღეს მოგვემართა თქვენთვის, რადგან

ჭიდაობის ფედერაციის პრეზიდენტი გეგა გეგეშიძე დაკავებულია

23 იანვარი, 2019 , 10:25

შინაგან საქმეთა სამინისტრომ, საქართველოს ჭიდაობის ფედერაციის პრეზიდენტი თამაზ (გეგა) გეგეშიძე, სპორტის სასახლეში მომხდარ ფაქტთან დაკავშირებით, სისხლის სამართლის კოდექსის 126-ე მუხლის 1-ელი ნაწილით დააკავა, რაც ძალადობას

თბილისში ოთხი წლის გოგონას გარდაცვალების საქმეზე დედა დააკავეს

22 იანვარი, 2019 , 20:37

თბილისში ოთხი წლის გოგონას გარდაცვალების საქმეზე დედა დააკავეს. 2014 წელს დაბადებული გოგონას გარდაცვალების შესახებ დღეს გახდა ცნობილი. ფაქტზე გამოძიება შსს-მ სისხლის სამართლის კოდექსის 116-ე მუხლით დაიწყო, რაც გაუფრთხილე

ყაჩაღობასა და სასამართლო გადაწყვეტილების შესრულებისთვის ხელის შეშლაში ბრალდებულებს 10 და 12 წლით თავისუფლების აღკვეთა მიესაჯათ

22 იანვარი, 2019 , 15:41

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ჯგუფურად ჩადენილ ყაჩაღობასა და სასამართლო გადაწყვეტილების შესრულებისთვის ხელის შეშლაში ბრალდებულები ზ.ჩ. და ბ.ლ. დამნაშავედ ცნო

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`