უკან

უახლესი ამბები

დღის კალენდარი

ანონსები

არქივი

სამართალი

3 მაისი, 2018 10:35
font-size

ტელეკომპანია „იბერიას“ საქმეზე ბრიტანეთის ყოფილი ელჩი საქართველოში და ბრიტანელი ბიზნესმენები დაიკითხნენ

თბილისის საქალაქო სასამართლოში ტელეკომპანია ,,იბერიას’’ სამაუწყებლო ლიცენზიის იძულებით დათმობის საქმეზე პროცესი განახლდა.

სხდომაზე ბრალდების მხარემ მტკიცებულებათა გამოკვლევა 3 მოწმის დაკითხვით დაასრულა.

კერძოდ, სხდომათა დარბაზში დაიკითხნენ ბრიტანეთის ყოფილი ელჩი საქართველოში დონალდ მაკლარენი და ბრიტანული კომპანია ,,დევიდ ჰის ინტერნეიშენალის" წარმომადგენლები - დევიდ ჰისი და მისი მეუღლე ჯილიანა ჰისი.

დევიდ ჰისი 2004 წელს, როდესაც „ომეგა ჯგუფში“ შემავალ კომპანიებში შეჭრა და ტელეკომპანია ,,იბერიას“ ლიცენზიის იძულებით დათმობა მოხდა, „ომეგა ჯგუფის“ ბიზნეს პარტნიორი იყო. როგორც დევიდ ჰისმა დაკითხვისას აღნიშნა, მას „ომეგა 2“-სა და „ოჯთ“-ში ჩადებული ჰქონდა ინვესტიცია და ამავდროულად, ამ კომპანიებში კონსულტანტის მოვალეობასაც ახორციელებდა.

ამდენად, დევიდ ჰისის თქმით, როდესაც მან დაინახა, რომ „ომეგა ჯგუფის“ მიმართ ხორციელდებოდა უკანონო ზეწოლა, საკუთარი ბიზნეს ინტერესებიდან გამომდინარე, მან საკითხის შესახებ საქმის კურსში ჩააყენა ბრიტანეთის საგარეო საქმეთა სამინისტრო და ბრიტანეთის ელჩი საქართველოში დონალდ მაკლარენი.

,,ჩვენთვის მნიშვნელოვანი იყო, რომ შეიარაღებული პირების მიერ „ომეგას“ შენობების დაკავება დასრულებულიყო და მუშაობა განახლებულიყო, რათა ინვესტიციის სახით ჩადებული თანხა არ დაგვეკარგა", - განაცხადა ჰისმა.

დევიდ ჰისმა სასამართლო პროცესზე გაიხსენა 2004 წლის ზაფხულში ლონდონის ერთ-ერთი სასტუმროს კაფე-ბარში პრეზიდენტ საააკშვილის მრჩეველ გიგა ბედინეიშვილთან შეხვედრა, რომელზეც ამ უკანასკნელისგან მიიღო ინფორმაცია, რომ „ომეგა ჯგუფში“ შემავალ კომპანიებში მუშაობა განახლდებოდა მხოლოდ მთავრობის მიერ ნომინირებული პირისთვის კომპანიის 51% წილის უსასყიდლოდ დათმობის შემთხვევაში. ბიზნესმენის განცხადებით, ამ შეხვედრას ესწრებოდა მისი მეუღლეც, ჯილიანა ჰისიც. ეს უკანასკნელი ასევე დაიკითხა დღევანადელ სასამართლო პროცესზე და მანაც დაადასტურა გიგა ბედინეიშვილთან შეხვედრის ფაქტი.

დევიდ და ჯილიანა ჰისების ჩვენებების თანახმად, მათგან, როგორც „ომეგა ჯგუფთან“ ფინანსურად დაკავშირებული კომპანიის ხელმძღვანელებისგან, პრეზიდენტ სააკაშვილის წარმომადგენელმა წილის დათმობასთან დაკავშირებით გაკეთებულ წინადადებაზე უარი მიიღო.

დევიდ ჰისის თქმით, მოგვიანებით შეიტყო, რომ „ომეგას“ საწარმოებში მუშაობა განახლდა მას შემდეგ, რაც ,,იბერიას" ლიცენზიის იძულებით დათმობა მოხდა.

თავის მხრივ, როგორც ბრიტანეთის ყოფილმა ელჩმა საქართველოში დონალდ მაკლარენმა განაცხადა, იქიდან გამომდინარე, რომ „ომეგა ჯგუფი“ ბრიტანეთის მოქალაქის, დევიდ ჰისის ბიზნეს პარტნიორს წარმოადგენდა, მას როგორც ბრიტანეთის ელჩს უფლებამოსილება ჰქონდა რეაგირება მოეხდინა მიმდინარე პროცესებთან დაკავშირებით.

დონალდ მაკლარენის თქმით, 2004 წელს ზაფხულსა და შემოდგომაზე მას შეხვედრები და საუბრები ჰქონდა „ომეგა ჯგუფის“ გარშემო არსებულ სიტუაციასთან დაკავშირებით იმჟამინდელ პრემიერ ზურაბ ჟვანიასთან, ექსპრეზიდენტ მიხეილ სააკაშვილთან და ასევე, ზურაბ ადეიშვილთან, რომელიც გენერალური პროკურორის თანამდებობას იკავებდა. ბრიტანელი დიპლომატის განცხადებით, ქართველ მაღალჩინოსნებთან მან გამოთქვა შეშფოთება და მათგან მოისმინა დაპირება, რომ „ომეგა ჯგუფის“ მიმართ უკანონო ქმედებების განხორციელების დადგენის შემთხვევაში, გატარდებიოდა შესაბამისი ზომები.

მისივე თქმით, 2004 წლის ბოლოს მან შეიტყო, რომ „ომეგა ჯგუფში“ შემავალ კომპანიებში მუშაობა განახლდა მხოლოდ მას შემდეგ, რაც ტელეკომპანია ,,იბერიას" სამაუწყებლო ლიცენზიის იძულებით დათმობა მოხდა.

საქმის განხილვა თბილისის საქალაქო სასამართლოში 17 მაისს, 16:00 საათზე დაცვის მხარის მტკიცებულებათა გამოკვლევით განახლდება.

შეგახსენებთ, რომ პროკურატურამ ტელეკომპანია ,,იბერიას’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცნენ.

ნინო ექვთიმიშვილი

პროკურატურამ განზრახ მკვლელობის და ცეცხლსასროლი იარაღის მართლსაწინააღმდეგო შეძენა, შენახვა, ტარების ფაქტზე, ერთ პირს ბრალდება წარუდგინა

27 მარტი, 2024 , 12:46

საქართველოს პროკურატურამ ქალაქ ქობულეთში მომხდარი განზრახ მკვლელობის და ცეცხლსასროლი იარაღის მართლსაწინააღმდეგო შეძენა, შენახვა, ტარების ფაქტზე, ერთ პირს ბრალდება წარუდგინა. ინფორმაციას პროკურატურის პრესსამსახური ავ

შინაგან საქმეთა სამინისტრომ ნარკოდანაშაულისთვის 11 პირი დააკავა

22 მარტი, 2024 , 11:07

შინაგან საქმეთა სამინისტროს ცენტრალური კრიმინალური პოლიციის დეპარტამენტის, თბილისის, აჭარის, კახეთისა და გურიის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მ

საგამოძიებო სამსახურმა კომერციული მოსყიდვის ფაქტზე ტექინსპექტირების ცენტრის თანამშრომელი ამხილა

22 მარტი, 2024 , 10:56

საქართველოს ფინანსთა სამინისტროს საგამოძიებო სამსახურის თანამშრომლების მიერ გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, კომერციული მოსყიდვისა და ყალბი დოკუმენტის დამზადება-გასაღების

სპეციალური საგამოძიებო სამსახური, ევროპის საბჭოს მინისტრთა კომიტეტის რეკომენდაციის შესაბამისად, „ცინცაბაძის ჯგუფის“ საქმეებს შეისწავლის

21 მარტი, 2024 , 11:16

სპეციალური საგამოძიებო სამსახური, ევროპის საბჭოს მინისტრთა კომიტეტის რეკომენდაციის შესაბამისად, „ცინცაბაძის ჯგუფის“ საქმეებს შეისწავლის, – ამის შესახებ სპეციალური საგამოძიებო სამსახურის განცხადებაშია აღ

ევროპის საბჭოს მინისტრთა კომიტეტმა საქართველოს თემირლან მაჩალიკაშვილის საქმეზე გამოძიების დროული განახლებისკენ მოუწოდა - SJC

20 მარტი, 2024 , 14:53

სოციალური სამართლიანობის ცენტრის ცნობით, ევროპის საბჭოს მინისტრთა კომიტეტმა საქართველოს თემირლან მაჩალიკაშვილის საქმეზე გამოძიების დროული განახლებისკენ მოუწოდა, - ნათქვამია სოციალური სამართლიანობის ცენტრის მიერ გავრცელებ

პირადი ცხოვრების საიდუმლოს ხელყოფისა და სექსუალური ქმედების იძულების ფაქტზე არასრულწლოვანი დააკავეს

20 მარტი, 2024 , 11:27

სპეციალური საგამოძიებო სამსახურის თანამშრომლების მიერ, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე დაკავებულია 17 წლის არასრულწლოვანი. ინფორმაციას სპეციალური საგამოძიებო სამსახური

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი