უკან

უახლესი ამბები

დღის კალენდარი

ანონსები

არქივი

პოლიტიკა

26 დეკემბერი, 2018 15:20
font-size

თემირლან მაჩალიკაშვილის ოჯახი ერთი წლის წინ პანკისის ხეობაში ჩატარებული სპეცოპერაციის საქმეზე დროებითი საგამოძიებო კომისიის შექმნას ითხოვს

თემირლან მაჩალიკაშვილის ოჯახი და არასამთავრობო ორგანიზაცია EMC პანკისის ხეობაში, სოფელ დუისში ჩატარებული სპეცოპერაციის საქმეზე დროებითი საგამოძიებო კომისიის შექმნას ითხოვენ. ამის შესახებ EMC-ის თანასწორობის პროგრამის დირექტორმა თამთა მიქელაძემ თემირლან მაჩალიკაშვილის მშობლებთან - მალხაზ მაჩალიკაშვილთან და მედიკო მარგოშვილთან ერთად გამართულ პრესკონფერენციაზე განაცხადა.

მიქელაძის თქმით, მიმდინარე გამოძიება არაეფექტურია, რის გამოც საგამოძიებო კომისიის შექმნის საჭიროება დადგა.

„დუისში ჩატარებული სპეცოპერაციის შემდეგ ერთი წელი გავიდა. საქმეზე გამოძიება პროკურატურამ ფორმალურად დაიწყო, თუმცა, მთელი ამ დროის განმავლობაში ჩვენ ვერ დავინახეთ, რომ მიმდინარე გამოძიება არის ეფექტური. გამოძიების საწყის ეტაპზევე სახელმწიფო უსაფრთხოების სამსახურმა დაუშვა არსებითი შეცდომები, რამაც ჩვენ გადაგვიწურა იმედი, რომ გამოძიებას რაიმე შედეგი ექნებოდა. შემთხვევის ადგილზე ყველაზე მნიშვნელოვანი მტკიცებულებები სუს-მა და მისმა თანამშრომლებმა ამოიღეს და გვიჩნდება ეჭვი, რომ ამ მტკიცებულებების ნაწილი ფაბრიკაციაა ან საერთოდ განადგურდა, რამაც გამოძიების პროცესი არსებითად დააზიანა და პროკურატურის ამ საქმეში მონაწილეობა ფორმალური გახადა. ჩვენ ამ დრომდე არ გვაქვს წვდომა ძალიან მნიშვნელოვან საქმის მასალებზე, მათ შორის, იგივე სპეცრაზმელების ჩვენებაზე, სპეცოპერაციის ჩატარების შესახებ მიღებულ გადაწყვეტილებაზე. თითქმის 5 თვეა, ველოდებით კომპლექსური ექსპერტიზის საბოლოო პასუხს, რომელსაც უნდა შეეფასებინა, თუ რა მდგომარეობაში იმყოფებოდა თემირლან მაჩალიკაშვილი გასროლის მომენტში, თუმცა ეს პასუხებიც ჭიანურდება. ადგილზე ამოღებული ნივთები აჩვენებს, რომ თემირლანი იწვა, სავარაუდოდ, ყურსასმენი ეკეთა და ეძინა. იმის გამო, რომ შეჭრა და გასროლა მყისიერად განხორციელდა, გაფრთხილებას ადგილი არ ჰქონია. ვამტკიცებთ, რომ ამ საქმეში ძალის გამოყენება არ აკმაყოფილებდა აუცილებლობის და პროპორციულობის სტანდარტს. ჩვენ ამ საქმეში სადავოდ ვხდით სპეცოპერაციის ჩატარების აუცილებლობასა და კანონიერებას. სწორედ იმის გამო, რომ ამ გამოძიებაში ვერანაირი შედეგი ვერ ვნახეთ, ვითხოვთ, ამ საქმეში პარლამენტის შემოყვანას”,- განაცხადა მიქელაძემ და აღნიშნა, რომ ისინი აპირებენ, მიმართონ ყველა საპარლამენტო ჯგუფს, მათ შორის სახელისუფლებოსა და ოპოზიციურ ჯგუფს. ამავდროულად, EMC და თემირლან მაჩალიკაშვილის ოჯახი საპარლამენტო ჯგუფებთან საკონსულტაციო შეხვედრებსაც ითხოვენ.

საქართველოში აშშ-ის საელჩო გამყოფ ხაზზე მიმდინარე პროცესისა და ლუგარის ცენტრის წინააღმდეგ მიმართული რუსეთის კამპანიის შესახებ განცხადებას ავრცელებს

27 მაისი, 2020 , 20:12

საქართველოში აშშ საელჩო ადმინისტრაციულ გამყოფ ხაზზე მიმდინარე ბორდერიზაციის პროცესისა და ლუგარის ცენტრის წინააღმდეგ მიმართული კამპანიის შესახებ განცხადებას ავრცელებს. „იმ ფონზე, როდესაც მსოფლიო ულოცავს საქართველოს

სალომე ზურაბიშვილი მონაკოს პრინცს ტელეფონით ესაუბრა

27 მაისი, 2020 , 17:46

საქართველოს პრეზიდენტი სალომე ზურაბიშვილი დღეს მონაკოს პრინცს, ალბერ მეორეს ტელეფონით ესაუბრა. საქართველოს პრეზიდენტის პრესსამსახურის ინფორმაციით, სალომე ზურაბიშვილი პრინცის ჯანმრთელობის მდგომარეობით დაინტერესდა, რადგან

გიორგი გახარია არის ჯალათი, არის „ქართული ოცნების“ მმართველობის ყველაზე სისხლიანი დღეების შემოქმედი - თინა ბოკუჩავა

27 მაისი, 2020 , 16:59

გიორგი გახარია თავმომწონედ პოზირებს, თითქოს დაავიწყდა, რომ მისთვის ადამიანის სიცოცხლესა და ჯანმრთელობას ჩალის ფასი აქვს, – ამის შესახებ „ნაციონალური მოძრაობის“ წევრმა, თინა ბოკუჩავამ პარლამენტის სხდომაზ

ნატო ჩხეიძე პრემიერს: ძნელბედობაა ბატონო გიორგი ახლა და თქვენი „წერტილები“ ჩვენს მოსახლეობას ვერაფერში დაეხმარება

27 მაისი, 2020 , 16:05

თქვენი მთავრობის მუშაობის შემხედვარე აუცილებლად გაახსენდება ადამიანს რობერტ ბერნსის ერთი ფრაზა. ვფიქრობ, რომ ის ესადაგება თქვენი მთავრობის მუშაობას და თქვენი ნებართვით ვიტყვი: „ცხენების ჩონჩორიკს რომ უნდა ხვეტავდნე

რუსეთის მოწოდება სხვა ქვეყნებისადმი, შეასრულონ ღია ცის ხელშეკრულების დებულებები პოლიტიზების გარეშე, სხვა არაფერია, თუ არა ცინიკური განცხადება - საქართველოს საგარეო უწყება

27 მაისი, 2020 , 14:37

წლების განმავლობაში, რუსეთი სისტემატურად არღვევს ღის ცის ხელშეკრულების დებულებებს და ახდენს მის პოლიტიზებას, – ამის შესახებ საქართველოს საგარეო საქმეთა სამინისტროს კომენტარშია ნათქვამი, რომლითაც უწყება რუსეთის საგა

მივმართავთ საერთაშორისო თანამეგობრობას, არ დაუშვან ლუგარის ცენტრის წარმატებული ფუნქციონირების ეჭვქვეშ დაყენება - საგარეო უწყება

27 მაისი, 2020 , 14:15

მიუხედავად იმისა, რომ რუსეთთან არანაირი ორმხრივი იურიდიული ვალდებულება ამ საკითხზე არ გააჩნია, საქართველო, გამოთქვამს მზადყოფნას, უმასპინძლოს მორიგ ვარჯიშს/ვიზიტს ბიოლოგიური იარაღის აკრძალვის კონვენციის ფარგლებში, მათ შო