სამართალი
თემირლან მაჩალიკაშვილის სახლში დღეს ხელახალი ექსპერტიზა ჩატარდება
პანკისის ხეობაში დღეს პროკურატურის წარმომადგენლები და ექსპერტები ჩავლენ.
საგამოძიებო უწყების წარმომადგენლები დეკემბერში ჩატარებულ სპეცოპერაციასთან დაკავშირებით რამდენიმე ადგილობრივ მოსახლეს დაკითხავენ.
გარდა ამისა, იგეგმება მაჩალიკაშვილების საცხოვრებელ სახლში იმ ოთახის დათვალიერება კედლის უფრო ღრმად შესწავლა, სადაც 19 წლის თემირლან მაჩალიკაშვილი სასიკვდილოდ დაიჭრა.
„როგორც ჩვენთვის არის ცნობილი, საქმის მასალების გაცნობის დროს წარმოიშვა რაღაც საკითხები, რომლის დაზუსტებაც მოითხოვს დამატებით შემთხვევის ადგილის დათვალიერებას. ჩატარდება შესაბამისი საგამოძიებო მოქმედებები, რათა აღმოჩენილ იქნას სხვა დანარჩენი ფაქტორები, რომელიც ერთობლიობაში შექმნის იმ სურათს, რომ მთლიანი ტყვია იქნეს სრულყოფილად წარმოდგენილი,“-აცხადებს დამოუკიდებელი ექსპერტი ზაზა ალთუნაშვილი.
ხელახალი ექსპერტიზის ჩატარება პროკურატურამ ზეპირი შუამდგომლობის საფუძველზე დააკმაყოფილა.
ნინო ექვთიმიშვილი