უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
თემურ აბაზოვი გათავისუფლებულია და დავით კირკიტაძე დაკავებულია - ოპოზიცია მარნეულის ყოფილი მერის გათავისუფლებას აკრიტიკებს
ოპოზიცია დამამცირებელ და არაადამიანურ მოპყრობაში ბრალდებული თემურ აბაზოვის გათავისუფლებასა და მის პოლიტიკაში შესაძლო დაბრუნებას, აკრიტიკებს.
„ეს იყო სამარცხვინო და ამაზრზენი ფაქტი. ისეთი აღშფოთება იყო საზოგადოების, რომ მათ მოუწიათ ამ ნაბიჯის გადადგმა. ივანიშვილისა და „ქართული ოცნების“ კლასიკურ სტილში, კიდევ ერთხელ არის ყველა ნიშანი,რომ თამაშის ასეთ წესებს სთავაზობენ საზოგადოებას, მთავარია იყო ივანიშვილის სატელიტი ან მომხრე და ყველაფერი გაგივა ,“- განაცხადა „ევროპული საქართველოს“ ერთ-ერთმა ლიდერმა გიგა ბოკერიამ.
„ნაციონალური მოძრაობის“ წევრის, ზაალ უდუმაშვილის მტკიცებით, „ქართული ოცნება“ კრიმინალებს ხელს აფარებს.
„ქართულმა ოცნებამ“ აბაზოვი გაათავისუფლა, ადამიანი, რომელიც უმძიმეს დანაშაულში - ადამიანის წამებასა და არაადამიანურ მოპყრობაში იყო ბრალდებული. თემურ აბაზოვი გათავისუფლებულია და დავით კირკიტაძე დაკავებულია, ეს არის „ქართული ოცნების“ სახე. არ ვაპატიებთ არაფერს, ეს არის ბატონ გახარიას პასუხისმგებლობის საკითხი“, - განაცხადა უდუმაშვილმა.
თემურ აბაზოვმა პოლიტიკური ანგარიშსწორების მიზნით მარნეულის მცხოვრებს ჭიქაში მოშარდვა და შარდის სახეზე წასმა აიძულა. ის რამდენიმე დღის წინ პატიმრობიდან გირაოს სანაცვლოდ გაათავისუფლეს. მეტიც, მძიმე ბრალდების მიუხედავად, გავრცელებული ინფორმაციით, იგეგმება აბაზოვის პოლიტიკაში დაბრუნება.
ამ მიზნით კონსულტაციები მარნეულის ყოფილმა მერმა გუშინ „ქართული ოცნების“ ოფისში, ბიძინა ივანიშვილთან გამართა.