უკან
უახლესი ამბები
არქივი
პოლიტიკა
5 მაისი, 2016 12:55
თენგიზ კიტოვანის ქალიშვილმა პატრიოტთა ალიანსს 45 000 ლარი შესწირა
სახელმწიფო აუდიტის სამსახურის მიერ გასაჯაროვებული ინფორმაციის მიხედვით, 2016 წლის აპრილის თვეში პარტიებს შორის ყველაზე მეტი შემოწირულობა პატრიოტთა ალიანსმა მიიღო. პარტიის ერთ-ერთი შემომწირველი თავდაცვის ყოფილი მინისტრის, თენგიზ კიტოვანის ქალიშვილი ნათია კიტოვანია, რომელმაც პარტიას 45 000 ლარი შესწირა.
რაც შეეხება ყველაზე მსხვილ შემოწირულობას - პატრიოტთა ალიანსისთვის 60 000 ლარი პარტიის პოლიტიკური საბჭოს წევრმა და თბილისის საკრებულოში პატრიოტთა ალიანსის წარმომადგენელმა მანუჩარ მაჩაიძემ გაიღო.
საერთო ჯამში, მიმდინარე წლის აპრილის თვეში პატრიოტთა ალიანსმა 417 300 ლარი მიიღო.
შემოწირულობის რაოდენობის მიხედვით მეორე ადგილზე ,,ქართული ოცნება-დემოკრატიული საქართველო“, ხოლო მესამე ადგილს ახალი პოლიტიკური ცენტრი - გირჩი იკავებს.
მარი ნამგალაძე